Génesis 26:3 - Qheshwa Biblia DC

³ Kunanraykoqa kay jallp'allapiraj tiyakushay. Noqa qanwan kasaj, bendicisqaykitaj. Qanman, mirayniykimanwan kay jallp'asta qosqaykichej. Ajinamanta junt'asaj tatayki Abrahamman imatachus qosqayki nerqani chayta.

DIOSPA QHELQACHISQAN DEUTEROCANONICAL

³ Kunanraykoqa kay llajtallapiraj tiyakushay. Noqa qanwan kasaj, yanapasqaykitaj. Aswan qhepanejmantaj qanman, chantá mirayniykiman ima kay tukuy jallp'ata qosqaykichej. Ajinata ruwaspa, noqa tatayki Abrahamman imatachus nisqayta junt'asaj.

DIOSPA QHELQACHISQ

³ Kunanraykoqa kay llajtallapiraj tiyakushay. Noqa qanwan kasaj, yanapasqaykitaj. Aswan qhepanejmantaj qanman, chantá mirayniykiman ima kay tukuy jallp'ata qosqaykichej. Ajinata ruwaspa, noqa tatayki Abrahamman imatachus nisqayta junt'asaj.

Génesis 26:3 Referans Kwoze

Génesis 28:15

Noqa qanwan kashani, noqa waqaychasqayki maymampis rejtiyki, kutichimusqaykitaj kay jallp'allamantaj. Mana saqerparisqaykichu, imatachus qosunay kajta qosunaykama.

Salmos 105:9

Abrahamwan trato ruwasqanta, Isaacman jurasqanta.

Génesis 20:1

Abrahamqa maypichus kasharqa chaymanta riporqa Neguev jallp'aman. Chaypitaj jarakuspa toldota wakichikorqa. Chaytaj karqa Cadeswan Shurwan tinkuypi. Chaypi pay tiyakorqa; chay llajtaj sutintaj Gerar.

Génesis 17:8

Qanman paykunamanwan qosqaykichej kay tukuynin Canaán jallp'ata, kunan maypichus tiyakushanki chayta, chayaqeyki wiñaypaj kanampaj, noqataj Diosniyki kasaj.

Génesis 15:18

Chay kikimpacha Señorqa uj tratota Abramwan ruwarqa, nispa: Mirayniykiman qosaj kay jallp'ata. Chaytaj kanqa Egipto mayumanta, Eufrates jatun mayukama.

Génesis 13:17

Kunanqa sayariy, thaskiriytaj kinrayninman, sayt'unman; imaraykuchus noqa qanman qosqayki kay jallp'ata.

Génesis 13:15

Noqa qosqayki tukuynin rikusqayki jallp'asta, qampaj wiñaypaj kanqa, jinallataj mirayniykipajpis.

Génesis 12:7

Chaypi Señorqa Abramman rikhurerqa, nerqataj: Kay jallp'ata mirayniykiman qosaj. Abramtaj chaypi uj altarta Diospaj ruwaporqa, chaypi Señorqa payman rikhurisqanrayku.

Hebreos 11:9

Creesqanrayku Diospa qonan jallp'aman tiyakoj rerqa, waj runakunaj jallp'anman; toldo wasispi tiyakuspa, Isaacwan, Jacobwan, paykunapis chay kikin qonan kasqallanmantataj, paywan khuska chayaqeyoj karqanku.

Filipenses 4:9

Chay yachasqaykichejta, jap'isqaykichejta, uyarisqaykichejta, rikusqaykichejta noqapi, chayta ruwaychej. Sonqo tiyaykuchej Diostaj qankunawan kachun.

Isaías 43:5

Ama manchachikuychu. Noqa qanwan kashani. Inti llojsimuymantapacha, inti yaykuymantawan runasniykita tantaykampusqayki.

Isaías 43:2

Yaku mayusta chimpashajtiykeqa noqa qanwan kasaj. Mana yakoqa apasonqachu. Nina chaupita rishaspapis mana ruphachikunkichu. mana larwaynillampis q'aspasonqachu.

Salmos 32:8

Señorqa nin: Ñawisneyqa qanta qhawashasunku, yachachisqayki, yuyaychasqayki, mayqen ñantachus allinta rinaykita yachachisqayki ima.

Génesis 39:2

Señorqa Josewampuni kasharqa. Chayrayku egipcio patronnimpapi kashajtin tukuy imapi allin rerqa.

Génesis 26:14

Tiyaporqa ashkha ovejasnin, ashkha wakasnin, jinallataj michejkunasnimpis. Chaymanta filisteos maytapuni chhoqoykukorqanku.

Génesis 26:12

Chay wata Isaacqa chay jallp'api tarporqa, sumajtataj poqocherqa, imaraykuchus Señora payta bendicerqa.

Hebreos 6:17

Chayrayku, Diosqa, imatachus qonan kasqanta chayaqeyojkunaman, aswan allinta rikuchinampaj, munaynintataj manapuni kuyuchinanta, juramentowan chaupincharqa.

