Génesis 13:16 - Qheshwa Biblia DC

¹⁶ Mirayniykita jallp'a t'iyuta jina mirachisaj. Imaraykuchus jallp'a t'iyoqa mana yupay atina, ajinallataj mirayniykeqa mana yupay atina kanqa.

DIOSPA QHELQACHISQAN DEUTEROCANONICAL

¹⁶ Mirayniykita t'iyuta jina mirachisaj. T'iyoqa mana yupay atina, ajinallataj mirayniykeqa mana yupay atina kanqa.

DIOSPA QHELQACHISQ

¹⁶ Mirayniykita t'iyuta jina mirachisaj. T'iyoqa mana yupay atina, ajinallataj mirayniykeqa mana yupay atina kanqa.

Génesis 13:16 Referans Kwoze

Números 23:10

Paykunaqa jallp'a t'iyu jina kanku. Pitaj paykunata yupayta atinmanri? Pitaj yachanman mashkhachus kasqankutari? Allin kanman kay cheqan runas jina wañunay, ajinamanta noqaj tukuyneyqa paykunajta jina kanman!

Génesis 28:14

Mirayniykeqa ashkhata miranqa mana yupay atina jallp'a t'iyu jina; paykuna junt'anqanku patanejman, uranejman, inti llojsimuynejman, inti yaykuynejman. Tukuy ayllus qannejta bendicisqas kanqanku, jinallataj mirayniykinejtapis.

Génesis 32:12

Qan niwarqanki allin rinawanta tukuy imapi, mirayniypis mar qocha t'iyu jina kananta mana yupay atina.

1 Reyes 3:8

Noqa kamachiykitaj kay ajllasqa llajtaykej chaupimpi kashani, kay chhika llajtaqa mana yupay atina, nitaj mashkhachus kasqankupis yachana jinachu, ashkha kasqankurayku.

Éxodo 32:13

Yuyarikuy ari, ima tratotachus ruwasqaykita kamachisniyki Abrahamwan, Isaacwan, Israelwan ima. Qan chayta ruwashaspa nerqanki: Noqa mirayniykichejta mirachisaj qoyllurkunata jina, kay jallp'ata qosaj mirayniykichejman imatachus qosaj nisqayman jina, paykunataj chayaqenkupaj wiñaypaj jap'ikunankupaj.

Génesis 22:17

Kunanqa bendicisqayki, mirayniykitapis ashkhata mirachisaj mana yupay atinata cielopi qoyllurkunata jina, mar qocha cantopi t'iyuta jina. Chantapis tukuy enemigosninkuta atipanqanku.

Génesis 15:5

Chaymanta Señorqa Abramta jawaman pusarqa, chaypitaj nerqa: Qhawariy allinta cielota, ichapis atiwaj yupayta qoyllurkunata. Ajina kanqa qampa mirayniyki, mana yupay atina.

Apocalipsis 7:9

Kay imaspa qhepanta, ancha ashkha runata rikorqani, mana yupay atinata tukuy llajtamanta, ayllumanta, runasmanta, tukuy parlaykunamantawan. Paykunaqa tronoj ñaupaqempi, Corderoj ñaupaqempi kasharqanku, yuraj p'achaswan p'achallisqas. Palmastataj makisninkupi jap'isharqanku.

Jeremías 33:22

Kamachiy Davidpa mirayninta, kamachisniyta, Levejpa mirayninmanta kamachisniy sacerdotestapis may chhikaman mirachisaj janaj pachapi qoyllurkunata jina, mar qochaj t'iyunta jinataj, mana yupay atinata.

1 Crónicas 27:23

Davidqa mana yupacherqachu iskay chunka watayojmanta sullk'astaqa, Señor nisqanrayku israelitastaqa mirachinanrayku cielopi qoyllurkunata jina.

1 Crónicas 21:5

Joabqa Davidman willarqa mashkhachus kasqankuta, israelitas yupachikusqankuman jina chayta. Tukuynin israelitaspitaj kasqanku uj millón pachaj waranqayoj runas maqanakupaj jina. Judá ayllupitaj kasqanku tawa pachaj qanchis chunkayoj waranqa runas.

1 Reyes 4:20

Judamanta Israelmantawan ashkha runaspuni karqanku, mar qochaj cantompi t'iya jina, mikhuspa ujyaspa kusikuspataj.

