Génesis 17:17 - Qheshwa Biblia DC

¹⁷ Abrahamtaj qonqoriykukorqa umanta pampaman chayachinankama, asirikorqataj, sonqompi kay jinata yuyaspa: Pachaj watasniyoj runaqa atinmanrajchu wawasniyoj kayta? Saraqa isq'on chunka watasniyojña, wawayojrajchu chanta kanman?, nispa.

DIOSPA QHELQACHISQAN DEUTEROCANONICAL

¹⁷ Ajinata Diospa nisqanta uyarispa, Abraham pampakama k'umuykorqa, chantá asirikuspa, sonqonpi nerqa: Pachaj watayoj runa wawayoj kayta atinmanrajchu? Saraqa jisq'on chunka watayojña kashaspapis, wawayojrajchu kanmanri? nispa.

DIOSPA QHELQACHISQ

¹⁷ Ajinata Diospa nisqanta uyarispa, Abraham pampakama k'umuykorqa, chantá asirikuspa, sonqonpi nerqa: Pachaj watayoj runa wawayoj kayta atinmanrajchu? Saraqa jisq'on chunka watayojña kashaspapis, wawayojrajchu kanmanri? nispa.

Génesis 17:17 Referans Kwoze

Apocalipsis 11:16

Chay iskay chunka tawayoj kuraj runastaj, Diospa ñaupaqempi tiyanasninkupi tiyasqa kasharqanku, qonqorikuspataj Diosta yupaycharqanku.

San Juan 8:56

Ñaupa tataykichej Abrahamqa kusikorqa p'unchayniyta rikuyta munaspa, rikuspataj mayta kusikorqa.

Génesis 21:6

Chaypacha Saraqa unancharqa: Dios asichiwarqa, kunanqa kayta yachajkuna noqawan khuska asikonqanku.

Génesis 18:12

Chayrayku Saraqa asiywan atipachikorqa, sonqompitaj nerqa: Imaynamantataj chanta chay jina kusiy kanmanri kay jina payapiri, qosaywan noqawanqa machusña kaykoqa?, nispa.

Génesis 17:3

Abramtaj chayta uyarispa umanta pampaman chayachinankama k'umuykorqa. Diostaj payman nillarqataj:

Ezequiel 1:28

Imaynatachus k'uychi phuyus chaupipi p'unchay paramojtin rikhurin, ajina muyuynimpi karqa. Kay jinamanta Señorpa jatun kaynenqa mosqoypi jina rikhuriwarqa. Chay jinata rikuspa, pampakama k'umuykorqani. Chay rato uj parlamojta uyarerqani.

Apocalipsis 5:8

Librota jap'isqantawantaj, chay tawa animales, chay iskay chunka tawayoj kurajkuna ima, Corderoj ñaupaqenman qonqoriykukorqanku. Sapa ujninkutaj arpasniyoj karqanku, copasninkutaj inciensowan junt'asqas karqanku. Chaykunaqa ajllasqaspa mañakuynin.

Job 1:20

Chayta uyarispa Jobqa manchay llakisqa sayarikuspa, p'achasninta llik'irakorqa, chujchasnintapis k'uturakorqa. Jinaspataj pampaman k'umuykukorqa, nerqataj: Noqaqa q'alalla mamaypa wijsanmanta llojsimorqani, q'alallataj llojsipusaj kay mundomanta. Tukuy imasniyta Señor qowarqa, kunanqa payllataj chay imasta qhechukapuwan. Chaywampis Señorpa sutenqa bendicisqa kachun!

Daniel (hebreo) 8:17

Chanta Gabrielqa qayllaykamuwarqa. Noqataj mancharikuywan pampakama k'umuykorqani, paytaj niwarqa: Runa, yachay, chay mosqoypi jina rikhurisojqa niyta munan, p'unchaykunaj tukukuyninmanta.

1 Crónicas 21:16

Davidtaj qhawarispa rikorqa Señorpa angelninta, janaj pachawan kay pachawan chay patapi oqharisqata, makinwan Jerusalenman espadanta rikuchishajta. Davidtaj chay kurajkunaswan ima llakiypi churakuna p'achasninkuwan uyamanta pampaman k'umuykukorqanku.

Jueces 13:20

Altarmanta nina pataman oqharikojtinkama, Manoawan warminwan ima, Señorpa angelninta rikorqanku chay ninaj larwaynin chaupita cieloman oqharikapojta. Chaypachataj umankuta pampaman k'umuykorqanku.

Josué 7:6

Josuewan, israelitaspa kurajkunasninkuwantaj llakiywan p'achasninkuta llik'ikorqanku, umankumantaj ñut'u jallp'awan jich'akorqanku llakisqa kasqankuta rikuchinankupaj. Chaymantataj qonqoriykukorqanku Señorpa trato ruwasqan cajonnimpa ñaupaqenman, pampaman umankuta chayachinankukama, ch'isiyaykunankamataj.

Josué 5:14

Chay espadayojtaj nerqa: Ni mayqenmanta; noqaqa jamuni Señorpa soldadosinta kamachejnin jina. Chaymanta Josueqa pampaman umanta chayachinankama k'umuykukorqa, taporqataj: Imatataj kunan Señorniy kamachishan kamachinmanri?, nispa.

Deuteronomio 9:25

Chaypacha Señorqa qankunata chinkachiyta munasqanrayku noqaqa Señorpa ñaupaqempi qonqoriykukorqani tawa chunka p'unchaykunata, tawa chunka tutastawan.

Deuteronomio 9:18

Chaymantataj Señorpa ñaupaqenman qonqorikorqani ñaupajta jina, tawa chunka p'unchaykunata, tawa chunka tutastawan, mana t'antata mikhuspa, nitaj yakuta ujyaspa. Chayta ruwarqani qankuna juchachakusqaykichejrayku, Diospa contranta, Payta phiñachispa.

Números 16:22

Moiseswan Aaronwantaj chayta uyarispa pampaman umankuta chayachinankukama qonqorikorqanku, kay jinata nispa: Diosniyku, tukuy runasman kausayta qoj, kay tukuy runaspa contrantachu phiñakunki uj runaj juchanrayku?

Números 14:5

Chaymantataj Moiseswan Aaronwan qonqorikorqanku pampaman umankuta chayachispa, tukuy israelitaspa ñaupaqempi.

Levítico 9:24

Señorpa ñaupaqenmantataj nina lauray llojserqa, chaytaj rupharqa altar patapi kasharqa chay jaywasqa uywasta, wirastawan. Chayta rikuspataj tukuynin israelitas kusiywan qhaparerqanku, k'umuykorqankutaj pampaman umasninkuta chayachinankukama.

San Mateo 2:11

Wasiman yaykuspataj, wawata, María mamantawan rikorqanku. Chaypitaj qonqoriykukuspa wawata yupaycharqanku. Chantá, q'episninkumanta orqhospa saqeporqanku qorita, inciensota, mirratawan.

San Lucas 1:18

Zacariasqa angelta taporqa: Imaynatataj chantá kayta yachasaj? Noqaqa machuña kani, warmiypis payaña.

Génesis 17:18

Chaymanta Abrahamqa Diosman nerqa: Ismaelniy ñaupaqeykipi kausachun.

Génesis 18:11

Abrahamwan Sara warminwanqa machusña karqanku, chantaqa Sarajta killampis manaña jamojchu.

Génesis 21:5

Abrahamqa pachaj watasniyoj karqa wawan Isaac naceshajtin.

Génesis 21:7

Pitaj ninman karqa Abrahamman paypaj wawayojraj kanaytarí? Chaywampis payman wawata rejsichiniraj chay jina machuyaynimpi.