Génesis 15:1 - Qheshwa Biblia DC

¹ Chay qhepata Dios parlarqa Abramman mosqoypi jina, nispa: Ama manchachikuychu Abram, noqa qampa jark'ajniyki kani, qampa t'inkaykeqa may chhikapuni kanqa.

DIOSPA QHELQACHISQAN DEUTEROCANONICAL

¹ Chaymanta Tata Diosqa Abramman mosqoypi jina parlarqa: Ama manchachikuychu, Abram, imaraykuchus noqa waqaychasojniyki kani. Qanpa t'inkaykeqa may chhikapuni kanqa, nispa.

DIOSPA QHELQACHISQ

¹ Chaymanta Tata Diosqa Abramman mosqoypi jina parlarqa: Ama manchachikuychu, Abram, imaraykuchus noqa waqaychasojniyki kani. Qanpa t'inkaykeqa may chhikapuni kanqa, nispa.

Génesis 15:1 Referans Kwoze

Isaías 41:10

Qanqa, ama manchachikuychu. Noqaqa qanwampuni kashani, Ama iskayrayaychu. Noqaqa kallpachasoj Diosniyki kani. Atipachej paña makiywan sayachisqayki, yanapallasqaykipunitaj.

Salmos 119:114

Qan jark'awajniy waqaychawajniytaj kanki, parlasqaykipitaj atienekuni.

Salmos 84:11

Señor Diosqa k'anchawanchej, waqaychawanchejtaj. Señorqa munakun qhawantaj llimphu sonqo kausakojkunata tukuy ima allintataj paykunaman qollampuni.

Génesis 26:24

Chay ch'isi Señorqa rikhurerqa, nerqataj: Noqa kani tatayki Abrahampa Diosnin. Ama manchachikuychu, noqa qanwan kashani. Kamachiy Abrahamrayku bendicisqayki, mirayniykitapis ashkhayachisaj.

Isaías 41:14

Ama manchachikuychu pisi kallpayoj Israel, Jacobpa ayllun. Noqa yanapajniyki kani. Noqa Israelpa Santo Diosnin, Salvadorniyki kani.

Lamentaciones 3:24

Almayqa nin: Señorqa tukuy ima noqapajqa; chayrayku payllapi suyakusaj.

San Lucas 12:32

Juch'uy tropa ovejasníy, ama manchachikuychejchu, imaraykuchus Tataykichejmanqa allin rijch'an qankunaman reinonta qoy.

Salmos 5:12

Señor, qan bendicinki cheqan ruwajta. Munakuyniykeqa jark'akuna jina payta waqaychan.

Salmos 18:2

Qan pakakunay chhanka kanki, jark'akuwajniytaj, librawajniy Diosniytaj kanki. Qan kanki pakakunay chhanka, pakakunay escudo, salvawajniy, kallpay, altopi sumaj pakakunaytaj.

San Lucas 1:13

Chantá angeltaj payman nerqa: Ama mancharikuychu Zacarías. Mañakusqaykita Dios uyarinña, warmiyki Isabel wawayoj kanqa, paytataj Juanta sutichanki.

Isaías 43:5

Ama manchachikuychu. Noqa qanwan kashani. Inti llojsimuymantapacha, inti yaykuymantawan runasniykita tantaykampusqayki.

Salmos 142:5

Qanmanta qhaparikuyki Señor, niykitaj: Qan pakakunay kanki, tukuy kapuyneyqa qanlla kanki.

Salmos 3:3

Qan Señorníy, muyuyniypi jark'akuwajniy kanki. Qan kusichiwaspa kallpachawanki.

Génesis 21:17

Diostaj wawaj waqasqanta uyarimorqa, kachamorqataj janaj pachamanta uj angelta, Agarmantaj nerqa: Imanasunkitaj Agar? Ama phutikuychu, Dios uyarin wawaj waqasqanta maypichus kashan chaypi.

San Lucas 1:30

Chaymantataj angelqa nerqa: Ama mancharikuychu María. Qanqa Diospa khuyakuyninta tarinki.

Salmos 58:11

Chaypachataj nenqanku: Walejpuni Diosta qhatikoyqa. Uj Dios tiyan, kay pachata cheqanchaj.

San Mateo 8:26

Jesustaj paykunaman nerqa: Imaraykutaj manchachikunkichej pisi feniyoj runas? Sayariytawantaj, qochata, wayratawan k'amerqa. Wayra thañejtintaj qocha tiyaykorqa.

