Génesis 24:22 - Qheshwa Biblia DC

²² Camellos yakuta ujyayta tukojtinkutaj kamacheqa uj qori sortejata orqhorqa, chaytaj karqa sojta gramos jina; chaytataj sipaspa senqanman warkhuykorqa. Chanta iskay qori brazaletesta qollarqtaj, chaytaj karqa pachaj gramos jina.

DIOSPA QHELQACHISQAN DEUTEROCANONICAL

²² Camellokuna yakuta ujyayta tukojtinkutaj, kamacheqa uj qori anillota sipaspa senqanman churarqa. Chay anillo sojta gramoyoj jina karqa. Chantá qorimanta iskay brazaleteta sipaspa makinman churallarqataj, chaytaj pachaj gramoyoj jina karqa.

DIOSPA QHELQACHISQ

²² Camellokuna yakuta ujyayta tukojtinkutaj, kamacheqa uj qori anillota sipaspa senqanman churarqa. Chay anillo sojta gramoyoj jina karqa. Chantá qorimanta iskay brazaleteta sipaspa makinman churallarqataj, chaytaj pachaj gramoyoj jina karqa.

Génesis 24:22 Referans Kwoze

Jeremías 2:32

Qonqakapunmanchu uj warmi chay k'achanchakunasninmanta, jinallataj casarakapoj warmi k'achanchakunasninta? Chaywampis aylloyqa astawanraj noqamantaqa qonqakaporqa.

Génesis 24:47

Chaymantataj taporqani: Pejpa ususintaj kankiri?, nispa. Paytaj niwarqa: Noqaqa Betuelpa wawan kani, Nacorpata Milcajtawan allchhinku. Niwajtinkamataj senqanman warkhuykorqani sortejata, makisninmantaj brazaletesta.

Ester (hebreo) 5:1

Kinsa p'unchaymantawan Esterqa reina p'achasta churaykukuspa, reypa palaciompa ukhu kaj pationman yaykorqa, maypichus reyqa tiyasqa kamachinampi kasharqa chay salaj ñaupaqenman. Chaytaj punku yaykuy cheqan chimpapi karqa.

1 Pedro 3:8

Kunanqa tukuyniykichej uj sonqolla kaychej, wajkunapaj sumaj sonqoyoj, hermanospura munanakuspa, khuyakuyniyoj, llamp'u sonqos; ama sajramanta sajrallatataj kutichispa, nitaj maldicionmantapis maldicionllatatajqa; manachayqa bendicispa, imaraykuchus Diosqa wajyasorqachej bendicionta jap'inaykichejpaj.

1 Pedro 3:3

K'achanchakuyniykichejqa ama jawallamantachu kachun, ñajch'akuypis ama runaj rikunallampaj; nitaj qorimanta ruwasqa k'acha imasta churakuspa, chayri valorniyoj p'achaswan p'achallikuspa; manachayqa, k'achanchakoyqa sonqoykichej ukhupi kachun, mana ismoj allinchakuywan, espiritupi, llamp'u sonqo kaypitaj kachun. Kay imasqa Diospa ñaupaqempi jatumpaj qhawasqa.

Génesis 24:10

Chaymantaqa patronnimpa sumachaj imasninta ajllaspa wakichikorqa chayta ama uyallanwan chayanampaj, jaywanampaj pi warmiwanchá tinkonqa chayman. Chanta ajllarqa chunka camellostawan. Chayman chajnariykukuytawan jap'ererqa Mesopotamiapi Nacor llajtaman.

Génesis 24:23

Nerqataj: Niway ari, Pejpa wawantaj kankirí? Tataykej wasinman kunan ch'isi wajyariwaykumanchu?

Génesis 24:53

Chaymantataj q'episninmanta orqhorqa ashkha imasta qolqemanta, qorimanta, chanta p'achastawan, jinaspataj Rebecaman jaywarqa. Chanta qollarqataj turanman, mamanmanwan.

Jeremías 32:9

Ranterqanitaj tioypa wawan Hanameelmanta Anatotpi kashan chay jallp'ata, chunka qanchisniyoj phisus qolqeta jaywarqani, chay parlasqaykuman jina.

Job 28:1

Cheqamanta qolqeta qhoyamanta llojsin, qoripis uj cheqapi ch'uwachakun.