Génesis 18:26 - Qheshwa Biblia DC

²⁶ Señortaj kuticherqa: Sichus phishqa chunka mana juchayojkunata tarisaj Sodoma llajtapi chayqa, paykunarayku chay llajtata mana chinkachisajchu.

DIOSPA QHELQACHISQAN DEUTEROCANONICAL

²⁶ Tata Diostaj kuticherqa: Sichus Sodoma llajtapi phishqa chunka cheqanta ruwajkunata tarisaj chayqa, paykunarayku chay llajtapi tiyakojkunamanta khuyarikusaj, nispa.

DIOSPA QHELQACHISQ

²⁶ Tata Diostaj kuticherqa: Sichus Sodoma llajtapi phishqa chunka cheqanta ruwajkunata tarisaj chayqa, paykunarayku chay llajtapi tiyakojkunamanta khuyarikusaj, nispa.

Génesis 18:26 Referans Kwoze

Jeremías 5:1

Señorqa nin: Jerusalempa callesninta allinta qhawaspa muyuykachaychej, plazasnejta mask'aychej, ichachus pillatapis tarinkichej cheqan kajta ruwajta, tukuy ruwasqampi mana llullakojta. Pillatapis tarinkichej chayqa, Jerusalén llajtata qhespichisaj.

San Mateo 24:22

Chay p'unchaykunachus mana pisiyachisqas kankuman karqa chayqa, mana pipis salvasqachu kanman. Ajllasqasraykutaj chay p'unchaykuna pisiyachisqas kanqanku.

Ezequiel 22:30

Chay runas ukhupi noqa mask'arqani pillapis kay llajtaj allinninta sayarinanta ñaupaqeypi noqamanta kay llajtarayku mañapunampaj, ajinamanta kay llajtata ama chinkachinampaj, manataj ujllatapis tarerqanichu.

Isaías 65:8

Señorqa ajinata nin: Sichus mayqempis ujnin ramampi uvas chhullchuta tarin, nintaj: Ama kaytaqa usuchiychu, chayqa bendicisqa kashan, nispa. Ajinata kamachisniytaqa mana tukuynintachu chinkachisaj.

Isaías 19:24

Chaypacha Israelqa, egipcioswan, asirioswan khuska kay jallp'a patapi bendicionta jap'enqa.

Isaías 10:22

Mirayniykeqa Israel, mar qochaj t'iyun jinapis kanman chayqa, chaywampis chaymanta maychá puchonqa chayqa, kutimonqapuni. Tukuchinapaj nisqa kajqa tukukonqapuni, ajinamanta cheqanchayqa, sut'ipi kanqa.

Isaías 6:13

Sichus chunkamanta ujllapis qhepakunman, chaypis chinkachisqallapuni kanqa. Imaynatachus roble sach'ata, encina sach'atapis k'utojtinchej k'ullullanña qhepakun, ajinata qhepakonqa chay ajllasqay aylloqa.

Génesis 18:17

Señortaj sonqompi nerqa: Abrahamman willasaj imatachus ruwanay kasqanta, imaraykuchus pay kanan kashan uj jatun atiyniyoj naciompa tatan. Payman niniña benedicinayta paynejta kay mundopi tukuy nacionesta.