Génesis 20:7 - Qheshwa Biblia DC

⁷ Kunanqa kutichipuy kay warmita qosanman, imarayuchus payqa profeta, Diosmanta mañapusonqa kausanaykipaj. Mana qopunki chayri, qan, tukuy qampata kajkunasnintin wañunkichejpuni.

DIOSPA QHELQACHISQAN DEUTEROCANONICAL

⁷ Kunanqa chay warmita qosanman kutichipuy, imaraykuchus payqa noqamanta sut'inchajmin. Paytaj kawsanaykipaj qanrayku noqamanta mañapusonqa. Warmintachus mana kutichipunki chayrí, qan, chantá tukuy qanpata kajkuna ima wañunkichejpuni, nispa.

DIOSPA QHELQACHISQ

⁷ Kunanqa chay warmita qosanman kutichipuy, imaraykuchus payqa noqamanta sut'inchajmin. Paytaj kawsanaykipaj qanrayku noqamanta mañapusonqa. Warmintachus mana kutichipunki chayrí, qan, chantá tukuy qanpata kajkuna ima wañunkichejpuni, nispa.

Génesis 20:7 Referans Kwoze

Job 42:8

Kunanqa qanchis torosta, qanchis carnerostawan qhatirikuspa kamachiy Jobman riychej; chaypitaj q'olachispa jaywamuychej chay jinata parlasqaykichejmanta. Kamachiy Jobqa chaypi qankunapaj Señormanta mañapusonqachej, noqataj chay mañapusqasuykichejta uyarisaj, jinamanta mana jasut'isqaykichejchu; chaywampis qankunaqa jasut'isqapuni kanaykichej karqa, imaynatachus noqamanta mana cheqantachu parlasqaykichejrayku, imaynatachus kamachiy Job ruwarqa jinataqa.

1 Samuel 7:5

Chaymanta Samuelqa kamacherqa: Tukuy Israel aylluta Mizpa llajtapi tantaykuychej, noqataj Señormanta qankunapaj mañapusqaykichej, nispa.

Hebreos 13:4

Casarakoyqa tukuypaj allin; puñunankupis mana ch'ichiyojtaj kachun. Dios juchachanqa sajra purejkunata, qhenchachakojkunata ima.

2 Samuel 24:17

Runasta wañurachisharqa chay angelta rikuspa Davidqa Señorman nerqa: Noqamin kani juchallejqa! Noqamin chay juchata ruwajqa kani! Kay ovejasrí imatataj ruwarqankuri? Noqa mañayki chay jasut'iykeqa noqaman chantá familiay patamantaj jamunanta.

1 Crónicas 16:22

Ajllasqa runasniyta ama llankhankichejchu, amataj profetasniytapis imanankichejchu, nispa.

2 Reyes 5:11

Naamantaj manchay phiñasqa riporqa: Noqaqa sonqoypi yuyarqani: Llojsimuspachá Señor Diosnimpa sutinta qhaparispa, makintataj nanasqayman churaspa leprayta thañichinawanta.

1 Juan 5:16

Pillapis wauqenta rikunman mana wañuyman apaj juchawan juchallejta chayqa, Diosmanta paypaj mañapuchun. Diostaj payman kausayta qonqa. Kayta nini mana wañuyman apaj juchawan juchallejkunapaj. Tiyallantaj wañuyman apaj juchapis. Mana ninichu Diosmanta mañanata chay juchawan kajpaj.

Hebreos 1:1

Ñaupa p'unchaykunapi, ashkha kutita tukuy imaymanamanta, Dios parlamorqa ñaupa tatasninchejman profetasnejta.

1 Corintios 14:4

Pichus mana rejsisqa parlaypi parlan chayqa, paypa allinnillampaj parlakun. Pichus Diospa palabranta sut'inchajrí, Espirituman jina iglesiata wiñachin.

Ezequiel 33:8

Sichus noqa juchasapa runata niyman: Sajra runa, cheqamanta wañunki, nispa. Qantaj mana reparachiwajchu sajra puriyninmanta chayqa, chay sajra runaqa juchanrayku wañonqa. Noqataj qanmanta chay wañojmanta cuentata mañasqayki.

Ezequiel 3:18

Maypachachus noqa juchasapaman niyman: Cheqamanta wañunki nispa, qantaj mana k'amiwajchu, nitaj parlawajchu sajra kausayninmanta reparachispa, payqa chay juchanrayku wañonqa, noqataj paypa kausayninmanta cuentata mañasqayki.

Jeremías 27:18

Cheqamanta profetaspuni kanku chayqa, cheqamantataj paykunaman parlani chayqa, noqa Tukuy Atiyniyoj Señormanta mañawachunku, ama Babiloniaman apanankuta saqenampaj, chay Diosta yupaychana wasipi qhepakunkuraj chay imasta, chantá Judamanta reypa palaciompi, Jerusalempipis qhepakunkuraj chaykunata ima.

Jeremías 15:1

Señorqa niwarqa: Moiseswan, Samuelwampis kay ñaupaqeyman rikhurimunkuman, chaywampis manapuni kay ayllumantaqa khuyakuymanchu. Niy paykunaman, kay ñaupaqeymanta llojsinankuta, maymampis ripuchunku.

Jeremías 14:11

Señorqa niwarqa: Ama majakuwaychu kay aylluy allin kananmanta mañaspaqa.

Salmos 25:14

Señorqa payta manchachikojkunawan khuska kausakun, tratontataj rejsichenqa.

Job 34:19

Payqa mana kamachejkuna jinachu, mana qhapaj runasllamanchu, nitaj wajcha runasllamanchu sayakun, imaraykuchus paymin tukuyninkuta ruwarqa.

1 Reyes 13:6

Chanta kutichispa Diospa profetanman reyqa nerqa: Mañakuyki Señor Diosniykimanta mañapunawaykita thañinampaj noqaj makiy. Diospa runantaj Señormanta mañarqa, reypa makintaj thañiporqa imaynachus ñaupajta karqa jina.

1 Samuel 12:23

Noqataqa Señor waqaychawachun, paypa contrampi juchallikunaymanta qankunapaj mañayta saqerparispa. Manachayqa qankunata yachachisqaykichej sumajta cheqantataj kausanaykichejpaj.

1 Samuel 12:19

Chayrayku Samuelta tukuy nerqanku: Señor Diosniykimanta mañaripuwayku ari, kay qampa kamachisniyki ama wañunaykupaj, tukuy juchasniykuman kaytawan yapaykukuyku uj reyta mañakuspa.

1 Samuel 7:8

Chaymantataj Samuelman nerqanku: Señor Diosninchejmanta noqaykupaj mañapullawaykupuni ari, filisteospa atiyninmanta kacharichinawaykupaj.

Levítico 6:7

Jinamanta sacerdoteqa Señormanta perdonta tarenqa chay runapaj mayqen juchallanmantapis. Juchasnintaj pampachasqa kanqa.

Levítico 6:4

Chay runaqa runa masinman kutichipunan tiyan: Atiyniyoj kaspa qhechusqanta, prendata jap'ikapusqanta, chayri tarikuspa pakaykusqanta ima.

Éxodo 18:17

Chaymanta suegronqa nerqa: Mana allinchu qanlla ruwasqaykeqa, qan sayk'unkitaj, qanwan kashanku chay runas sayk'unkutaj. Ruwanasniykeqa, qan sayk'unkitaj, qanwan kashanku chay runas sayk'unkutaj. Ruwanasniykeqa ancha ashkha, qanllaqa mana ruwayta atiwajchu.

Éxodo 7:1

Ujtawan Señorqa Moisesman nerqa: Qhawariy, noqa niyki, qan noqaj cuentaymanta faraompa ñaupaqempi ruwanki, jinallataj wauqeyki Aarón profetayki jina qampa cuentaykimanta parlanqa.

Éxodo 4:16

Qan parlanki, Aaronman noqapis parlashayman jina, paytaj runasman parlanqa qampis parlashawaj jina, imatachus parlanayki kashan chayta.

Génesis 20:18

Abrahampa warmin Sararayku Señorqa nisqa Abimelecpa wasimpi kaj warmis mana wawasniyoj kanankuta.

Génesis 12:17

Sarairaykutaj Señorqa faraonta mayta ñak'aricherqa ashkha jasut'iykunawan, jinallataj tukuy familiantapis.

Génesis 12:15

Faraonta yanapajkunasnimpis rikorqanku k'achita kasqanta, jinallataj faraompis; pay karqa Egiptopi rey. Chaymantataj Saraitaqa faraompa palacionman pusarqanku.

Génesis 2:17

Allin kajta mana allin kajta rejsina yachay sach'aj poqoynillanta amapuni mikhunkichu; chay sach'aj poqoynintachus mikhunki chayqa, wañunki.

Hechos 8:24

Simontaj nerqa: Qankuna Diosmanta mañaripuwaychej ama imapis kay nisqaykichejmanta chayamunawampaj.

Génesis 20:3

Chay ch'isipacha Abimelecqa mosqokorqa, Diostaj chay mosqoynimpi nerqa: Qanqa wañunki, pi warmitachus warmiykipaj pusachimunki chayqa qosayoj.

Génesis 20:8

Q'ayantintaj Abimelecqa tutamanta jatariytawan, tukuy kamachisninta wajyarqa, willarqataj chay tukuy imasta. Chayta uyarispataj tukuyninku mayta mancharikorqanku.

2 Crónicas 30:18

May ashkha runastaj Efrainmanta, Manasesmanta, Isacarmanta, Zabulonmanta ima, Pascua fiestapi mikhorqanku mana llimphuchakuspalla, nitaj qelqasqa kasqanman jinachu. Paykunaraykutaj Ezequiasqa Diosmanta mañarqa: Khuyakoj Señor, perdonapuy tukuy cheqan sonqoyoj qanta mask'asojkunata.