Génesis 2:3 - Qheshwa Biblia DC

³ Chaymanta qanchis kaj diata Dios bendicerqa, churanoqarqataj samarikuna diata, imaraykuchus Pay chay p'unchaypi samarikorqa tukuy imata ruwasqanmanta.

DIOSPA QHELQACHISQAN DEUTEROCANONICAL

³ Chantá Diosqa qanchis kaj p'unchayta saminchaspa, paypata kananpaj t'aqarqa, imaraykuchus pay chay p'unchaypi tukuy ima ruwasqanmanta samarikorqa.

DIOSPA QHELQACHISQ

³ Chantá Diosqa qanchis kaj p'unchayta saminchaspa, paypata kananpaj t'aqarqa, imaraykuchus pay chay p'unchaypi tukuy ima ruwasqanmanta samarikorqa.

Génesis 2:3 Referans Kwoze

Levítico 23:3

Sojta p'unchayta llank'anki, qanchis kaj p'unchaypitaj mana imatapis ruwankichu. Chay p'unchayqa qampaj uj sumaj p'unchay kanqa samarikunaykipaj. Sumaj tantakuytaj kanqa. Maypichá tiyakunki chaypi chay diaqa samarikunaykipaj, Señorta jatunchanaykipajtaj kanqa.

Marcos 2:27

Jesús nillarqataj: Samakuna diaqa, runarayku ruwasqa karqa; manataj runaqa samakuna diaraykuchu.

Ezequiel 20:12

Chantapis, paykunaman qollarqanitaj samakuna p'unchaykunasniyta noqawan, paykunawan uj señal kanampaj, yachanankupajtaj noqa Señor paykunata ajllakusqayta.

San Lucas 23:56

Wasinkuman kutirispataj, wakicherqanku q'apaj jampista, jawinastawan. Chantá samarikorqankutaj, samarina día kasqanrayku, kamachisqaman jina.

Éxodo 34:21

Sojta diata llank'ankichej, qanchis kaj diapitaj samarikunkichej, tarpuypis kachun, chayri cosechapis kachun.

Nehemías 9:14

Yachachillarqankitaj samakuna p'unchayniykita qampaj t'aqayta. Qollarqankitaj kamachiykunasta, leyesta, yachachiykunastawan kamachiyki Moisesnejta.

Éxodo 23:12

Sojta diata llank'anki, qanchis kaj diapitaj samarikunki, wakasniyki, burrosniyki samarikunankupaj; jinallataj warmi kamachiykej wawan kallpachakunampaj, jinallataj waj llajtayoj kajpis.

Proverbios 10:22

Señorpa bendicionnenqa qhapajyaymin, ni ima llakiypis chay bendiciompeqa jamunchu.

Génesis 2:2

Qanchis kaj diapi, Diospa tukuy ima ruwanasnin tukusqaña kajtin, samarikorqa.

Génesis 2:4

Chaymin janaj pachaj qallarikuynin, kay pachaj qallarikuynintaj. Maypachachus Dios ruwarqa janaj pachata kay pachatawan chaypacha, manaraj ni ima sach'apis karqachu, nitaj ima q'omer qhorapis jallp'api wiñarqarajchu, imaraykuchus Señor Dios manaraj parachimorqarajchu jallp'a pataman, nitaj pipis karqarajchu jallp'ata llank'anampaj.

Génesis 1:31

Dios rikorqa tukuy ima ruwasqanqa sumajpuni kasqanta. Ajinamanta junt'akorqa ch'isiyaywan sut'iyaywan sojta kaj día.