Génesis 14:5 - Qheshwa Biblia DC

^5-6 Qhepan watataj rey Quedorlaomer, pi reyeschus paywan karqanku chaykunawan rerqanku Astarot Karnaimman, chaypi atiparqanku refaitasta. Chaymantataj zuzitasta Hampi atiparqanku. Savequiriataimpitaj emitasta, Seir lomaspitaj atiparqanku horeosta, qhatiykorqankutaj Parán pampakama, chaytaj kashan ch'in pampa qayllapi.

DIOSPA QHELQACHISQAN DEUTEROCANONICAL

⁵ Qhepan watapi kuraj kamachej Quedorlaomer, pikunachus paywan kasharqanku chaykunapiwan ima Astarot Carnayinman rispa, Refayinpi tiyakojkunata maqanakuspa atiparqanku. Chaymantataj Jam cheqapi Zuz suyumanta kajkunata atiparqanku, Savé Quiriatayin cheqapitaj Em suyumanta kajkunata atiparqanku.

DIOSPA QHELQACHISQ

⁵ Qhepan watapi kuraj kamachej Quedorlaomer, pikunachus paywan kasharqanku chaykunapiwan ima Astarot Carnayinman rispa, Refayinpi tiyakojkunata maqanakuspa atiparqanku. Chaymantataj Jam cheqapi Zuz suyumanta kajkunata atiparqanku, Savé Quiriatayin cheqapitaj Em suyumanta kajkunata atiparqanku.

Génesis 14:5 Referans Kwoze

Deuteronomio 3:11

Basanmanta rey Ogllaña qhepakorqa tukuynin refaíta runasmanta kaj. Sepulturanqa rumimanta ruwasqs karqa. Chay rumeqa sayt'unman karqa tawa chunka metros, kinrayninmantaj yaqha iskay metros jina. Chay sepulturaqa kunankama kashan amonitaspa llajtan Rabapi.

Deuteronomio 3:22

Paykunamanta amapuni manchachikunkichejchu. Señor Diosniykichej qankunarayku maqanakonqa.

Jeremías 48:1

Israelpa Tukuy Atiyniyoj Señor Diosnin nichin Moab jallp'api imaschus kananmanta: Ay Nebo llajtamanta. Llakiyta phirisqa kashan. Quiriataim llajta jap'isqa karqa, k'umuykachachisqataj. Pakakuna wasisnimpa pampanman urmachisqa karqa.

Isaías 17:5

Chayqa kanqa imaynatachus uj ruthoj trigota ruthun jina, chayri imaynatachus uj runa makinwan espigasta pallan ajina, chayri Refaim vallepi imaynatachus cosechakun jina.

Salmos 106:22

T'unata ruwallarqataj Campa jallp'ampi, jinallataj ruwarqa Puka mar qochapi.

Salmos 105:27

Paykunanejta Diosqa señalesninta rikucherqa, may sumaj ruwaykunata Campa jallp'ampi.

Salmos 105:23

Chanta Israelqa Egiptoman yaykorqa. Paymin Jacob. Karu llajtayoj jina Jacobqa Egiptopi tiyakorqa, Campa jallp'ampi.

Salmos 78:51

Kikin Egiptopi kuraj wawasninkuta, jinallataj uywasninkutapis wañuracherqa, Campa miraynimpi kuraj kaj wawasninkuta.

1 Crónicas 14:9

Chaypacha filisteosqa ñaupajman astawan rispa Refaim valleman junt'aykorqanku.

1 Crónicas 11:15

Uj kutipitaj chay kinsa chunka kurajkunamanta kinsantillanku Adulam chhanka jusk'uman Davidwan tinkoj rerqanku. Filisteosmanta soldadostaj Refaim vallepi jarasqas karqanku.

1 Crónicas 4:40

Chaynejpitaj allin pastosta tarerqanku, sumaj q'omerta, ashkhatataj jatun jallp'ata mana piwampis ch'ajwanapaj jina, sumaj waqaychasqa cheqapi. Chaypitaj ñaupajtaqa Cam aylloj mirayninmanta kajkunaqa tiyakusqanku.

2 Samuel 23:13

Uj kutipirí, chajra oqhariy tiempopi, kinsa chunka kurajkunamanta kinsa ukhu Davidwan tinkukoj rerqanku Adulam nisqa jusk'upi, filisteosmanta soldados Rafaim valle chaypi jarasqas kashajtinku.

2 Samuel 5:22

Chaywampis filisteosqa watejmanta Refaim pampasman junt'aykamullarqankutaj.

2 Samuel 5:18

Chaypacha filisteosqa astawan ñaupajman rispa Refaim pampasman junt'aykorqanku.

Josué 13:31

Chaymantaqa Galaadpa khuskan, Astarot llajtas, Edrei llajta, Basampi rey Ogpa llajtasnin ima. Chay karqa Manasespa wawan Maquirpa wawasnimpaj, chay niyta munan Manasespa khuskan miraynimpaj, mashkhachus kasqankuman jina.

Josué 13:12

Chanta jap'ikullarqankutaj Basán rey Ogpa jallp'asninta, payqa Astarotpi, Edreipi ima kacherqa, payqa karqa refaitasmanta ch'uli; paykunatamin Moisesqa atipaspa chinkacherqa.

Josué 12:4

Refaitasmanta ch'uli Basan rey Ogqa, Astarotpi, Edreipiwan tiyarqa.

Deuteronomio 3:20

Qankunaqa israelita wauqesniykichejwan khuska rinaykichej tiyan, Jordán mayu chimpapi Señor Diosniykichej paykunaman jallp'ata qonankama qankunaman jina, chaymantaraj qankunaqa kutimpunkichej qorqaykichej chay jallp'asman.

Génesis 14:4

Quedorlaomer reyqa chunka iskayniyoj watasta paykunata kamacherqa, chunka kinsayoj wataspitaj kinsantin reyes nerqanku maqanakunankuta paypa contranta.

Números 32:37

Rubén ayllumanta kajkunapis kikinta llajtasta sayaricherqanku: Hesbonta, Elealeta, Quiriataimta, Nebota, Baal-meonta, Sibmatawan. Wakin llajtasta watejmanta ruwasqasninkuta waj sutiswan suticharqanku.

Deuteronomio 3:13

Manasespa khuskan ayllunmantaj qorqani Galaadpa khuskan jallp'asta, tukuynin Basán jallp'astawan. Chay jallp'asqa rey Ogpata karqanku. Chaymanta qollarqanitaj tukuynin Argob jallp'astawan. Chaykuna rejsisqas karqanku refaitaspa jallp'asnin jina.

Josué 9:10

Imaynatatajchus Jordán mayu chimpapi amorreospa iskay reyesninta ruwasqanta, Hesbón rey Sehonta, Basán rey Ogtawan, pischus Astarotpi tiyarqanku.