Génesis 27:4 - Qheshwa Biblia DC

⁴ Jinaspataj sumaj aycha mikhuyta wayk'upuwanki munasqayman jina; apamuwankitaj mikhunaypaj, amaraj wañushaspa kuraj wawa kaspa jap'inayki bendicionniykita qopusqayki.

DIOSPA QHELQACHISQAN DEUTEROCANONICAL

⁴ Chantá munasqayman jina sumaj mikhunata wayk'uspa, mikhunaypaj apamuway. Noqataj manaraj wañupushaspa, qanta saminchasqayki, nispa.

DIOSPA QHELQACHISQ

⁴ Chantá munasqayman jina sumaj mikhunata wayk'uspa, mikhunaypaj apamuway. Noqataj manaraj wañupushaspa, qanta saminchasqayki, nispa.

Génesis 27:4 Referans Kwoze

Hebreos 11:20

Creesqanrayku Isaacqa Jacobta bendicerqa, Esautawan, yuyaspa chay qhepa jamoj imaspi.

Génesis 48:9

Josetaj kuticherqa: Kaykunaqa wawasniy kanku Dios qowarqa kay Egiptopi. Tatantaj nerqa: Astawan qayllaykamuwaychej wawasníy, bendicionniyta qosqaykichej, nispa.

Génesis 49:28

Kaykuna kanku chunka iskayniyoj Israel ayllus. Kaytataj tatanku sapa uj wawasninman bendicishaspa nerqa.

Génesis 27:25

Chaymanta tatanqa nerqa: Wawáy, jina kajtenqa, mikhunaypaj jaywaway, imatachus jap'isqaykita bendicionniyta qosunaypaj. Jinata nejtintaj Jacobqa jaywarqa tatanman mikhunampaj, chanta vinotawan jaywarqa. Isaactaj sumajta mikhukorqa, ujyaykorqataj.

San Lucas 24:51

Bendicishaspataj paykunamanta karunchakorqa, janaj pachamantaj oqharisqa karqa.

San Lucas 2:34

Chantá Simeón paykunata bendicerqa. Wawaj maman Mariamantaj nerqa: Kay wawataqa Dios churan Israelpi ashkhas urmanankupaj jatarinankupajtaj. Señal churasqa payta ashkhas qhesachanankupaj.

Josué 22:6

Chaymanta Josueqa allillanta ripuychej, nispa, kacharpayarqa, paykunataj chay toldosninkuman riporqanku.

Josué 14:13

Chaymanta Josueqa Jefonej wawan Calebta bendicerqa; chaymantataj chayaqempaj Hebrón jallp'ata qoporqa.

Génesis 27:7

Rispa ima animalllatapis jap'impuway, sumaj aychapuruta wayk'upunawaykipaj mikhunaypaj; jinaspataj amaraj wañushaspa kuraj wawa kaspa jap'inayki bendicionniyta qopusqayki Señorpa ñaupaqempi.

Génesis 28:3

Tukuy atiyniyoj Dios bendicisuchun, ashkhayachisuchun, mirayniykita mirachichun, qanmanta ashkha naciones kanankupaj.

Génesis 27:31

Paypis wayk'ullarqataj sumaj q'apashaj aychapuruta, chaytataj tatanman aparqa, nispa: Jatarikuy tatáy; mikhurikuy wawaykej jap'imusqanmanta mikhuyta, qopuwaytaj bendicionniykita.

Génesis 27:27

Jacob qayllaykuspa much'aykojtintaj, Isaacqa muskhinerqa p'achampa q'apayninta. Jinaspataj bendiciyta qallarerqa, kay jinata: Arí, kay q'apayqa wawaymanta. Uj campoj q'apaynin jina, mayqentachus Señor bendicerqa.

Génesis 27:23

Ajinata Isaacqa payta mana rejserqachu, imaraykuchus makisnenqa thapulla karqa wauqen Esaujta jina.

Génesis 24:60

Chaymantataj Rebecata bendicispa nerqanku: Oh, hermanayku, qan kanki waranqa waranqaspa mamanku, mirayniyki qhechuchun ashkha llajtasta enemigosninkumanta.

Génesis 14:19

Bendicerqataj Abramta kay jinata nispa: Patapi kaj Dios bendicisuchun, pichus janaj pachata, kay pachatawan ruwaj;

Génesis 27:5

Rebecataj chayta uyarisharqa imatachus Isaacqa wawan Esauman nishajta. Chaymantataj Esauqa monteman rerqa ima animalllatapis tatampaj jap'impunampaj.

Génesis 27:9

Kunampacha rerqoy uywasinchej kashan chayman, apamunkitaj cabrasninchejmanta iskay sumachajnin kaj lechonesta; chaymanta noqa wayk'orqosaj sumaj aychapuruta tataykej munasqanta.

Génesis 27:14

Jacobqa usqhay usqhayta kachaykukuspa cabrasta aparqamorqa mamanman. Rebecataj aychapuruta sumaj q'apashajta wayk'orqa, Isaac qosan munasqanman jina sumaj misk'ejta mikhuykunampaj.

Génesis 27:17

Jinaytawantaj chay sumaj q'apashaj mikhuy wayk'usqanta, t'antatawan wawan Jacobman jaywarqa.

Génesis 27:19

Jacobtaj nerqa: Noqa kuraj wawayki Esaú kani. Ñapis ruwaniña imatachus niwasqaykita. Jatarikuy ari; tiyaykukuy, mikhukuy, monte animalta jap'ispa wayk'usqayta; qopuwaytaj bendicionniykita.