Jueces 6:5

Chay carpa wasisninkuwan jinataj uywasninkuwan chay jallp'aman junt'aykorqanku tukuy imasta phiriraspa. Langostas jinapuni may chhika camellosninkuwan junt'aykorqanku.

Jueces 6:3

Israelitaspata ima tarpusqallankupis kajtin, madianitasqa amalecitaspis chantá inti llojsimuynejmanta runaspis chajrasninkuman suwaj yaykuykullajpuni kanku.

Deuteronomio 1:10

Señor Diosniykichejqa kay chhikata mirachisunkichej. Kunan qankunaqa jatun ayllu ashkha kankichej, janaj pacha estrellas jina.

Éxodo 1:7

Israelitasqa ashkha kasqankuman jina ashkhata mirarqanku, may atiyniyojtaj karqanku; jinamanta paykunaqa Egiptoman junt'aykorqanku.

Génesis 46:3

Chaypi Dios payman nerqa: Noqa Dios kani, tataykej Diosnin. Ama Egiptoman riyta manchachikuychu; chaypi mirachisaj mirayniykita uj jatun nación kanampaj.

Génesis 28:3

Tukuy atiyniyoj Dios bendicisuchun, ashkhayachisuchun, mirayniykita mirachichun, qanmanta ashkha naciones kanankupaj.

Génesis 26:4

Mirayniykita ashkhata mirachisaj cielopi qoyllurkunata jina, jinaspataj paykunaman kay jallp'asta qosaj. Chantapis paykunanejta tukuy naciones kay mundopi bendicisqas kanqanku, imaraykuchus Abrahamqa kasuwan, junt'antaj kamachisqasniyta, leyesniyta, kamachisqasniytawan.

Génesis 21:13

Kamachiykej wawanmantapis uj jatun nacionta wiñachisaj, qampa wawayki kasqanrayku.

Génesis 17:20

Ismael wawaykimanta niwasqaykitapis uyariyki, paytapis bendicisaj. Paypis ashkha wawasniyoj kanqa, jinallataj miraynintapis ashkhayachisaj. Ismaelqa chunka iskayniyoj kurajkunaj tatanku kanqa, jinallataj paymanta ruwasaj uj jatun nacionta.

Génesis 17:16

Noqa bendicisqayki, uj wawatataj qosqayki paynejta. Arí, bendicisqayki. Pay kanqa ashkha nacionespa maman, paypa mirayninmanta kanqanku llajtaspa reyesnin.

Génesis 17:6

Mirayniykita ashkhata mirachisaj, qanmanta llojsenqanku reyes, naciones ima.

Hebreos 11:12

Chay jinamanta, uj runamanta wañusqa jina kajmantaña, patapi qoyllurkuna jina runa mirarqa, mar qocha cantompi t'iyu jinataj, mana yupay atina.

Génesis 16:10

Chaymanta Señorpa angelnin nillarqataj: Noqa mirayniykita ashkhayachisaj, nitaj pipis yupayta atenqachu.

Génesis 17:2

Noqataj qanwan ruwasaj uj tratota: Mirayniykita ashkhata mirachisaj.

2 Reyes 13:23

Paykunamantataj Señorqa khuyakorqa, khuyaqaspataj paykunata qhawarerqa, Abrahamwan, Isaacwan, Jacobwan ima uj tratota ruwasqanrayku, paypa ñaupaqenmanta manataj wijch'uyta, chinkachiytapis kunankama munarqachu.

2 Crónicas 1:9

Kunanqa Señor Diosníy, junt'ay ari imastachus tatayman nisqaykita. Qanllataj churawanki kay ñut'u jallp'a jina kay chhika aylluta kamachinaypaj.

Génesis 32:13

Chay ch'isi chaypi Jacob puñorqa, jinaspataj wauqen Esauman qonampaj ajllarqa imachá kapusqanmanta: Iskay pachaj cabrasta, iskay chunka chivostawan; iskay pachaj ovejasta, iskay chunka orqo ovejastawan; juch'uy uñasniyoj kinsa chunka camellosta, tawa chunka wakasta, chunka torostawan; iskay chunka china burrosta, chunka orqo burrostawan.

Job 5:25

Mirayniykeqa ashkhapuni kanqa, campospi pastos jina.