Génesis 14:18 - Qheshwa Biblia DC

¹⁸ Salemmanta rey, patapi kaj Diospa sacerdoten Melquisedecpis orqhorqa t'antata, vinotawan.

DIOSPA QHELQACHISQAN DEUTEROCANONICAL

¹⁸ Jinapi Salemmanta kuraj kamachej Melquisedec t'antata, vinotawan ima Abramman aparqa. Melquisedecqa Patapi Kaj Diospa sacerdoten karqa.

DIOSPA QHELQACHISQ

¹⁸ Jinapi Salemmanta kuraj kamachej Melquisedec t'antata, vinotawan ima Abramman aparqa. Melquisedecqa Patapi Kaj Diospa sacerdoten karqa.

Génesis 14:18 Referans Kwoze

Hebreos 6:20

Chay veloman, noqanchejrayku ñaupaykuspa yaykorqa, wiñaypaj kuraj sacerdote churasqa kaspa, Melquisedecpa t'aqanman jina.

Salmos 110:4

Señorqa uj juramentota ruwarqa, manataj nisqanta p'akenqachu. Qan wiñaypaj sacerdote kanki, Melquisedecpa t'aqanman jina.

Hebreos 5:6

Wajnejpipis nillantaj: Qan wiñaypaj sacerdote kanki, Melquisedecpa t'aqanman jina.

Hebreos 5:10

Diostaj kuraj sacerdoteta payta suticharqa, Melquisedecpa t'aqanman jina.

Salmos 76:2

Santo wasenqa Sión orqopi kashan, chaytaj Jerusalempi.

Hechos 16:17

Chay sipastaj qhatiwarqayku, Pablota, noqaykutawan. Qhaparqachaspataj nerqa: Kay runasqa patapi kaj Diospa kamachisnin kanku. Paykuna willasunkichej salvación ñanmanta.

Salmos 57:2

Patapi kaj Diosmanta mañakusaj, tukuy imapi yanapawaj Diosmanta.

Salmos 7:17

Noqataj Diosta yupaychasaj, cheqan kasqanmanta, patapi Señorpa sutinmantaj takirikusaj.

Rut 3:10

Señor bendicisuchun!, nispa nerqa Boozqa. Kunan qan rikuchiwarqanki wañoj qosaykita mana wasanchaj kasqaykita. Qan munaspaqa mask'akuwaj karqa qosaykipaj, noqamanta aswan joventa wajchata, chayri qhapajtapis, jinapis mana chayta ruwarqankichu.

Gálatas 6:10

Chayrayku sapa kuti atisqanchejman jina tukuypaj allinta ruwana, astawanqa fepi hermanosninchejpaj.

Hechos 7:48

Chaywampis patapi kaj Diosqa, mana runaj makisninwan ruwasqa wasipichu tiyakun, imaynatachus profetaspis nin: Janaj pachaqa tronoy, kay pachataj chakisniyta churanay. Ima laya wasitataj ruwapuwankichejri? Chayri, maynejpitaj samarikusajri?

Miqueas 6:6

Imawantaj chimpaykuyman yupaychaj janaj pacha Dios Señorniymanri? Payman chimpaykuymanchu uj watayoj waka uñawan ruphachina rikuchikuta jaywanaypaj?

Salmos 50:14

Diosman uywa wañuchisqata jaywasqaykeqa agradecekusqayki kachun, patapi kaj Diosman junt'ay.

2 Samuel 2:5

Chaypacha Davidqa willajkunata Jabesman kacharqa, kay jinata nichispa: Señor qankunata bendicichun Saúl reyniykichejta khuyakusqaykichejrayku, payta jallp'aykichejpi p'ampaspa.

Hebreos 7:1

Kay Melquisedecqa, Salem llajtaj reynin, jatun Diospa sacerdoten karqa; pichus Abrahamta taripaj llojserqa, reyesta atipasqanmanta kutimushajtin, paytataj yanaparqa.

Salmos 104:15

vinota sonqonta kusichinampaj, aceiteta uyanta lliphipichinampaj, t'antatarí kallpachakunampaj.

Números 18:28

Ajinata, israelitas ofrendasninkuta apamusqankuta jap'isqaykichejmanta, qankunapis ofrendasniykichejta sapa chunkamanta ujta Señorman qonkichej, chaytataj sacerdote Aaronman jaywaychej.

Números 24:16

Diosman yuyayninta churaspa Diospa nisqanta uyarej runa, patapi kaj Dios imatachus rejsin chayta rejsejtaj payqa. Imatachus nisqasninta rejsej manchay atiyniyoj Diospata mana rikukoj imasninta rikoj runa kayta nin:

Salmos 76:3

Jaqaypi maqanakuna armasta p'akerqa: Escudosta, espadasta, arcosta, flechasta ima.

Daniel (hebreo) 4:31

Chay jinata rey parlashajtillanraj, janaj pachamanta uj parlamojta uyarikorqa: Kayta uyariy, rey Nabucodonosor. Kamachinayki llajtaqa manaña qampatachu.