Gálatas 6:7 - Qheshwa Biblia DC

⁷ Ama ch'aukiyakuychejchu; Dioswanqa mana pujllakuy kanchu; chayrayku runa imatachus tarpun, chayllatataj oqharenqa.

DIOSPA QHELQACHISQAN DEUTEROCANONICAL

⁷ Ama qankuna kikiykichej q'otiyakuychejchu. Dioswanqa mana pipis pujllakunmanchu, imaraykuchus imatachus tarpunchej, chayllatataj oqharisunchej.

DIOSPA QHELQACHISQ

⁷ Ama qankuna kikiykichej q'otiyakuychejchu. Dioswanqa mana pipis pujllakunmanchu, imaraykuchus imatachus tarpunchej, chayllatataj oqharisunchej.

Quechua South Bolivia: Dios Parlapawanchej

⁷ Ama pantaychejchu. Dioswanka ni pipis pujllacunchu. Imatachá runa tarpun chayllatataj ruthonka.

Gálatas 6:7 Referans Kwoze

2 Corintios 9:6

Kayta niykichej: Pichus pisita tarpojqa, pisillatataj oqharenqa; pichus ashkhata tarpojqa, ashkhallatataj oqharenqa.

Oseas 10:12

Paykunaman nerqani: Allin cheqa kajta tarpuychej, munakuy cosechata oqhariychej. Wakichiychej jallp'ata watejmanta tarpunaykichejpaj, imaraykuchus Señorta mask'ana tiempoña, pay jamunankama apamuspa qankunaman salvacionmanta parata.

Job 4:8

Noqaqa rikuspa parlani, pikunachus sajrata llank'ajkuna llakiyta tarpojkunaqa, chayllatataj pallarikapunku.

1 Corintios 15:33

Ama ch'aukiyachikuychejchu. Sajra parlajkunawan puriy allin yachasqa ruwaykunata chinkachin.

Proverbios 11:18

Juchasapa runaqa uj ch'aukiyay pagota jap'in; pichis cheqan kajta ruwajqa sumaj t'inkata jap'enqa.

Proverbios 1:31

Mana kasukusqaykichejrayku ñak'arinkichej, sajra ruwayta yuyasqaykichejwan amichikunkichej.

Efesios 5:6

Ama piwampis qhasi mana kaj palabraswan ch'aukiyachikuychejchu, imaraykuchus kay imasrayku Diospa k'ajaj phiñakuynin jamun mana kasukojkunaj patanman.

Oseas 8:7

Paykunaqa wayrasta tarporqanku, oqharerqankutaj sinch'i muyoj wayrata. Mana kanqachu cosechanankupaj jina chajrasninkupis nitaj jak'utapis orqhoyta atenqankuchu trigoj espigasninmanta; sichus orqhonkuman chaypis waj llajtasniyojlla mikhukaponqanku.

1 Corintios 6:9

Manachu yachankichej mana cheqa kajta ruwajkuna, Diospa reinonta chayaqepaj mana jap'inankuta? Ama pantaychejchu, millayta purejkuna, lantista yupaychajkuna, qhenchachakojkuna, qhari kashaspa warmiman rijch'akojkuna, qharipura kakojkuna, ajinallataj suwaspis, mich'aspis, machajkunapis, maldicejkunapis, nitaj ch'aukiyajkunapis Diospa reinontaqa chayaqepaj jap'enqankuchu.

Proverbios 6:14

Sonqompeqa sajra kaylla junt'a, tukuy tiempopi sajra kayllapipuni yuyan, sajra kayllatapuni tarpun.

Job 15:31

Ama wampu jina ch'aukiyaypi atienikuchunchu, mana atenqachu munasqanta jap'iyta manachayqa ch'aukiyachikuyllata.

San Lucas 16:25

Abrahamtaj nerqa: Yuyarikuy wawáy, kausashaspa allin imasta jap'isqaykita. Lazarorí mana walejpichu karqa. Chaynejta kunanqa sonqochasqa kashan, qantaj ñak'arishanki.

Santiago 1:22

Diospa palabrantaqa ama uyarillaychejchu, astawanqa junt'aychej; manachayqa qankuna kikiykichej ch'aukiyakunkichej.

1 Juan 3:7

Wawitasníy, ama piwampis ch'aukiyachikuychejchu. Pichus cheqan kajta ruwajqa, cheqan runa; imaynatachus Jesucristopis cheqan, ajina.

Abdías 1:3

Chay wapuykachasqayki ch'aukiyasorqa kausanki chhanka k'ajlluspi tiyakunkitaj pata patasnimpi. Chayrayku creerqanki mana pipis urmachinasunta.

Gálatas 6:3

Pipis ima kasqanta yuyakun chayqa, mana imapis kashaspa, pay kikinta ch'aukiyakun.

Santiago 1:26

Pichus qankunamanta Diosta yupaychasqanta yuyanman, manataj siminta wisq'anchu chayqa, pay kikin sonqonta ch'aukiyan, Diosta yupaychasqantaj qhasi mana kaj.

1 Corintios 3:18

Amataj qan kikiykita ch'aukiyakuychu; pillapis kay pachapi qankuna ukhupi yuyanman yachayniyoj kasqanta chayqa, mana yachayniyojman tukuchun, cheqamanta yachayniyoj kanampaj.

1 Juan 1:8

Mana juchayojchu kanchej nisunman chayqa, noqallanchejtaj ch'aukiyakunchej. Cheqa kajtaj mana noqanchejpichu kashan.

San Lucas 21:8

Jesustaj nerqa: Allinta qhawakuychej, amataj ch'aukiyachikuychejchu, imaraykuchus ashkhas sutiypi jamonqanku, noqa Cristo kani, nispa. Kunanqa tiempoman qayllaña. Ama ari, qhepankuta riychejchu.

Judas 1:18

Paykuna nisorqachej: Qhepa p'unchaykunapi asipayajkuna jamonqanku, sajra munayninkuman jinataj purenqanku.

Proverbios 6:19

llulla sut'inchajpa llullakusqasninta, hermanos ukhupi maqanachiyta munajta.

2 Tesalonicenses 2:3

Ama piwampis, ni imaynamanta ch'aukiyachikuychejchu, imaraykuchus ñaupajta femanta t'aqakuyraj jamunan tiyan; chay qhepatataj juchallikoj runa rikhurimonqa, wañuypaj t'aqasqa runa.

Jeremías 37:9

Noqa Señor k'amiykichej: Ama qhasita yuyakuychejchu, nitaj creekuychejchu chaymanta caldeos jataripunankutaqa, imaraykuchus manamin chay yuyasqaykichej jinachu kanqa.

Oseas 10:13

Qankunaqa tarporqankichej juchallata, oqharerqankichejpis sajra kajllata, mikhorqankichejtaj llulla poqoykunasllata. Guerrapaj t'aqasqa kaj carrosniykipi, jinataj chay may chhika guerrapi maqanakojkunaykipitaj confiakusqaykirayku,