Génesis 21:17 - Qheshwa Biblia DC

¹⁷ Diostaj wawaj waqasqanta uyarimorqa, kachamorqataj janaj pachamanta uj angelta, Agarmantaj nerqa: Imanasunkitaj Agar? Ama phutikuychu, Dios uyarin wawaj waqasqanta maypichus kashan chaypi.

DIOSPA QHELQACHISQAN DEUTEROCANONICAL

¹⁷ Diosrí wawaj waqasqanta uyarerqa. Chayrayku janaj pachamanta uj ángel Agarta wajyaspa, nerqa: Imataj tiyan, Agar? Ama phutikuychu. Diosqa wawaj waqasqanta uyarin.

DIOSPA QHELQACHISQ

¹⁷ Diosrí wawaj waqasqanta uyarerqa. Chayrayku janaj pachamanta uj ángel Agarta wajyaspa, nerqa: Imataj tiyan, Agar? Ama phutikuychu. Diosqa wawaj waqasqanta uyarin.

Génesis 21:17 Referans Kwoze

Génesis 16:11

Qanqa onqoj kashanki, uj qhari wawa tiyapusonqa, sutichankitaj Ismaelta; imaraykuchus Señor uyarisunki llakiyniykita.

Salmos 50:15

Llakiy p'unchaypi wajyakuway, noqa librasqayki, qantaj jatunchawanki.

Éxodo 3:7

Señortaj nillarqapuni: Cheqamanta noqa rikuni imaynatachus aylluy Egiptopi ñak'arisqanta. Uyarini mayta qhaparikusqankuta capatazkuna jasut'isqankurayku; allinta yachani ñak'arisqankuta.

Salmos 91:15

Pay wajyawajtin, noqa uyarisaj, noqapuni paywan kasaj; llakiypipis noqa paywan kasaj. Libraspataj allinman payta churasaj.

Marcos 5:36

Jesustaj, kamachispa willasqankuta uyarispa, Jairoman nerqa: Ama mancharikuychu, creellay.

San Mateo 15:32

Jesustaj yachachisqasninta wajyaspa, nerqa: Sonqoy nanawan kay runasmanta, imaraykuchus kinsa p'unchaytaña noqawan kashanku, mana ima mikhunayoj. Manataj munanichu mana mikhusqasta kachapuyta, ama ñampi llauchhuyanankupaj.

Isaías 41:10

Qanqa, ama manchachikuychu. Noqaqa qanwampuni kashani, Ama iskayrayaychu. Noqaqa kallpachasoj Diosniyki kani. Atipachej paña makiywan sayachisqayki, yanapallasqaykipunitaj.

Isaías 22:1

Hinom vallej contranta willakun. Imataj tiyan tukuyniykichej wasi pataman wicharinaykichejpajri?

Salmos 65:2

Qan uyarinki mañakususqankuta. Tukuy runas qanman jamunku.

2 Reyes 13:23

Paykunamantataj Señorqa khuyakorqa, khuyaqaspataj paykunata qhawarerqa, Abrahamwan, Isaacwan, Jacobwan ima uj tratota ruwasqanrayku, paypa ñaupaqenmanta manataj wijch'uyta, chinkachiytapis kunankama munarqachu.

2 Reyes 13:4

Joacazqa Señorpa ñaupaqempi mañakorqa, Señortaj payta uyarerqa, imaraykuchus Señorqa imaynatachus Siriamanta rey Israelta ñak'arichisqanta rikorqa.

1 Samuel 11:5

Chaypacha Saulqa bueyesnin qhatirisqa campopi chayamorqa, nerqataj: Imataj tiyan kay runaspajri? Imamantataj waqashankuri?, nispa. Chay llajtamanta runastaj willarqanku Jabesmanta chay runas willayta apamusqankuta.

Jueces 18:23

Chay qhatiykojkunaspa qhaparkachasqasninkuta uyarispataj Danmanta kajkunaqa qhepaman qhawarispa Micaiata taporqanku: Imataj pasasunki, imaraykutaj chay jinatapuni qhaparimuwayku?, nispa.

Éxodo 22:27

Chay p'achitallan tiyapun chirimanta qhataykukunampaj. Manachayqa, imawantaj qhataykukonqari? Pay willakuwanqa chayqa, noqa payta kasusaj, imaraykuchus noqaqa khuyakuyniyoj kani.

Éxodo 14:13

Moisestaj paykunaman nerqa: Chaymantaqa ama mancharikuychejchu, sumajta sayaychej, rikunkichej Señor imatachus ruwanqa qankunata libranasuykichejpaj; imaraykuchus kunallanña egipciospa uyasninkuta rikushankichej, kaymanta qhepamanqa ni jayk'aj rikunkichejñachu.

Génesis 46:3

Chaypi Dios payman nerqa: Noqa Dios kani, tataykej Diosnin. Ama Egiptoman riyta manchachikuychu; chaypi mirachisaj mirayniykita uj jatun nación kanampaj.

Génesis 16:9

Señorpa angelnintaj nerqa: Kutipullay patronniykejman, kasullay imatachá nisunki chayta tukuy sonqo.

Génesis 15:1

Chay qhepata Dios parlarqa Abramman mosqoypi jina, nispa: Ama manchachikuychu Abram, noqa qampa jark'ajniyki kani, qampa t'inkaykeqa may chhikapuni kanqa.

Génesis 16:7

Señorpa angelnintaj Agarta tariparqa waqashajta ch'in pampapi Shur ñan patapi yaku juturi qayllapi.

Génesis 24:7

Señor janaj pachapi kaj Dios orqhomuwarqa, tataypa wasinmanta, ayllusniypa jallp'anmanta; niwarqataj kay jallp'ata mirayniymanwan qonawanta. Chay Dios kachamusonqa uj angelninta qampa ñaupaqeykita rinampaj, yanapasunampajtaj wawaypaj warmita pusamuyta.

Génesis 26:24

Chay ch'isi Señorqa rikhurerqa, nerqataj: Noqa kani tatayki Abrahampa Diosnin. Ama manchachikuychu, noqa qanwan kashani. Kamachiy Abrahamrayku bendicisqayki, mirayniykitapis ashkhayachisaj.

Éxodo 3:2

Chaypitaj Señorpa angelnin rikhurerqa uj zarza nisqa sach'api nina lauraj ukhupi. Moisesqa chay zarzapi nina larwashajta allinta qhawarerqa, nitaj chay zarzataqa q'olasharqachu.

Deuteronomio 26:7

Chaypacha mañakorqanchej ñaupa tatasninchejta Señor Diosninmanta yanapanawanchejta. Paytaj uyariwarqanchej mañakusqanchejta, rikorqataj llakiyninchejta, ñak'ariyninchejtapis.

Salmos 6:8

Karunchakuychej noqamanta, sajrata ruwajkuna, imaraykuchus waqasqaytaqa Señor uyarin.

Génesis 16:8

Taporqataj: Agar, Saraipa kamachin, maymanta jamunki, maymantaj rishanki? Paytaj nerqa: Ayqekushani Sarai uywaqeymanta.

Salmos 10:14

Qan kikiyki rikunki may jatun sajra kayninkuta. Sajra kayninkutaqa rikunki. Chayrayku ruwasqankuman jina pagota qopunki. Qanmanqa mana piniyojkuna chayamusunku, qan wajcha runasta yanapanki.