Génesis 1:11 - Qheshwa Biblia DC

¹¹ Chantá Dios nillarqataj: Jallp'api tukuy laya q'omerkuna wiñachun: Mujoj qhoras, poqoj sach'as ima. Ajinataj karqa.

DIOSPA QHELQACHISQAN DEUTEROCANONICAL

¹¹ Chantá Dios nillarqataj: Jallp'api tukuy imaymana qhorakuna, sach'akuna wiñachunku: Mujuyoj qhorakuna, poqoj sach'akuna ima, nispa. Ajinataj karqa.

DIOSPA QHELQACHISQ

¹¹ Chantá Dios nillarqataj: Jallp'api tukuy imaymana qhorakuna, sach'akuna wiñachunku: Mujuyoj qhorakuna, poqoj sach'akuna ima, nispa. Ajinataj karqa.

Génesis 1:11 Referans Kwoze

Hebreos 6:7

Ashkha kutita para yakuta ch'onqaj jallp'aqa, allin qhorata poqon llank'ajkunapaj, Diospa yanapaynintataj jap'in.

Salmos 147:8

Payqa cielota phuyuswan junt'achin. Pay jallp'apaj parata wakichin. Pay orqospi qhorasta wiñachin.

Génesis 1:29

Chaymantá paykunaman nerqa: Qhawariychej, qankunaman qoykichej jallp'a patapi tukuy mujoj plantasta, tukuy sach'astawan. Chaykunataj mikhunaykichejpaj kanqa.

Génesis 2:9

Chay huertapi Señor Dios wiñacherqa tukuy laya sumaj poqoj sach'asta mikhunapaj. Huerta chaupitaj karqa kausay sach'a, wiñachillarqataj allin kajta mana allin kajta rejsina sach'atapis.

Marcos 4:28

Jallp'aqa kikinllamanta ñaupajta p'utumoj yurata wiñachin, qhepanta espigachin, chantá sumaj granota espigapi poqochin.

San Mateo 6:30

Chay campo qhora, kunan p'unchay kashan, q'ayataj hornoman wijch'usqa; chay qhoratapis Diosqa k'achituta p'achallichin. Pisi feniyoj runas! Manachu qankunapajqa aswan sumajtaraj ruwanman?

Job 28:5

Jallp'a patapeqa trigo poqon, chay jallp'a urapitaj nina jina kashan.

Salmos 1:3

Chay runaqa mayu cantopi kaj sach'a jina, tiempompi poqoj, laqhesnenqa q'omerllapuni, manataj q'elluyanchu. Tukuy ima ruwasqanqa allinman rin.

Santiago 3:12

Hermanosníy, atinmanchu higo sach'aqa aceitunasta poqoyta, chayrí uva sach'achu higosta poqoyta atinman? Ajinata manallataj atinmanchu uj juturillamanta llojsiyta k'ara yaku, misk'i yakuwan.

San Mateo 3:10

Ñapis hachaqa, sach'aspa saphinman churasqaña kashan. Tukuy mana allinta poqoj sach'ataj k'utusqa kanqa, ninamantaj kanasqa.

Jeremías 17:8

Chayqa mayu patapi sach'a jina kanqa, mayunnejman saphej, chayqa mana manchachikonqachu q'oñi tiempo jamojtin. Chay sach'aqa may q'omerllapuni kanqa. Ch'aki watas jamojtimpis mana qawenqachu, poqollanqapunitaj.

Génesis 2:16

Chaymanta Señor Diosqa kamacherqa runata: Huertapi tukuynin kaj sach'asmanta mikhullanki;

1 Corintios 15:38

Chaymantaj Dios qon imayna rijch'ayniyojchus kananta, munayninman jina. Sapa mujutataj imaynachus kasqanman tukuchin.

Génesis 1:12

Jallp'api wiñarqa tukuy laya q'omerkuna: Qhoras, mujojkuna, poqoj sach'as ima. Ajinataj karqa. Chayta Dios rikorqa sumaj kasqanta.

Isaías 61:11

Imaynatachus jallp'aqa plantasta wiñachin, jinallataj uj huertapis ima yurastapis mujuchin, ajinata Señorqa cheqan kajta rikhurichimonqa. Jinallataj Señorta yupaychanqanku tukuy nacionespis.