Génesis 24:3 - Qheshwa Biblia DC

³ Kunanqa juray ari, Señorrayku, janaj pachapi kay pachapipis kaj Diosrayku. Qan ama casarachinkichu waway Isaacta kay Canaampi kaj warmiswan, maypichus tiyakushani chay llajtayoj warmiswan.

DIOSPA QHELQACHISQAN DEUTEROCANONICAL

³ Jinaspataj, janaj pachapi, kay pachapipis Tata Diosrayku tiluy ari, noqa maypichus tiyakushani kay Canaanpi kaj warmikunawan amapuni churiyta casarachinaykita.

DIOSPA QHELQACHISQ

³ Jinaspataj, janaj pachapi, kay pachapipis Tata Diosrayku tiluy ari, noqa maypichus tiyakushani kay Canaanpi kaj warmikunawan amapuni churiyta casarachinaykita.

Génesis 24:3 Referans Kwoze

1 Corintios 7:39

Casada warmeqa khuska kanan tiyan qosanwan leynejta, qosan kausanankama. Qosan wañupojtinrí, atinman casarakuyta piwanchus munasqanwan. Kayrí creejllataj kanan tiyan.

Nehemías 13:25

Paykunata k'amirarqani, maldicerqanitaj. paykunamanta wakintaqa maqararqani, chujchasninkutataj sik'irarqani. Kamacherqanitaj Diosrayku juranankuta, amaña ujtawan warmi wawasniykichejta, nitaj qhari wawasniykichejtapis chay waj llajtayojkunawan casarachiychejchu; nillataj qankunapis warmisninkuwan casarankichejchu.

Génesis 28:8

Ajinamanta Esauqa yacharqa tatasnimpaj mana allinchu kasqanta Canaán warmiswan casarana.

Jeremías 10:11

Qankuna, Israelitas, niychej lantista yupaychajkunaman: Chay dioskunaqa mana kay pachata, nitaj janaj patatapis ruwarqankuchu, chaykunaqa kay pachamanta chinkarenqanku, mana ujllapis janaj pachaj urampeqa qhepakonqañachu.

2 Reyes 19:15

Señorpa ñaupaqempitaj Ezequiasqa mañakorqa: Israelpa Señor Diosnin janaj pachakunapi angelkunaj chaupimpi tiyakoj, qanllamin tukuynin jallp'a patapi reinospa Diosnenqa kanki. Qanlla janaj pachata kay pachatawan ruwarqanki.

Nehemías 9:6

Esdrastaj nerqa: Qanllamin k'ata Señorqa kanki, qan ruwarqanki janaj pachata, janaj pachamanta janaj pachatapis, chaypi tukuy ima kajnintapis. Ruwallarqankitaj kay pachata, chaypi tukuy ima kajtapis, mar qochastapis, chaypi tukuy ima kajtapis. Qanqa tukuy imasman kausayta qonki. Chayraykumari janaj pacha ch'askaspis yupaychasunku.

2 Crónicas 2:12

Nillarqataj: Israelpa Señor Diosnin bendicisqa kachun. Payqa kay pachata, jinataj janaj pachatapis ruwarqa. Paymin rey Davidman uj qhari wawata qorqa sumaj yachayniyojta, allin yuyayniyojta, allin kajtapis, mana allin kajtapis ajllayta yachajta. Pay yupaychana wasita, pay kikimpaj palaciotawan jatarichinampaj.

Josué 2:12

Chayrayku kunan mañaykichej kunampacha kay kikimpi juranawaykichejta Diosrayku, aylluymanta khuyakunaykichejpaj, imaynatachus noqapis qankunata khuyakuykichej ajinata. Chaypajtaj qowaychej ari uj señata allin sonqoyoj kasqaykichejta yachanaypaj.

Deuteronomio 10:20

Señor Diosniykichejta manchachikuychej, pay sapallanta yupaychaychej. Payman sayasqas kaychej. Juramentotapis ruwanaykichej kajtenqa Paypa sutimpi ruwaychej.

