Gálatas 6:3 - Qheshwa Biblia DC

³ Pipis ima kasqanta yuyakun chayqa, mana imapis kashaspa, pay kikinta ch'aukiyakun.

DIOSPA QHELQACHISQAN DEUTEROCANONICAL

³ Sichus ujkunata yanapanaykipaj aswan kasqaykita yuyakunki chayqa, qan kikiykita q'otiyakushanki.

DIOSPA QHELQACHISQ

³ Sichus ujkunata yanapanaykipaj aswan kasqaykita yuyakunki chayqa, qan kikiykita q'otiyakushanki.

Quechua South Bolivia: Dios Parlapawanchej

³ Pichari mana cashaspalla jatunpaj khawacunman chayka, chay runa pantacun.

Gálatas 6:3 Referans Kwoze

Proverbios 26:12

Yachayniyojman tukoj runamantaqa ni imata tarinchejchu, paymanta nisqaqa wampu runapiraj tarikunmampis.

1 Corintios 3:18

Amataj qan kikiykita ch'aukiyakuychu; pillapis kay pachapi qankuna ukhupi yuyanman yachayniyoj kasqanta chayqa, mana yachayniyojman tukuchun, cheqamanta yachayniyoj kanampaj.

1 Corintios 8:2

Pillapis yuyanman imatapis yachasqanta chayqa, manaraj imatapis yachanchu, imaynatachus yachananta.

Romanos 12:3

Dios khuyakuyninta qowasqanrayku, sapa ujniykichejman niykichej, ama qankuna kikiykichejmanta astawan kasqaykichejta yuyakunaykichejpaj. Manachayqa sapa uj pay kikinmanta maychus kajta yuyachun, Dios sapa ujman fewan qosqanman jina.

2 Corintios 3:5

Manataj noqaykoj yachayniykumantachu jamun, imatapis yuyanaykupaj kikin noqaykojtapis kanman jina; astawanqa yachayniyku Diosmanta jamun.

1 Corintios 13:2

Diospa palabrantachus sut'ichayman, yachaymantaj tukuy pakasqa yachaykunata, tukuy kay pacha imasmantawan; feniytaj kapuwanman orqosta ithirichinaypaj jina, manataj munakuyniy kapuwanmanchu chayqa, mana imachu kani.

1 Juan 1:8

Mana juchayojchu kanchej nisunman chayqa, noqallanchejtaj ch'aukiyakunchej. Cheqa kajtaj mana noqanchejpichu kashan.

Romanos 12:16

Uj sonqolla kaychej qankuna ukhupi; ama jatunchakuspa llamp'u sonqo kajkunawan kausakuychej. Amataj qankunaj yuyayniykichejpi yachaysapas kaychejchu.

San Lucas 18:11

Fariseo kajqa, sayaykuspa payllapaj mañakusharqa: Diosníy, graciasta qoyki. Mana wakinkuna jina suwachu, sajrachu, qhenchachu, nitaj kay impuestero jinachu kani, nispa.

Santiago 1:22

Diospa palabrantaqa ama uyarillaychejchu, astawanqa junt'aychej; manachayqa qankuna kikiykichej ch'aukiyakunkichej.

Proverbios 25:14

Phuyuwan wayrallawan, manataj paramunchu, ajinallataj alabakoj runaqa, nitaj imatapis qoyta yachanchu chayqa.

Santiago 1:26

Pichus qankunamanta Diosta yupaychasqanta yuyanman, manataj siminta wisq'anchu chayqa, pay kikin sonqonta ch'aukiyan, Diosta yupaychasqantaj qhasi mana kaj.

2 Timoteo 3:13

Sajra runas ch'aukiyajkunapis, sajra kasqankumanta, astawan sajrayanqanku, pantaspa, pantachispataj.

2 Corintios 12:11

Loco jina karqani, chaytarí qankunallataj ruwachiwarqankichej. Astawanqa qankunamanta alabasqa kanay karqa. Noqaqa mana imapipis pisichu karqani, chay jatuchaj apostolesmanta nisqaqa; manapis jinachu kani.

Gálatas 2:6

Kurajkunapaj qhawasqa karqanku chaykunaqa, mana ima mosojtapis willarqaykuchu; imaraykuchus ñaupajta imaynachus karqanku chaymanta mana ima ruwanay tiyanchu, Diosqa mana runaj rijch'aynintachu qhawan.

Hechos 5:36

Yuyariychej imaynatachus kay ñaupaj p'unchaykunapi, uj Teudas nisqa rikhurimusqanta. Payqa yuyakorqa may atiyniyoj kasqanta. Chayraykutaj payta kasuspa tawa pachaj jina runas qhaterqanku. Teudasta wañuchejtinkutaj tukuy payta qhatejkuna ch'eqerarqanku, tukuy imastaj chinkaporqa.

Gálatas 2:9

Chayrayku kurajkuna, Santiago, Pedro, Juan ima, noqaman Bernabemanwan willana qosqa kasqanta yachaspa, paña makinkuta jaywawarqayku uj yuyaylla kanaykupaj, noqayku gentilesman evangeliota willaj rinaykupaj, paykunataj judiosman.