Génesis 19:9 - Qheshwa Biblia DC

⁹ Paykunataj kuticherqanku: Jatariy chaymanta! Qan jina karu llajtayoj runachu noqaykuta kamachiwasqayku? Kunanqa astawan mana allinta qanta ruwasqayku paykunamanta nisqaqa. Paykunataj Lotman maqaj phinkiykorqanku, jinaspataj punkuta khakoj qayllaykorqanku.

DIOSPA QHELQACHISQAN DEUTEROCANONICAL

⁹ Sodoma llajtayojkunarí Lotta kuticherqanku: Jatariy chaymanta. Karu llajtayoj kashaspachu noqaykuta kamachiwasqayku? Kunanqa astawan millaytaraj qanta ruwasqayku paykunamanta nisqaqa, nispa. Paykunataj Lotta maqaj phinkiykuspa, punkuta loqhej qayllaykorqanku.

DIOSPA QHELQACHISQ

⁹ Sodoma llajtayojkunarí Lotta kuticherqanku: Jatariy chaymanta. Karu llajtayoj kashaspachu noqaykuta kamachiwasqayku? Kunanqa astawan millaytaraj qanta ruwasqayku paykunamanta nisqaqa, nispa. Paykunataj Lotta maqaj phinkiykuspa, punkuta loqhej qayllaykorqanku.

Génesis 19:9 Referans Kwoze

Éxodo 2:14

Chay runataj kuticherqa: Pitaj qanta churasunki noqaykuta kamachinawaykupaj, juezniyku kanaykipaj ajinata ninawaykupajri? Egipcio runata wañucherqanki jinatachu wañuchiyta munashawanki? Moisestaj chayta uyariytawan mancharikorqa, nerqataj: Cheqamanta egipcio runa wañuchisqayqa yachakunña, nispa.

Génesis 13:12

Abramqa Canaán jallp'api qhepakorqa. Lottaj riporqa tiyakoj valle llajtas chaupiman, Sodoma llajta qayllaman, maypichus runaqa millay sajra karqa chayman. Chay Sodomapi kajkunaqa millay sajra juchasta, Señorpa contranta ruwaj kanku.

San Mateo 7:6

Ama Diospaj ajllasqa kajta alqosman qoychejchu. Nitaj khuchismampis perla walqasniykichejta wijch'uychejchu; pajtataj chakisninkuwan sarurankuman, kutirimuspataj janch'usunkichejman.

Jeremías 8:12

Chay millachikunay ch'ichi imata ruwaytaqa p'enqakunaykichej karqa. Qankunaqa p'enqakorqankichejchu, niñataj yachankichejchu imachus p'enqakuy kasqantapis. Chayraykumin qankunata jasut'ejteyqa misk'ankichej, chay ujkuna jinataj urmakunkichej. Noqa Señormin chayta nini.

Jeremías 6:15

Chay noqaj mana munasqay imasta ruwaytaqa p'enqachikunanku karqa. Chaywampis manapuni p'enqakunkuchu, niñataj yachankuñachu imachus p'enqakuy kasqantapis. Chayrayku maypachachus noqa jasut'isaj, chaypacharajmá misk'anqanku, urmanqankutaj chay ujkuna jina. Noqa Señormin chayta nini.

Jeremías 3:3

Chayraykumin paraqa mana kanchu, ch'aki tiempopi, jinataj q'omer tiempopipis. Qanqa uj qhencha warmiman rijch'akoj kashanki, ni uj chhikanta p'enqarikuspa.

Isaías 65:5

Sapa ujtaj nin: Maypichus kanaykipi kakullay, ama qayllamuwaychu, imaraykuchus noqa qanmanta aswan llimphu kani. Chaykunaqa q'oshñi jina senqayta k'arachiwanku, tukuy p'unchaynintin nina k'ajaj jina kanku.

Eclesiastés 10:13

Qhasi mana kaj sonserasllata parlayta qallarin. Chay palabrasnimpa tukukuynenqa aswan sonseras.

Eclesiastés 9:3

Kay pachapi tukuy ima ruwakojkunamantaqa, kaylla mana allinchu uj ima kajpis tukuypaj uj rejlla. Kikillantaj tukuy runaj sonqompi, kay pachapi kausanankamaqa, tukuy sajra kajwan, wampuyaywantaj junt'a kashan. Chay qhepamantaj wañuranku.

Proverbios 27:3

Rumiswan t'iyuwan imaqa llasas kanku, wampoj phiñakuyninrí, chaykunamanta aswan llasa.

Proverbios 17:12

Aswan allin kanman uñanta chinkachikoj china jukumariwan tinkunaqa, uj wampu runawan parlanamanta nisqaqa.

Proverbios 14:16

Yachayniyojqa manchachikun, sajramantataj t'aqakun; wampurí may kasqanta yuyakun, chay imaspitaj atienekun.

1 Samuel 25:17

Qosaykiri ancha rumi sonqo mana imatapis parlarikuna jinachu. Chayta qan umacharikuy, qhawaytaj imatachus ruwanaykita, manachayqa cheqamanta mana allin kaj payta, jinataj aylluntapis qhatirenqa.

1 Samuel 17:44

Nillarqataj: Jamuy kayman chay aychaykita aycha mikhu p'isqosman qarasaj, monte sajra animalesmanwan, nispa.

Génesis 11:6

Señortaj nerqa: Runaqa kunan sumaj ujchasqa kashan, uj parlayllatataj parlanku, jinamanta kaytaqa ruwanku. Manataj kunanqa pipis saqenqachu kay ruwasqankuta.

1 Samuel 2:16

Sichus chay ruphachej runa kutichej kay jinata: Mana, wirasnintaraj ruphachisaj, chantaqa munasqaykita apallanki, nispa chayqa, chay kamacheqa kutichej: Mana, kunampachapuni qonawayki tiyan! Mana qowanki chayqa, kallpaywan qhechusqayki, nispa.

Ezequiel 16:49

Sodoma ñañaykej juchanqa kay jina karqa: Payqa, jinataj ranchosnimpis jatunchakorqanku, wapuykacharqankutaj ashkha mikhunayoj kaspa, allin imaswan junt'asqa kausakusqankurayku, manataj wajchasman, ni pisichikojkunatapis yanaparqankuchu.