Deuteronomio 6:13

Señor Diosniykichejta manchachikuychej. Pay sapallanta yupaychaychej. Juraspapis Señorpa sutillanta oqhariychej.

Éxodo 23:13

Tukuy kay ima nisqasniyta waqaychaychej. Ama jayk'ajpis waj dioskunaj sutinta mentankichejchu, ni simillaykichejwampis oqharinkichejchu.

Éxodo 20:7

Ama qhasimanta oqharinkichu Señor Diosniykej sutinta. Diosqa jasut'enqapuni pischus sutinta qhasimanta oqharejtaqa.

Génesis 50:25

Chaymantaqa José Israelpa wawasninta juracherqa, kay jinata nispa: Dios cheqamanta jamonqa qankunata kaymanta orqhosunaykichejpaj. Jina kajtinkamataj qankunaqa kaymanta tullusniyta apapuwankichej maymanchus rishankichej chayman.

Génesis 27:46

Chaymanta Rebecaqa Isaacmanñataj qayllaykuspa nerqa: Anchataña umayta nanachiwanku Esaupa warmisnin Hetpa wawasnin. Sichus Jacobpis kay Canaán llajtayoj Hetpa ujnin kaj ususinwan, kaykuna jinallawantaj casaranqa chayqa, wañupuyllataña munani, imapaj kasajri?, nispa.

Génesis 21:23

Chayrayku qan niy ari Diospa sutinta oqharispa, ama ima sajratapis ruwanawaykita, ni wawasniypaj, nitaj mirayniypajpis. Nillaytaj ari allinta ruwanawaykita noqa imaynatachus ruwarqayki ajinata, jinallataj allinta ruwanaykita kay runaspajpis, mayqenkunaj llajtampichus tiyakushanki chaypi.

Génesis 14:19

Bendicerqataj Abramta kay jinata nispa: Patapi kaj Dios bendicisuchun, pichus janaj pachata, kay pachatawan ruwaj;

Génesis 6:4

Chaypacha jatuchaj runas rikhurerqanku jallp'a patapi, Diospa wawasnin runaspa ususisninkuwan casarajtinku wawasniyoj kanankupaj. Chay qhepatapis kallarqankupuni. Paykuna karqanku manchay kallpasniyoj, mentasqastaj unay tiempospi.

Génesis 6:2

Diospa wawasnintaj paykunawan casarakorqanku sumaj warmista rikuspa, ajllakuspataj munasqankuman jina.

Hebreos 6:16

Runasqa astawan kurajninkoj sutimpi juranku; juramentota oqharejtinkutaj tukuy ima churanaku tukukapun.

Sofonías 1:5

Wasi patapi kaj patioman wicharispa estrellasta yupaychajkunata t'unaykusaj. Juramentota ruwallankutaj qonqorikuspa chaykunatapis. T'unaykullasajtaj sutiyrayku juramentota ruwaytawan, chay ratopacha Milcom diospa sutinrayku.

Jeremías 12:16

Cheqamanta paykunaqa aylluyman, Baalpa sutimpi jurallata yachacherqanku, kunantaj aylluy ukhuman jamuspa tiyakapuyta atenqanku. Cheqamantachus aylluypa Diospi creeyninta jap'ikonqanku, sutiyraykutaj juranqanku, Señorpa kausayninrayku nispa chayqa.

Isaías 65:16

Pichus kay jallp'a patapi tukuy imayojpis kayta munan chayqa, cheqa kaj Diosmanta jap'in. Pichus jurayta munan chayqa, cheqa kaj Diospa sutimpi juranqa. Qallariymantapacha ima llakiykunaschus karqa chaykunaqa, qonqasqas kanqa. Mana ujtawan rikunaypaj pakasqas kanqanku.

Isaías 48:1

Jacobpa ayllun, kayta uyariy. Israelpa sutinwan sutichasqa runas, Judá ayllumanta mirasqas kajkuna, Señorpa sutinta oqharispa parlajkuna, Israelpa Diosninmanta yuyarikojkuna. Chaywampis, chayta ruwankichej mana cheqa kaywanchu, nitaj cheqan sonqowanchu.

