Génesis 22:1 - Qheshwa Biblia DC

¹ Unayninmantaj Dios Abrahampa feninta yachayta munarqa. Sutinmanta wajyarqa Abraham, nispa. Paytaj kuticherqa, kaypi kashani, nispa.

DIOSPA QHELQACHISQAN DEUTEROCANONICAL

¹ Chaymanta qhepanejman Diosqa, Abraham kasukonqachus manachus chayta yachariyta munaspa, payta wajyarqa: Abraham, nispa. Paytaj kuticherqa: Kaypi kashani, nispa.

DIOSPA QHELQACHISQ

¹ Chaymanta qhepanejman Diosqa, Abraham kasukonqachus manachus chayta yachariyta munaspa, payta wajyarqa: Abraham, nispa. Paytaj kuticherqa: Kaypi kashani, nispa.

Génesis 22:1 Referans Kwoze

Hebreos 11:17

Creesqanrayku Abrahamqa tentasqa kaspa, Isaacta k'ata wawanta, rikuchikupi jaywarqa, pichus Diospa qonanta jap'inan kajta.

Deuteronomio 8:2

Yuyarikuychej ima ñantachus Señor Diosniykichej pusamusorqachej ch'in pampanta chayta, tawa chunka watata chay purisqaykichejpi qankunata llakichispa, pruebaman churaspataj. Ajinamanta chay imanejta imatachus yuyasqaykichejta yachanampaj, kamachiykunasnintapis ruwankichej manachus chayta.

Santiago 2:21

Manachu Abraham tatanchejqa cheqan runa jina rejsisqa karqa ruwasqasninrayku, maypachachus wawan Isaacta jaywarqa altar patapi, chaypacha?

1 Corintios 10:13

Qankunaqa kallpaykichejman jinalla tentaciontaqa aguantankichej. Diosqa cheqamin, manataj saqesonqachejchu tentasqa kanaykichejta, mana atipay atina tentacionwanqa. Astawanqa tentación jamojtin, Diosllataj yanapasonqachej imaynatachus chay tentacionmanta llojsinaykichejta, ajinapi atipayta atinaykichejpaj.

Proverbios 17:3

Qoritawan qolqetawanqa nina llimphuchan; runaj yuyaynintataj Señorlla llimphuchan.

Deuteronomio 8:16

Chay jina ch'impi Maná nisqa t'antata mikhuchisorqachej, chaytaqa tatasniykichejpis mana rejserqankuchu. Ajinamanta qankunata llakichispa, yachanampaj imaynachus kasqaykichejta, qhepamanqa allin rinasuykichejpaj.

Éxodo 3:4

Señorqa, Moisés chayta qhawaj qayllaykushajtaña rikuspa sutinmanta nimorqa chay nina larwaj ukhumanta: Moisés!, Moisés!, nispa. Paytaj kuticherqa kaypi kashani Señor, nispa.

Génesis 22:7

Rishaspataj Isaacqa nerqa tatan Abrahamman: Tatáy, paytaj nerqa: Imata ninki wawáy?, nispa. Isaactaj nerqa: Llant'awan ninawan tiyapuwanchej, maytaj chantá ovejarí Señorpaj q'olachinapajri?, nispa.

Isaías 6:8

Chaymantataj Señorta nishajta uyarerqani: Pitataj kachasajri? Pitaj palabrasniykuta willamonqari?, nispa. Chantá noqataj nerqani: Kaypi kani Señor, noqata kachaway ari, nispa.

2 Crónicas 32:31

Maypachachus Babiloniamanta kamachejkuna watunankupaj kachasta kachamorqanku, yachanankupaj chay nacionespi Diospa milagron imaynachus ruwasqas kasqanta. Chaypacha Diosqa sapallanta Ezequiasta saqerqa allinta yachayta munaspa, imaynatachus sonqompi yuyarqa chayta.

Éxodo 16:4

Chaymanta Señorqa Moisesman nerqa: Noqa t'antata parachimusaj patamanta. Israelitasqa sapa paqarin jatariytawan pallakonqanku, mashkhatachus uj día mikhunanku chaypaj jinalla. Chaypi yachasaj piskunachus kamachisqasniyta kasuwanku, manachus chayta.

Deuteronomio 13:3

Chay imas junt'akunman chaypis amapuni chay sut'inchajta, chayri willajtapis uyarinkichejchu. Chaykunataqa Señor Diosniykichej kachamusunkichej yachanampaj cheqamantachus manachus Payta munakushankichej tukuy sonqoykichejwan, tukuy almaykichejwampis, chayta.

Jueces 2:22

Kay imaswan Señorqa rikuyta munasharqa, israelitasqa Señorpa ñanninta qhatinkumanchus manachus chayta, imaynatachus ñaupa tatasninku qhaterqanku ajinata.

2 Samuel 24:1

Señorqa sinch'ita phiñakullarqataj israelitaspa contrankupi, paykunaj contrankupitaj Davidta Señorqa yuyaycharqa, kamachispa Israel aylluta, Judá ayllutawan yupananta.

Salmos 11:5

Señorqa k'acha runasta, sajra runastapis rikushan, chejnikuntaj tukuy sonqo, sajra kajta munajkunata.

Génesis 15:1

Chay qhepata Dios parlarqa Abramman mosqoypi jina, nispa: Ama manchachikuychu Abram, noqa qampa jark'ajniyki kani, qampa t'inkaykeqa may chhikapuni kanqa.

Génesis 21:11

Abrahamqa chayta uyarispa mayta llakikorqa, imaraykuchus wawallantaj Ismael kasqanrayku.

Génesis 37:13

Chanta qhepamantaj Israelqa José wawanman nerqa: Wauqesniyki Siquem lugarpi ovejasta michimushanku. Noqa munani qan rinaykita paykunata waturej. Paytaj yastá, nerqa.

Génesis 46:2

Chay ch'isi Israelman Dios parlarqa mosqoypi jina Jacob sutinmanta wajyaspa. Paytaj kuticherqa kaypi kashani, nispa.

1 Samuel 3:4

Chaypacha Señorqa payta wajyarqa, Samuel!, nispa. Paytaj kuticherqa: Kaypi kashani, Señor!, nispa.