Miqueas 7:20

Señor, waqaychallaypuni noqaykuwan kasqaykita munakuyniykitapis, ñaupa tatasniyku Abrahamman Jacobmantaj ñaupa wataspi prometerqanki chayta!

Salmos 39:12

Señor, mañakusqasuyta uyariway. Waqaspa mañakusqasuyta uyariway. Waqasqayta rikuspa ama ch'inlla kaychu. Qampajqa waj llajtayoj jina kani, ripoj p'isqo jina, ñaupa tatasniy jinataj.

Génesis 25:11

Abraham wañupusqanmanta qhepata Dios bendicerqa Abrahampa wawan Isaacta; pay tiyakorqa, “Pichus kausaj rikuwan”, nisqa pujyoj qayllampi.

Génesis 26:24

Chay ch'isi Señorqa rikhurerqa, nerqataj: Noqa kani tatayki Abrahampa Diosnin. Ama manchachikuychu, noqa qanwan kashani. Kamachiy Abrahamrayku bendicisqayki, mirayniykitapis ashkhayachisaj.

Génesis 28:13

Jinallataj paypa ñaupaqempi Señor sayashajta, payman nishajta: Noqa kani Señor, abueloyki Abrahampa Diosnin, tatayki Isaacpatawan. Qanman mirayniykimanwan qosqayki kay jallp'ata, maypichus puñushanki chayta.

Génesis 31:3

Chaymanta Señorqa Jacobman nerqa: Kutipuy jallp'aykiman, tatasniykej jallp'anman, maypichus ayllusniyki kashan chayman, noqataj qanwan kasaj.

Génesis 35:12

Abrahamman Isaacmanwan qorqani chay jallp'ata qanmampis qollaykitaj, qan wañupojtiykitaj mirayniykiman qosaj.

Génesis 48:21

Chaymantataj Joseman nerqa: Qhaway, noqaqa wañupusajña, Dios qankunawan kanqa. Payllataj kutichisonqachej ñaupa tatasniykichejpa jallp'anman.

Génesis 50:24

Uj kuti Joseqa wauqesninman nerqa: Pisillaña kashan wañupunayman, Dios qankunamanta yuyarikusonqachej, kay jallp'amanta orqhosonqachej, pusasunaykichejpaj mayqen jallp'atachus qosqaykichej nerqa Abrahamman, Jacobman ima, chayman.

Éxodo 6:4

Chantapis paykunawan uj tratota ruwarqani, Canaán jallp'ata qonaypaj. Chay jallp'api paykunaqa karu llajtayoj jinalla karikorqanku pisi p'unchaykunata.

Éxodo 6:8

Noqa pusasqaykichej, ima jallp'atachus Abrahamman, Isaacman, Jacobman ima, chayaqenkupaj qosqaykichej nerqani chayman. Noqamin kani Señorqa.

Deuteronomio 1:8

Noqa qoykichej chay jallp'asta; chayrayku rispa mojonakamuychej, dueñochakamuychej chay jallp'asta; chaytaqa noqa Señor, juraspa qosqaykichej nerqani ñaupa tatasniykichej Abrahamman, Isaacman, Jacobman ima, jinallataj mirayninkumampis.

Deuteronomio 34:4

Chaypitaj Señorqa payman nerqa: Kay ari, chay jallp'aqa, Abrahamman, Isaacman, Jacobman juraspa, mirayninman ima qonayta nerqani, chay. Noqa munarqanipuni chay jallp'ata kikin ñawisniykiwan rikunaykita. Manataj chaymanqa yaykunkichu.

1 Crónicas 16:16

Abrahamwan ruwarqa chay tratomantaqa, Isaacman jurarqa chaymantapis.

Génesis 17:19

Diostaj kuticherqa: Chay tukuywampis warmiyki Sara wawayoj kapusonqa, chay wawaykitataj sutichanki Isaacta. Paywan tratoyta wiñaypaj sayachisaj, jinallataj mirayninmampis.

Éxodo 2:24

Dios uyarerqa chay mañakuyninkuta, yuyarikuspa imaynatachus Abrahamwan, Isaacwan, Jacobwan ima uj tratota ruwasqanta.

Éxodo 3:12

Diostaj kuticherqa: Noqamin qanwan kasaj, kay señalta qosqayki, noqa qanta kachasusqayta yachanaykipaj. Maypachachus aylluyta Egiptomanta orqhomunki chaypacha, tukuyniykichej kay orqopi yupaychawankichej.

Éxodo 6:7

Noqa orqhokapusqaykichej: Qankunaqa aylluy kankichej; noqataj Diosniykichej kasaj. Chaypi qankunaqa yachankichej noqamin Señorqa, qankunaj Diosniykichej kasqayta, egipcios mayta ñak'arichispa llank'achisusqaykichejmanta, noqa qankunata orqhosqayta.

Números 23:19

Diosqa mana wañojkuna jinachu, mana llullakunchu, nitaj imatachus nisqantapis q'ewichinchu. Imatachus nisqanta payqa junt'an. Imatachus nisqantapis payqa qompuni.

Salmos 105:8

Waranqa waranqa runa mitapis pasachun, ruwasqantaqa mana jayk'aj qonqanqachu: