Génesis 20:2 - Qheshwa Biblia DC

² Chaypitaj Abrahamqa nerqa warmin Sara panan kasqanta. Gerarmanta rey Abimelectaj pusachimorqa, warmimpajtaj jap'ikorqa Sarata.

DIOSPA QHELQACHISQAN DEUTEROCANONICAL

² Chaypi kashaspataj, Abrahamqa warmin Saramanta nerqa: Payqa panaymin, nispa. Chayrayku Gerarmanta kuraj kamachej Abimelecqa Sarata wasinman pusachimorqa.

DIOSPA QHELQACHISQ

² Chaypi kashaspataj, Abrahamqa warmin Saramanta nerqa: Payqa panaymin, nispa. Chayrayku Gerarmanta kuraj kamachej Abimelecqa Sarata wasinman pusachimorqa.

Génesis 20:2 Referans Kwoze

Génesis 12:15

Faraonta yanapajkunasnimpis rikorqanku k'achita kasqanta, jinallataj faraompis; pay karqa Egiptopi rey. Chaymantataj Saraitaqa faraompa palacionman pusarqanku.

Génesis 26:7

Chay cheqaspi tiyakojkunataj warminmanta taporqanku; paytaj nerqa: Panay, nispa. Imaraykuchus manchachikorqa warmiy, niyta, yuyaspa warmin Rebecarayku wañuchinankuta. Rebecaqa alajita karqa.

Colosenses 3:9

Chantá ama purajmanta llullanakuychejchu. Qankunaqa chay mauk'a runa jina kausayta saqerqankichejña mosoj runamanta p'achawan jina p'achallikunaykichejpaj. Mosoj runaqa ruwajnimpa rijch'ayninman jina mosojyachisqa wiñashan.

Efesios 4:25

Chayrayku llullakuyta saqespa, sapa ujqa cheqata parlaychej runa masisniykichejwan; imaraykuchus ujkuna ujkunawan uj cuerpollamanta kanchej.

Eclesiastés 7:20

Chaywampis kay jallp'a patapeqa mana uj runallapis cheqan runaqa kanchu, nitaj mana jayk'aj juchallikuspa cheqantapuni ruwaj kanchu.

Proverbios 24:16

Cheqan runaqa qanchis kutita urman, chantaqa uj qanchis kutillatataj sayarikun, sajra runasqa llakiyman urmaykonqanku.

2 Crónicas 32:31

Maypachachus Babiloniamanta kamachejkuna watunankupaj kachasta kachamorqanku, yachanankupaj chay nacionespi Diospa milagron imaynachus ruwasqas kasqanta. Chaypacha Diosqa sapallanta Ezequiasta saqerqa allinta yachayta munaspa, imaynatachus sonqompi yuyarqa chayta.

2 Crónicas 19:2

Hananej wawan Profeta Jehutaj payta taripaj llojserqa, nerqataj: Imaraykutaj yanapanki chay sajra runata, munakunkitaj Señorpa chay enemigontarí? Chayraykumanri Señorqa qanwan phiñakun.

Génesis 26:16

Abimelectaj Isaacman nerqa: Ripuy kaymanta, qanqa anchataña qhapajyanki, noqaykumantapis astawanña.

Génesis 26:1

Chaypacha manchay yarqhay karqa chay jallp'api tukuynejpi. Chaykama manaraj yarqhaykunas karqankuchu Abrahampa tiempompi. Chayrayku Isaacqa Gerarman tiyakoj riporqa, maypichus filisteospa reynin Abimelec tiyakorqa chayman.

Génesis 20:12

Cheqamanta payqa panaypuni kashan, tatamanta uj tatayojlla kayku, mamallamanta waj mamayoj. Chayrayku payta warmichakorqani.

2 Crónicas 20:37

Chaypacha Maresamanta Dodavaj wawan Eliozer parlarqa Josafatpa contrampi kay willayta: Chay ruwasqasniykita Señor t'unarparenqa Ocoziaswan yanapachikusqaykirayku. Jinataj chay barcosqa llimphuta t'unarparikorqanku, manataj Tarsisman riyta aterqankuchu.

Génesis 21:22

Chay tiempollapitaj Abimelecqa soldadosninta kamachejnin Ficolwan rerqanku Abrahamwan parlaj. Chayaspataj nerqanku: Rikuyku qanta Dios tukuy ima ruwasqasniykipi yanapasusqanta.

Proverbios 29:25

Runata manchachikoyqa tojllapis kanman jina, pichus Señorpi atienekojqa sumaj qhawasqa waqaychasqataj kanqa.

Proverbios 6:29

Ajina kanqa kausaqempa warminwan puñuykojpajqa, mana llusp'iyta atenqachu.