Gálatas 6:14 - Qheshwa Biblia DC

¹⁴ Noqaqa Señorninchej Jesucristoj cruznillampi kusikuni. Paynejta noqapajqa mundo chakatasqa karqa, noqataj mundopaj.

DIOSPA QHELQACHISQAN DEUTEROCANONICAL

¹⁴ Noqarí Tukuyta Kamachej Jesucristo cruzpi wañusqallanmanta jatunchakuni. Ajinamanta Diosman mana kutirikojkuna imatachus aswanpaj qhawanku, chaypaj wañuni Cristoj wañusqannejta. Jinallataj runa imatachus noqamanta yuyasqan mana jamuwanchu nitaj riwanchu. Paykunapajpis wañusqa jinallataj kani.

DIOSPA QHELQACHISQ

¹⁴ Noqarí Tukuyta Kamachej Jesucristo cruzpi wañusqallanmanta jatunchakuni. Ajinamanta Diosman mana kutirikojkuna imatachus aswanpaj qhawanku, chaypaj wañuni Cristoj wañusqannejta. Jinallataj runa imatachus noqamanta yuyasqan mana jamuwanchu nitaj riwanchu. Paykunapajpis wañusqa jinallataj kani.

Quechua South Bolivia: Dios Parlapawanchej

¹⁴ Nokaj cusiyniyrí Señorninchej Jesucristo nokanchejpaj chacataska caskallanmin cachun. Paypa wañuskannejta cay pacha sajra munaycunaka nokapaj wañuchiskasña cancu. Nokapis chacataskajina cani t'akaskañataj sajra munaycunamantaka.

Gálatas 6:14 Referans Kwoze

Romanos 6:6

Yachanchej mauk'a runanchejqa paywan khuska chakatasqa kasqanta, juchallikoj aychanchej wañunampaj, amañataj astawan juchata kasunanchejpaj.

Gálatas 2:20

Cristowan khuska chakatasqa karqani, manataj noqañachu kausani, manachayqa Cristo kausan noqapi. Kunan aychapi kausashaspapis, Diospa Churimpi creesqayrayku kausashani. Pay munakuwarqa, pay kikintaj wañorqa noqarayku.

1 Corintios 2:2

Mana imatapis yachayta munarqanichu, qankunawan kashaspaqa; astawanqa Jesucristo chakatasqa kasqallanmanta.

Filipenses 3:3

Noqanchejqa cheqamanta circuncisionmanta kanchej, imaraykuchus Diosta yupaychanchej Espirituman jina; kusikunchejtaj Cristo Jesuspi kasqanchejmanta, manataj chay circuncisionkunaspichu confianchej.

Romanos 1:16

Mana p'enqakunichu evangeliomanta, imaraykuchus evangelioqa Diospa atiynin tukuy creejkunata salvanampaj; ñaupajta judiosta, chaymantataj griegosta.

Gálatas 5:24

Cristojta kajkunaqa aychata chakatanku, sajra munayninkuta, munapayayninkutawan khuska.

1 Corintios 3:21

Chayrayku ama pipis runamantaqa may yuyayniyoj kasqanta yuyakuchunchu, imaraykuchus tukuy ima qankunajta: Pablo kachun, Apolos kachun, Cefas kachun, kay mundo kachun, kausay kachun, wañuy kachun, kunan p'unchaypis kachun, jamoj p'unchaypis kachun, tukuy chaykunaqa qankunajta.

1 Corintios 15:58

Ajina ari, munasqa hermanosníy, sinch'ita sayaychej ama kuyurispa, wiñaspapuni Señorpa ruwaynimpi, yachaspa Señorpa sutimpi llank'asqaykichejqa, mana qhasipajchu kasqanta.

Salmos 49:6

Paykuna qhapaj kayninkupi atienekunku, ashkha kapuyninkumantataj alabakunku.

Gálatas 1:4

Pay kikin wañorqa juchasninchejrayku, kay sajra p'unchaykunamanta kacharichinawanchejpaj, Dios Tatanchejpa munayninman jina.

1 Corintios 1:23

Noqaykutaj willayku Cristo chakatasqa kasqanmanta. Judiospajtaj kay willaykunaqa uj misk'ay jina, gentilespajtaj locoyasqa yachachiykuna jina karqa.

Romanos 6:2

Chayqa mana jinachu. Juchapajqa wañorqanchejña. Imaynatataj juchallapipuni kausasunri?

2 Corintios 11:12

Chaywampis, imatachus kunan ruwasqaytaqa ruwallasajpuni, manataj saqesajchu chay ujkuna jatunchakunankuta; imaraykuchus paykuna mask'ashanku noqaykuman rijch'akuyta.

Salmos 52:1

Imaraykutaj sajra kayniykimanta jatunchakunki, atiyniyoj runa? Diospa khuyakuynenqa kallampuni.

San Lucas 20:16

Jamonqa ari, wañurkachenqataj chay llank'ajkunata. Jallp'antataj waj llank'ajkunaman qonqa. Chayta uyarispataj nerqanku: Ama chaytaqa Dios munallachumpischu!

Gálatas 2:17

Cristopi mana juchayojpaj rejsisqa kayta mask'ashaspachus, noqaykupis juchayoj tarisqas kaykuman chayqa, chaychu niyta munan Cristoqa juchata ruwachisqanta? Chayqa mana jinachu.

Gálatas 2:19

Noqaqa leynejta leypaj wañusqa kani, Diospaj kausanaypaj.

Gálatas 3:21

Moisespa leynenqa Diospa qosqayki nisqampa contranchu? Chayqa mana jinachu; leyqa kausachinampaj qosqa kanman karqa chayqa, cheqan kayqa, cheqamanta leynejta kanman karqa.

Filipenses 3:18

Ña niykichejña ashkha kutista. Kunampis waqayniywan nillaykichejtaj Cristoj cruznimpa enemigosnin ashkhas kasqankuta.

Colosenses 2:20

Qankuna Cristowan wañorqankichejña, kay pachapi runakunaj yachachiyninta qhechuspa. Imaraykutaj chantá, mundojtapis kawajchej jina kamachisqasninta kasunkichejri?