Génesis 22:2 - Qheshwa Biblia DC

² Diosqa nerqa: K'ata churiyki munasqayki Isaacta pusarikuspa riy Moríah jallp'aman. Chayman chayaspataj payta q'olachipuwanki ima orqomanchus noqa riy nisqayki chaypi.

DIOSPA QHELQACHISQAN DEUTEROCANONICAL

² Chantá Dios nerqa: Munasqa churiyki Isaacta pusariykukuspa, Moriah sutiyoj cheqanejman riy. Chayman chayaspataj, churiykita q'olachispa, noqaman jaywawanki, may orqopichus nisqayki, chaypi, nispa.

DIOSPA QHELQACHISQ

² Chantá Dios nerqa: Munasqa churiyki Isaacta pusariykukuspa, Moriah sutiyoj cheqanejman riy. Chayman chayaspataj, churiykita q'olachispa, noqaman jaywawanki, may orqopichus nisqayki, chaypi, nispa.

Génesis 22:2 Referans Kwoze

San Juan 3:16

Diosqa chay jinatapuni mundota munakusqanrayku, uj k'ata Churinta qorqa. Ajinamanta pillapis paypi creejqa, mana chinkayman renqachu; astawanqa wiñay kausayniyoj kanqa.

Romanos 8:32

Diosqa uj k'ata Churinta mana mich'akuspa qorqa tukuyninchejrayku wañunampaj. Chantá, imaraykutaj mana qowasunmanchu Churinwan khuska tukuy imata?

Hebreos 11:17

Creesqanrayku Abrahamqa tentasqa kaspa, Isaacta k'ata wawanta, rikuchikupi jaywarqa, pichus Diospa qonanta jap'inan kajta.

Génesis 17:19

Diostaj kuticherqa: Chay tukuywampis warmiyki Sara wawayoj kapusonqa, chay wawaykitataj sutichanki Isaacta. Paywan tratoyta wiñaypaj sayachisaj, jinallataj mirayninmampis.

2 Reyes 3:27

Chanta Moabmanta reyqa, kuraj kaj wawanta paypa cuentampi kamachinan kasharqa chayta, perqa patapi q'olaykucherqa. Chayrayku paymanta karunchakuspa israelitasqa llajtankuman kutimporqanku.

Génesis 22:12

Angeltaj nerqa: Ama makiykita oqhariychu, nitaj wawaykita imanaychu, yachaniña qan Diosniykita manchachikusqaykita. Manataj uj k'ata wawaykitapis mich'akunkichu qonawaykipaj.

2 Crónicas 3:1

Salomonqa qallarerqa Señorpaj yupaychana wasita llank'achiyta Jerusalempi, Moriah orqopi maypichus tatan Davidman Señor rikhurerqa chaypi, kikin maynejpichus David wakichisqa chaypi, jebuseo Ornampa eran chaypi.

Jueces 11:39

Chay tiempo junt'akojtintaj tatampaman kutimporqa, paytaj junt'arqa Señorman imatachus qosaj nerqa chayta. Jeftéj sipas warmi wawanqa wañorqa mana ni pi qharita qosampaj rejsispa.

Génesis 21:12

Diostaj nerqa Abrahamman: Ama llakikuychu chay wawaykimanta, nitaj kamachiykimantapis. Kasuy warmiyki Sara imatachá nisunki chayta, qampa mirayniykeqa jatunyasqa Isaac wawaykinejta.

Romanos 5:8

Chay tukuywampis Dios munakuyninta rikuchiwanchej, juchasapasllaraj kashajtinchej, Cristoqa wañorqaña noqanchejrayku.

Miqueas 6:7

Kusikunmanchu Señor, waranqa corderoswan chayri chunka waranqa aceite mayuswampis chimpajtiy? Kusikunmanchu, kuraj kaj qhari wawaytapis jaywajtiy, sajra kayniymanta jinataj juchaymanta paganaypaj?

Génesis 8:20

Noetaj uj altarta Señorpaj ruwarqa, chaypitaj Diospaj uj rikuchikuta ruphacherqa, mikhuna uywasta, phawajkunata ima sapa ujmanta ujtakama ajllaspa.

Génesis 22:3

Abrahamqa q'ayantin tutamanta jatarispa, burronta karunaykuytawan, iskay kamachisninta wawan Isaactawan wajyarqa q'olachinapaj llant'ata k'utuytawan rerqa maymanchus Dios nerqa chayman.

Génesis 22:9

Maymanchus Dios nerqa Abraham rinanta, chayman chayaspataj Abrahamqa uj altarta ruwarqa Diospaj, chaymantaj llant'a apasqanta churarqa. Llant'a patamantaj Isaac wawanta wataykuspa winkuykucherqa altar patapi.

Génesis 21:3

Abrahamqa warmin Sara nacechipusqan wawata Isaacta suticharqa.