Génesis 14:11 - Qheshwa Biblia DC

¹¹ Atipajkunaqa tukuy kaj chhikata sakeyaspa apakaposqanku Sodomamanta Gomorramantawan, jinallataj mikhuykunasninkutapis.

DIOSPA QHELQACHISQAN DEUTEROCANONICAL

¹¹ Chantá maqanakupi atipajkunaqa Sodomamanta, Gomorramanta ima valorniyoj kaj chhikata, mikhunata ima apakaporqanku, jinaspataj chaymanta riporqanku.

DIOSPA QHELQACHISQ

¹¹ Chantá maqanakupi atipajkunaqa Sodomamanta, Gomorramanta ima valorniyoj kaj chhikata, mikhunata ima apakaporqanku, jinaspataj chaymanta riporqanku.

Génesis 14:11 Referans Kwoze

Génesis 14:21

Chaymantataj Sodomamanta kaj reyqa Abramman nerqa: Kunanqa runasllata qopuway, tukuy imas kajkunatataj jap'ikapuy.

Génesis 14:16

Qhechorqankutaj imastachá aparqanku chayta. Ajinata Abramqa Lot sobrinonta qhechukamporqa, imasninchá tiyaporqa chaytawan. Jinallataj qhechorqa, warmista preso kaj runastawan.

Deuteronomio 28:51

Paykunaqa uywasniykichejpa umasninta mikhonqanku, jinallataj chajrasniykichejpa poqoynintapis, mana imayoj kanaykichejkama. Jinamanta paykunaqa mana saqepusonqachejchu trigota, vinota, aceiteta, wakasniykichejpa uñasninta, nitaj ovejasniykichejpa uñasnintapis. Qankunataj yarqhaywan wañunkichej.

Deuteronomio 28:35

Señorqa millay llejti onqoyta qosonqachej, moqosniykichejpi, chakisniykichejpipis chay onqoyqa chaki t'ajlluykichejmantapacha umaykichej puntakama jap'isonqachej, manataj thañiyta atinkichejchu.

Deuteronomio 28:31

Ñaupaqeykichejpi wakasniykichej qhawashajtiykichej ñak'asqas kanqanku, nitaj aychankuta mikhunkichejchu. Burrosniykichejta ñaupaqeykichejmanta qhawashajtiykichej ujkunataj apanqanku, nitaj kutichimpusonqachejchu. Ovejasniykichejta enemigosniykichej jap'ikaponqanku, nitaj pipis qhechuysisoj kanqachu.

Génesis 12:5

Pay riporqa warmin Saraita, sobrinon Lottawan pusariykukuspa. Jinallataj Harampi kashaspa mashkha runastachus jap'erqa chaytawan, tukuy imasnintawan apariykukuspa; Canaán jallp'amantaj chayarqanku. Chaymanta Abramqa rillarqapuni Siquem jallp'aman chayanankama, More vallepi maypichus encina sach'a karqa chayman. Chay jallp'aspitaj cananeos tiyakusharqanku.

Génesis 14:10

Sidim vallepi ashkha t'oqos karqa mach'awan ruwasqas. Sodomamanta rey, Gomorramanta reypiwan ayqeshaspa urmaykurarqanku chay t'oqosman. Wakin reyestaj orqosman ayqekorqanku.

Génesis 14:12

Abrampa sobrinon Lotpis Sodomapi tiyakushaspa jap'ichikullarqataj, payta presota aparqanku, jinallataj imanchá tiyaporqa chaytawan.