Isaías 51:12

Noqa, noqamin kani sonqochajniykeqa. Pitaj qan kanki runata manchachikunaykipajri? Qhora jina wañoj chay runatachu manchachikunki?

Salmos 27:1

Señorqa k'anchawajniy, salvawajniytaj. Pimantataj manchachikuymanri? Señorqa kausayniyta jark'awan.

Proverbios 11:18

Juchasapa runaqa uj ch'aukiyay pagota jap'in; pichis cheqan kajta ruwajqa sumaj t'inkata jap'enqa.

Salmos 91:4

Lijrasninwan qhataykusonqa; chay urapi sumaj pakasqa kanki, cheqa kaynintaj jark'asonqa.

Deuteronomio 31:6

Qankunaqa sumajta kallpachakuychej, sinch'itataj sayaychej. Qankunaqa ama manchachikunkichejchu chay runaswan tinkuytawan. Señor Diosniykichejqa qankunawan kashan. Payqa qhawasonqachejpuni, manataj saqerpayasonqachejchu.

Ezequiel 3:4

Chaymanta niwarqa: Rispa Israel aylluman chay palabrasniyta willamuy.

Isaías 44:2

Noqa ruwasoj Diosniyki kani. Manaraj naceshajtiyki ruwarqayki, yanaparqaykitaj. Ama manchachikuychu kamachíy, Jacob, Jesurún. Qanta noqaqa kamachiypaj ajllakorqayki.

Isaías 43:1

Jacobpa miraynin israelitasta Señorqa nin: Ama manchachikuychu, noqa qantaqa librarqayki. Noqa qanman sutita churarqayki. Chaynejta noqajta qanqa kanki.

Isaías 35:4

Manchachikojkunaman niychej: Kallpachakuychej, amataj manchachikuychejchu; qhawariychej Diosniykichej jamushan salvasunaykichejpaj enemigosniykichejmantaj pagota qonampaj.

Éxodo 14:13

Moisestaj paykunaman nerqa: Chaymantaqa ama mancharikuychejchu, sumajta sayaychej, rikunkichej Señor imatachus ruwanqa qankunata libranasuykichejpaj; imaraykuchus kunallanña egipciospa uyasninkuta rikushankichej, kaymanta qhepamanqa ni jayk'aj rikunkichejñachu.

Apocalipsis 1:17

Payta rikuspataj, wañusqa jina chakisninman urmarqani. Paytaj makisninta churaykuwarqa, nispa: Ama mancharikuychu. Noqa kani ñaupaj kaj, qhepa kajtaj.

Hebreos 1:1

Ñaupa p'unchaykunapi, ashkha kutita tukuy imaymanamanta, Dios parlamorqa ñaupa tatasninchejman profetasnejta.

Hechos 10:22

Paykunataj kuticherqanku: Capitán Cornelio kachamuwayku. Payqa cheqan runa, Diospa manchaynimpitaj kakun. Judiostaj jatumpi jap'inku. Diospa angelnintaj Cornelioman nerqa wasinman wajyachisunanta, qampa parlasqaykita uyarinampaj.

Proverbios 30:5

Señorpa tukuynin palabrasnenqa llimphupuni; payqa waqaychan paypi tukuy yuyaykunata.

Salmos 84:9

Diosníy, jark'awajniyku, allin ñawiwan qhaway qampaj ajllakusqaykita rey kanampaj.

1 Samuel 9:9

[Unay watasqa mayqen israelitasllapis Diosta tapurikuyta munaj chayqa nej kay jinata: Jaku rina rikoj runaman, nispa. Chaymantataj kunan profetas nisqas kanku, ñaupajtarí rikoj runas, nisqas karqanku.]

Ezequiel 11:24

Chaymanta Diospa atiynenqa oqhariwaspa Babiloniaman kutirichiwarqa, jap'isqas kasharqayku chayman. Kaytaqa Diospa espíritun mosqoypi jina rikuchiwarqa. Chantá chay mosqoypi jina rikhurejqa chinkaporqa.

