Génesis 12:10 - Qheshwa Biblia DC

¹⁰ Chay tiempopi uj jatun yarqhay karqa jaqay jallp'api. Chayrayku Abramqa Egiptoman riporqa pisi tiempota tiyarikoj. Imaraykuchus chay jallp'api, maypichus tiyakorqa chaypi, manapuni imapis mikhuykunampaj karqachu.

DIOSPA QHELQACHISQAN DEUTEROCANONICAL

¹⁰ Chaypacha Canaanpi yarqhay wata karqa. Chayrayku Abramqa Egiptoman tiyakoj yaykorqa, imaraykuchus tiyakusharqanku chaynejpi manapuni imapis mikhunankupaj karqachu.

DIOSPA QHELQACHISQ

¹⁰ Chaypacha Canaanpi yarqhay wata karqa. Chayrayku Abramqa Egiptoman tiyakoj yaykorqa, imaraykuchus tiyakusharqanku chaynejpi manapuni imapis mikhunankupaj karqachu.

Génesis 12:10 Referans Kwoze

Génesis 43:1

Yarqhayqa chay llajtapi sinch'iña, mana muchuy atina jinaña karqa.

Hechos 14:22

Chay llajtaspitaj creejkunata sonqocharqanku, creesqankupi sinch'ita sayanankupaj, nerqankutaj: Noqanchejqa tukuy imasta ñak'arinanchejpuni tiyan, Diospa reinonman yaykunanchejpaj.

Hechos 7:11

Chaypachataj yarqhay manchay llakiywan jamorqa Egiptoman, Canaanman ima. Ñaupa tatasninchejpis mikhunata mana tarerqankuchu.

San Juan 16:33

Kay tukuy imasta niykichej, noqapi sonqo tiyasqas kanaykichejpaj. Mundopeqa ñak'arinaykichej tiyan; chaywampis sonqochakuychej, imaraykuchus mundota noqa atipaniña.

Jeremías 14:1

Ch'aki watasrayku Señorqa Jeremiasman parlaykorqa, nerqataj: Judaqa llakiywan waqan, llajtasnenqa llakiypi kashanku, runasnenqa pampaspi mast'alla kashanku; Jerusalén nanaywan qhaparikun.

Salmos 107:34

Sumaj jallp'asta mana poqojman tukuchin, chaypi tiyakojkuna sajrata ruwasqankurayku.

Salmos 105:13

Paykunaqa nacionmanta nación purej kanku, llajtamanta llajtataj.

Salmos 34:19

Cheqan sonqoyoj runapaj tukuy llakiykuna jatarin, chaywampis Señorqa tukuy chay llakiykunamanta orqhon.

2 Reyes 6:25

Chay jinata muyuykojtinku Samaria llajta ukhupi manchay yarqhay karqa. Jinamanta burro umatapis pusaj chunka qolqewan ranterqanku, paloma wanumanta khuskan kaj librata phishqa qolqeswan rantej kanku.

2 Reyes 4:38

Jatun yarqhay kashajtin Eliseoqa Gilgalman kutimorqa. Profetastaj paywan kasharqanku. Kamachinmantaj nerqa: Churay uj jatun mankata, mikhuytataj profetaspaj wayk'uy.

2 Samuel 21:1

Davidpa tiemposnimpi kinsa wata junt'ata uj yarqhay karqa. Chaypacha Davidqa Señorta tapurerqa, Señortaj kuticherqa: Chay yarqhayqa jamun Saúl jinataj ayllumpis yawarta jich'asqankurayku, paykunaqa gabaonitasta wañuracherqanku.

Rut 1:1

Maypachachus jueces Israelta kamachishajtinku, uj yarqhay jamorqa tukuynin jallp'aman. Chaypacha Judapi Belenmanta uj runa Elimelec sutiyoj pisi tiempopaj tiyakapoj rerqa chay Moab jallp'aman. Payman rillarqataj warmin Noemí chantá iskaynin qhari wawasnin Mahlón jinataj Quelión ima. Tukuyninku Efrata jallp'amanta karqanku, chayri Belén llajtamanta karqa. Moab jallp'aman chayaspa chaypi tiyakapoj qhepakorqanku.

Génesis 47:13

Chay tukuynejpi trigoqa manapuni karqachu, yarqhaytaj astawan astawan yapakusharqa. Wakin Egiptomanta kajkuna, Canaanmanta kajkunapiwan wañuraporqanku chay jina yarqhaywan.

Génesis 42:5

Israelpa wawasnenqa rerqanku wajkuna risharqanku chaykunawan, imaraykuchus tukuynin Canaán jallp'apipis manapuni mikhuna karqachu.

Génesis 41:57

Tukuynin llajtasmanta Egiptoman jamoj kanku Josemanta trigota rantikoj, imaraykuchus manañapuni ni may llajtaspi imapis karqachu mikhunankupaj.

Génesis 41:56

Yarqhay tukuynej llajtaspi kajtintaj Joseqa, kicharerqa maykunapichus trigos jallch'asqas karqanku chaykunata egipciosman vendenampaj; imaraykuchus yarqhayqa astawan astawan yapakusharqa tukuynejpi.