Génesis 1:14 - Qheshwa Biblia DC

¹⁴ Chaymantá Dios nillarqataj: K'anchaykuna kachun cielopi, p'unchayta wajman, tutatataj wajman t'aqanampaj; jinallataj señal kanampaj tiempospaj, diaspaj, wataspajwan.

DIOSPA QHELQACHISQAN DEUTEROCANONICAL

¹⁴ Chaymanta Dios nerqa: Janajpi k'anchajkuna kachun, p'unchayta tutamanta t'aqananpaj, jinallataj pacha mit'ata, p'unchaykunata, watakunata ima t'aqananpaj.

DIOSPA QHELQACHISQ

¹⁴ Chaymanta Dios nerqa: Janajpi k'anchajkuna kachun, p'unchayta tutamanta t'aqananpaj, jinallataj pacha mit'ata, p'unchaykunata, watakunata ima t'aqananpaj.

Génesis 1:14 Referans Kwoze

Deuteronomio 4:19

Pajtataj janaj pachaman qhawaspa rikuwajchej, intita, killata, estrellasta, imaschus janaj pachapi kanku chaykunatawan. Ajinamanta pajtataj chaykunaman qonqorikuspa yupaychawajchej. Señor Diosniykichejqa chaykunasta ruwarqa kay pachapi kaj tukuy aylluspaj.

Jeremías 31:35

Pichus intita p'unchaynimpi k'anchanampaj churarqa, killata, ch'askastapis tutampi k'anchanankupaj churarqa. Mar qochatapis phiñarikojta, qhollchoqeyasqampis mayta mayta ch'ajwarejta churaj. Tukuy Atiyniyoj sutichasqa Señorqa chayta nin:

Salmos 148:3

Intipis, killapis, yupaychaychej. K'anchaj ch'askas yupaychaychej.

Salmos 148:6

Pay tukuy imasta churarqa wiñaypa wiñaynimpaj. Chaykunapajtaj kay kamachiyta qorqa mana p'akiy atinata.

Amós 5:8

Señormin chay chhika ashkha qoyllurkunata ruwajqa, tutatapis p'unchayman tukuchin, p'unchaytapis laqhaman tukuchin; Pay mar qochamanta yakutapis wajyaspa jallp'a pataman parachimun; Paymin jatuchaj perqasta urmachin, raqaymantaj tukuchin. Paypa sutenqa Señormin.

Joel 3:15

Inteqa, jinallataj killapis laqhayanku. Estrellaspa lliphipiyninkupis chinkapushan.

Jeremías 10:2

Señorqa nin: Ama waj nacionespa ruwasqasnillantataj ruwaychejchu, nillataj cielopi ima t'ukunas kajtin mancharikuychejchu, waj nacionespi jinaqa.

Salmos 81:3

Putututa waqachiychej mosoj killa chayamojtin, jinallatajpura kajtimpis, chay diaqa jatun p'unchayninchej.

Génesis 8:22

Jallp'a kanankama kallanqapuni chajras, cosechas; kallanqataj q'oñi, chiri, q'omer tiempo, chirawi tiempo; chantaqa p'unchay, tutapis.

Isaías 40:26

Patata cielota qhawariychej. Pitaj kay tukuy qoyllurkunata ruwarqa? Pichus chaykunata orqhomuspa yupan, tukuyninkutataj sutisninkumanta wajyan; mana ujta puchuchispa. Chay jinapuni kamachinampaj atiyninwan kallpanwanqa.

San Mateo 24:29

Ñak'ariy tiempo tukukojtintaj, inti laqhayaykaponqa; killapis manaña k'anchanqachu, qoyllurkunataj urmaramonqanku; janaj pacha atiykunataj kuyurenqanku.

Amós 8:9

Chay p'unchaytaj nin Señor Diosqa: Chaupi p'unchay kashajtin intita laqhaykuchimusaj, chay kikin p'unchayllataj jallp'ata laqhaykuchimusaj.

Joel 2:10

Jallp'a kharkatitin paykunaj ñaupaqempi. Janaj pachapis kuyurin. Intipis, jinallataj killapis laqhayaykunku. Qoyllurkunataj manaña k'anchankuchu.

Apocalipsis 6:12

Sojta kaj sellota kicharejtintaj, rikorqani manchay jallp'a ikhakuyta; intitaj yanayarqa uj qhashqa yana p'acha jina, killataj yawarman tukorqa.

San Mateo 2:2

Taporqankutaj: Maypitaj kashan judiospa reynin nacikojri? Kayta niyku, imaraykuchus ch'askanta rikuyku inti llojsimuynejpi. Chayrayku kayman jamuyku payta yupaychaj.

Ezequiel 46:1

Señorqa kay jinata nin: Ukhu patioj inti llojsimuynejpi kaj punkonqa, sojtantin llank'ana p'unchaykunapi wisq'asqa kanqa. Samakuna p'unchaypitaj kichakonqa. Mosoj killa rikhuriy p'unchaypipis kichakullanqataj.

Jeremías 33:25

Noqa Señor nini: P'unchaywan, ch'isiyaywampis noqa tratota ruwarqani, leykunata churarqani, janaj pachata, chanta kay pachatapis kamachinampaj.

Job 25:5

Diospa ñawinmantaqa ni killapis sumajta k'anchayta atinchu, nitaj qoyllurkunapis llimphus kayta atinkuchu.

Génesis 9:13

K'uychiyta churani phuyuspi, chaytaj kanqa señal tratota mundowan ruwasqaymanta.

Apocalipsis 8:12

Tawa kaj angeltaj trompetata waqacherqa. Intej kinsa kaj t'aqan, killaj kinsa kaj t'aqan, qoyllurkunajtapis kinsa kaj t'aqan wajtasqa karqa. Chayrayku p'unchaypa kinsa kaj t'aqan manaña k'ancharqachu, ajinallataj tutajtapis.

San Lucas 23:45

Intitaj laqhayaykorqa. Templopi cortina warkhusqapis iskayman llik'ikorqa.

Marcos 13:24

Chay ñak'ariy p'unchaykunaj qhepanta inti laqhayaykonqa, killapis manaña k'anchamonqachu.

Ezequiel 46:6

Mosoj killa rikhuriy punchaypitaj, tropa wakamantaqa uj uña wakata qonqa, chaytaj mana iman imanasqa kanan tiyan. Chantapis sojta corderosta, uj carnerotawan, chaykunapis mana iman imanasqas kananku tiyan.

Salmos 119:91

Qampa kamachisqasniykiman jina tukuy ima kunankama sayan, imaraykuchus tukuy ima kamachiykipaj kanku.

Job 25:3

Soldadosnenqa mana yupay atina, k'anchaynenqa tukuypaj k'anchamun.

Job 3:9

Chay paqarimpi sut'iyay qoyllurkunaqa mana k'anchanankuchu karqa; chay jina suyasqa k'anchayqa mana chayamunanchu karqa; sut'iyarpamuyta yurajyaytapis mana rikunanchu karqa.

Apocalipsis 9:2

Ukhu pacha pujyutataj kicharerqa, pujyoj q'osñintaj wicharimorqa uj jatun hornoj q'osñin jina. Intitaj, wayrapis laqhayaykorqa chay pujyoj q'osñinrayku.

Génesis 1:13

Ajina ch'isiyaywan sut'iyaywan kinsa kaj día karqa.

Génesis 1:15

K'anchaykuna kachun cielopi jallp'ata k'anchanampaj. Ajinataj karqa.

Salmos 150:1

Señorqa yupaychasqa kachun. Tantakuna wasipi Señorta yupaychaychej, k'achitu cielompi Diosta yupaychaychej.