1 Crónicas 28:20

Chaypacha Davidqa Salomonman nerqa: Kallpachakuy, sinch'itataj sayay, llank'aj pachataj churakuy. Ama iskayrayaychu, nitaj manchachikuychu, Señor Diosneyqa qanwampuni kanqa. Payqa mana saqesonqachu, nitaj qonqarparisonqachu, Señorpa yupaychana wasimpi tukuy ruwanasta tukuyaykikama.

Ezequiel 1:1

Kinsa chunka watapi, tawa kaj killampi phishqa p'unchaynimpi, llajtankumanta wijch'usqas runakunaj chaupimpi kasharqani, Quebar nisqa mayu cantopi. Chaypacha janaj pacha kicharikorqa, Diostataj mosqoypi jina rikorqani.

San Mateo 28:5

Angeltaj warmisman nerqa: Ama manchachikuychejchu. Noqa yachani Jesusta mask'ashasqaykichejta, pichus chakatasqa karqa, chayta.

Isaías 44:8

Qankunaqa ama iskayrayaychejchu, amataj manchachikuychejchu. Noqaqa unaymantapachaña uyaricherqaykichej, nerqaykichejtaj imachus kananta. Chaymanta qankunaqa mana llullakuwajchejchu. Noqamanta astawan waj diosqa manapuni kanchu; mana waj pakakunaqa kanchu; manapuni pitapis rejsinichu.

Génesis 15:2

Abramtaj kuticherqa: Señor Dios, imatataj qowankiri? Qan yachashanki waway mana kasqanta, Damascomanta Eliezer kamachiy tukuy imasniytapis jap'ikapunan kasqanta.

Génesis 15:4

Señortaj kuticherqa: Tukuy imayki kajtaqa kikin wawaykipuni jap'enqa, mana waj runachu.

Génesis 31:7

Payri sapa kuti ch'aukiyawan, chunka kutikama pagoyta waj jinayachin. Chaywampis Señorneyqa mana saqenchu ni ima sajrata ruwawajta.

Números 18:20

Señorqa Aaronman nerqa: Qanqa mana jallp'asniyojchu israelitas ukhupi kanki. Noqa qampata kasaj, chayaqeykitaj kasaj israelitas ukhupi.

Números 24:4

Diosman yuyayninta churaspa Diospa nisqasninta uyarej, manchay atiyniyoj Diospa mana rikukoj imasninta mosqoypi jina rikoj, chaywampis ñawisnin aswan sut'ita qhawan.

1 Samuel 15:10

Chaymantataj Señorqa Samuelwan parlarqa: Saulta kamachejta churasqaymanta llakikuni, payqa noqamanta t'aqakapun, manataj nisqasniyta junt'anchu. Samuelqa sinch'i llakisqa qhepakorqa, tukuy tutantintaj Señormanta mañakusharqa.

2 Samuel 22:3

Diosníy, pakakunay chhanka, jark'akunay, atiyniyoj salvawajníy, aswan patapi kaj pakakunay, aswan patapi kaj ayqeykunay, salvawajníy, Qanlla salvawarqanki sinch'i llakiykunamanta!

Génesis 22:1

Unayninmantaj Dios Abrahampa feninta yachayta munarqa. Sutinmanta wajyarqa Abraham, nispa. Paytaj kuticherqa, kaypi kashani, nispa.

Génesis 22:20

Unaymanta yacharqa Abrahamqa, wauqen Nacorpa warmin Milcapis wawasniyoj kasqanta.

Deuteronomio 18:2

Paykunaqa mana chayaqeyojchu kanqanku israelita masisninku ukhupi. Paykunaj chayaqenkoqa Señorllamin, imaynatachus nisqanman jina.

2 Reyes 1:15

Chanta Señorpa angelnin Eliasman nerqa: Paywan uraykullay, ama manchachikuychu. Eliastaj jatariytawan reypaman paywan khuska uraykorqa.

Salmos 3:4

Noqaqa qhaparispa Señormanta mañakuni, Paytaj Santo orqonmanta uyarimuwan.

Salmos 115:10

Sacerdotes, Señorpi atienekuychej. Pay yanapawanchej, jark'awanchejtaj.

Isaías 40:10

Señor Diosniykichejqa jatun atiyninwan jamushan, makinwan tukuyta atipaspa. Payqa t'inkanwan jamushan, pagontapis apamushan.

Jeremías 39:17

Chaywampis noqa waqaychasqayki qan manchachikunki chay runaspa makinman ama urmanaykipaj. Noqa Señor chayta niyki.