Génesis 19:24 - Qheshwa Biblia DC

²⁴ Chantá Señorqa azufre nina parata parachimorqa Sodomaman Gomorra llajtamanwan.

DIOSPA QHELQACHISQAN DEUTEROCANONICAL

²⁴ Chantá Tata Dios Sodomaman, chantá Gomorraman ima azufreta, nina paratawan parachimorqa.

DIOSPA QHELQACHISQ

²⁴ Chantá Tata Dios Sodomaman, chantá Gomorraman ima azufreta, nina paratawan parachimorqa.

Génesis 19:24 Referans Kwoze

Deuteronomio 29:23

Tukuy kay jallp'apeqa rikonqanku azufrellata, kachillata, ruphasqa jallp'ata imalla. Chaypi mana imatapis tarponqankuchu, nitaj imapis poqoyta atenqachu, manapuni ima qhorallapis wiñayta atenqachu, imaynachus karqa Sodoma, Gomorra, Adma, Zaboim llajtaspi. Chaykunataqa sinch'i phiñakuyninwan chinkacherqa.

Isaías 13:19

Babiloniaqa nacionespa munakusqanku, caldeospa mentasqanku llajta. Chay llajtaqa tukukonqa Diospa tukuchisqan Sodoma, Gomorra llajtas jina.

Judas 1:7

Jinallatataj, Sodoma, Gomorra llajtas, chay qayllapi kajkunapis qhenchachakorqanku cuerponkoj contranta juchallispa; chayrayku paykunaqa wiñaypaj nina larwayta ñak'arerqanku. Chayqa wananapaj churasqa karqa.

2 Pedro 2:6

Jinallatataj Sodomapi, Gomorrapi tiyakoj runasta juchacharqa, ninawantaj ruphacherqa ushphayanankukama; qhepa p'unchaykunapi, Diosta mana yupaychaj runas yachanankupaj chayta ruwarqa.

Amós 4:11

Jasut'erqaykichej t'unanaykama, imaynatachus Sodomata Gomorratawan jasut'erqani jinata. Nina brasas orqhosqa jina karqankichej. Qankunataj mana kutirimuwankichejchu. Ajinata nin Señorqa.

Jeremías 50:40

Sodoma, chantá Gomorra, jinataj chay qayllampi llajtasnin ima, phirisqa qhepakonqa. Manañataj chaypi pipis tiyakonqachu, nitaj ñan purejkunapis jarakonqankuñachu. Noqa Señor chayta nini.

Lamentaciones 4:6

Ayllusniypa wawasnenqa astawan juchata ruwanku Sodomamanta nisqaqa. Chay llajtaqa ujllapi chinkachisqa karqa, manaraj enemigos qayllaykushajtinku.

Jeremías 20:16

Chay runaqa, imaynatachus Señorqa wiñaypaj llajtasta phirin, ajina phirisqa kachun. Sut'iyaymanta nanaywan qhapariykunasta uyarichun, chaupi p'unchaypitaj maqanaku ch'ajwaykunasta.

Job 18:15

Toldon ukhupi tiyakonqa manapis paypatachu kanman jina; wasimpis azufrewan ch'ajchusqa kanqa.

Oseas 11:8

Imaynallatataj saqesqayki, Efraín? Imaynatataj qonqarparisqayki Israel? Atiymanchu Adma llajtata jina phirisuyta, chayri imaynatachus Zeboim llajtawan ruwarqani ajinallatataj qamwampis ruwayta? Sonqoyqa nanasqaña kashan, qampaj khuyakuywan junt'asqa!

Jeremías 49:18

Sodoma, Gomorra jinataj kanqa, chantá chay muyuynin llajtas thuñisqas karqanku, ajinata. Manataj pipis chaypi watejmanta tiyakonqañachu, ni uj ratollapajpis.

Isaías 1:9

Manachus Tukuy Atiyniyoj Señor noqanchejmanta wakinkunata qhepachinman karqa chayqa, kunampacha kashasunman karqa Sodoma jina, Gomorra jinataj.

Salmos 11:6

Payqa sajra runaspa patanman parachimonqa, azufreyoj nina k'ajayta; wayrachenqataj tukuyninta ruphanampaj. Señorqa sajra kayninkuman jina paykunata jasut'enqa.

San Lucas 10:12

Chaynejta niykichej: Jaqay juicio p'unchaypeqa, Sodoma llajtaraj aswan pisita ñak'arenqa chay llajtamanta nisqaqa.

Génesis 13:10

Lotqa tukuynejta qhawarerqa, astawanqa Jordán mayu valleta Zoar juch'uy llajtakama. Chaykunaqa yakusniyoj karqa, sumajtaj Señorpa huertan jina, Egipto jallp'aman rijch'akoj. Chaytaj karqa manaraj Señor chinkachishajtin Sodoma llajtata, Gomorra llajtatawan.

Génesis 13:12

Abramqa Canaán jallp'api qhepakorqa. Lottaj riporqa tiyakoj valle llajtas chaupiman, Sodoma llajta qayllaman, maypichus runaqa millay sajra karqa chayman. Chay Sodomapi kajkunaqa millay sajra juchasta, Señorpa contranta ruwaj kanku.

Génesis 18:17

Señortaj sonqompi nerqa: Abrahamman willasaj imatachus ruwanay kasqanta, imaraykuchus pay kanan kashan uj jatun atiyniyoj naciompa tatan. Payman niniña benedicinayta paynejta kay mundopi tukuy nacionesta.

Génesis 19:23

Lotqa sut'iyamushajtin Zoar llajtaman chayarqa.

Éxodo 9:23

Moisestaj tojnunta pataman oqharerqa. Señortaj qhon qhonkunata, lliuj lliujkunatawan rikhurichimorqapacha, granizotaj paramorqapacha ninawan chajrusqa tukuynin Egipto jallp'aman.

Job 1:16

Manaraj chay runa willayta tukushajtin, uj runañataj chayaykamullarqataj, nispa: Janaj pachamanta Diospa kachamusqan lliuj lliujnin ovejasta michejkunasnintinta q'olaykun, noqallaña ayqekamuni qanman willasunaypaj, nispa.

Isaías 30:33

Unaymantapacha, Asiriapaj, reynimpajwan ñak'arina cheqa wakichisqa kashan manchay jatun, ukhutaj. Chay ruphachinaqa ashkha llant'ayoj ninayoj ima kashan. Chaymantaj Señorqa azufre mayuta jina samayninwan jap'iykuchenqa.

Deuteronomio 28:24

Señorqa pataykichejman parachimusonqachej ñut'u jallp'ata, t'iyuta ima, qankuna chinkachisqas kanaykichejkama.

Deuteronomio 29:22

Qhepaman kajkuna mirayniykichej, karu llajtayojkuna ima rikonqanku chay imaymana nanaykunata, onqoykunata ima, Señorqa kay jallp'aman kachamonqa, chaykunata.

Jeremías 23:14

Jerusalenmanta profetasta rikullanitaj manchay millay imasta ruwashajta. Qhenchachakunku, ch'aukiyankutaj, astawantaj umachakunku chay juchasapasta. Chayrayku paykunaqa mana juchamanta t'aqakunkuchu. Paykuna, chantá llajtapi tiyakojkuna noqapaj Sodoma llajta jina, Gomorra llajta jinataj kanku.