Isaías 45:23

Noqa kikiy juramentota ruwani, kikin simiymanta llojsin imatachus cheqanta ruwanay. Chay nisqayqa junt'akonqapuni. Chaytaj kay jina: Noqaman tukuypis qonqorikuwanqanku, sutiypitaj juraspa noqamanta nenqanku:

Salmos 115:15

Janaj pachata, kay pachatapis ruwaj Señorqa, qankunata bendicichun.

1 Samuel 20:17

Jonatanqa ujtawan Davidta juracherqa mayta munakusqanrayku, imaraykuchus sinch'itapuni pay kikinta jina munakorqa.

Levítico 19:12

Amamin sutiypi llullakuspaqa jurankichejchu, imaraykuchus jinamanta qankunaqa sutiyta qhesachawajchej. Noqamin Señorqa kani.

Génesis 14:22

Abramtaj kuticherqa: Señorman juraspa niniña, patapi kaj Diosman, pichus janaj pachata kay pachatawan ruwajman, qampata kajta ni imata jap'ikapunayta, ni ima q'aytullatapis zapatoyta wataykunallaypajpis, ama ni jayk'aj ninawaykipaj, noqaj imasniywan qhapajyashan, nispa.

Génesis 24:7

Señor janaj pachapi kaj Dios orqhomuwarqa, tataypa wasinmanta, ayllusniypa jallp'anmanta; niwarqataj kay jallp'ata mirayniymanwan qonawanta. Chay Dios kachamusonqa uj angelninta qampa ñaupaqeykita rinampaj, yanapasunampajtaj wawaypaj warmita pusamuyta.

Génesis 28:1

Chaymanta Isaacqa Jacobta wajyachispa bendicerqa, kamacherqataj: Qanqa amapuni pusarikunkichu kay Canaán llajtayoj warmista.

Génesis 47:31

Tatan Israelqa José wawanta jurachinankama karqa paytaj jurarqa. Chaymantataj Israelqa camampi saunan chaynejman k'umuykorqa.

Jueces 14:3

Tatasnintaj Sansonman nerqanku: Imapajtaj qan mask'ashanki warmiykipaj chay filisteos Diosta mana rejsejkuna ukhumantari? Manañachu ayllunchej ukhupi warmis kanku imatajri, chayri tukuy Israel ayllu ukhupipis? Sansontaj kuticherqa: Chay warmipuni gustawan, paytapuni munani parlapayampunawaykichejta warmiy kanampaj.

Salmos 136:26

janaj pachapi kaj Diosman graciasta qoychej, khuyakuynin wiñaypaj kasqanrayku.

Génesis 34:9

Qankuna kaychej ari noqaykoj ayllusniyku; ajinamanta noqayku ususisniykichejwan casarasqayku, jinallataj qankunapis ususisniykuwan casarakunkichej.

Génesis 38:2

Chaypi Judaqa rejsinakorqa uj cananeo Suaj nisqa runaj ususinwan. Chantá chay sipaswan casararqa.

1 Samuel 30:15

Davidtaj kuticherqa: Pusarqowankimanchu chay suwas maypichus kashanku chayman?, nispa. Chay egipcio runataj kuticherqa: Diosniykej sutimpi jurawankiman mana wañuchinawaykita, nitaj patronniymampis jaywanawaykita chayqa, paykunakama pusarqosqayki, nispa.

Esdras 5:11

Paykunataj niwarqayku: Noqaykoqa yupaychayku, janaj pachapi jinallataj kay pachapipis kashan chay Diosta. Chantapis nillawaykutaj: Mosojmanta ruwashayku chay temploqa, unay ñaupa tiempospi uj kuti ruwasqaña kasqanta, tukuychasqañataj, Israelmanta uj jatun reynejta.

Jeremías 29:6

Casarakuychej, qhari wawasniyoj warmi wawasniyojtaj kaychej. Paykunapis casarakuchunku, wawasniyojtaj kachunku, astawan miraychej ama pisiyanaykichejpaj.