Gálatas 6:10 - Qheshwa Biblia DC

¹⁰ Chayrayku sapa kuti atisqanchejman jina tukuypaj allinta ruwana, astawanqa fepi hermanosninchejpaj.

DIOSPA QHELQACHISQAN DEUTEROCANONICAL

¹⁰ Chayrayku atikushajtenqa, tukuypaj allinta ruwana, astawanqa Jesucristota qhatikoj masinchejkunapaj.

DIOSPA QHELQACHISQ

¹⁰ Chayrayku atikushajtenqa, tukuypaj allinta ruwana, astawanqa Jesucristota qhatikoj masinchejkunapaj.

Quechua South Bolivia: Dios Parlapawanchej

¹⁰ Chayraycu atishaspaka tucuy runaman allin cajtapuni ruwanachej astawanka Cristopi jap'icoj hermanosninchejman.

Gálatas 6:10 Referans Kwoze

Hebreos 13:16

Amataj qonqaychejchu allin kajta ruwayta, yanapanakuyta ima. Diosqa chay jina rikuchikusta munan.

Proverbios 3:27

Pichus imata khuyakunaykita mañakusojtenqa ama qhesachaychu, ruwanaykipaj jina kashajtenqa.

1 Tesalonicenses 5:15

Ama pipis sajrata ruwajman, sajrallatataj kutichichunchu; astawanqa, allin kajllatapuni qhatiychej, qankuna ukhupi, wajkuna ukhupipis.

Tito 3:8

Palabraqa cheqamin. Munanitaj ashkha kutita willanaykita Diospi creejkunaqa allin kajta ruwanankuta. Kay imasqa sumaj, allinmin ruwanankupaj.

San Mateo 25:40

Reytaj paykunaman kutichenqa: Cheqamanta niykichej, imallatapis chay juch'uy ujnin kaj wauqeypaj ruwarqankichej chayqa; noqa kikiypaj ruwarqankichej.

Hebreos 6:10

Diosqa cheqan kaspa, mana qonqapunchu ruwasqasniykichejmanta, munakuyta rikuchisqaykichejmanta sutinrayku. Qankunaqa ajllasqasta yanaparqankichej, kunampis yanapashallankichejpuni.

Efesios 2:19

Ajinapi manaña waj llajtayoj jinachu kankichej, nitaj wajyarisqa jinachu; manachayqa uj llajtayojllaña kankichej ajllasqaswan, Diospa wasimpitaj wawasnin kankichej.

San Juan 12:35

Chantá paykunaman kuticherqa: Pisi p'unchaytawanraj k'anchayqa qankunawan kashan. K'anchaypi puriychej, laqha ama taripasunaykichejpaj; laqhapi purejqa, mana yachanchu maymanchus rishasqanta.

San Lucas 6:35

Enemigosniykichejta munakuychej ari allinta ruwaspa; mañaychejtaj mana imata paykunamanta suyaspa; jinamanta jatun t'inkaykichejqa kanqa. Chaymantataj janaj pachapi kaj Diospa wawasnin kankichej. Payqa khuyan mana yuyarikojkunata, sajra sonqoyojkunata ima.

Salmos 37:3

Señorpa atienekuy, allin kajtataj ruway. Kay jallp'api kausakuy, sonqo junt'asqataj tiyakuy.

San Juan 9:4

P'unchayraj kashajtin, kachamuwajniypa ruwanasninta ruwanaypuni tiyan; tutaqa chayamushanña, chaypachataj ni pi llank'ayta atenqachu.

Tito 2:14

Pay kikin noqanchejrayku wañuyman rerqa, sajra kajmanta kacharichinawanchejpaj, llimphuchawanchejtaj paypa ayllun kananchejpaj, k'uchita tukuy imata allinta ruwanachejpaj.

Filipenses 4:10

Anchatapuni kusikorqani Señorpi, qankuna ujtawan noqamanta yuyarikuwasqaykichejmanta. Chayta qankuna munasharqankichejpuni, manataj imaynamanta aterqankichejchu yanapawayta.

San Mateo 12:50

Pichus janaj pachapi kashaj Tataypa munayninta ruwajmari, wauqeytaj, panaytaj, mamaytaj.

3 Juan 1:11

Munasqa hermano, ama sajra kajtaqa yachaqakuychu, astawanqa cheqa kajllata. Cheqa kajta ruwajqa, Diosmanta. Pichus sajrata ruwajrí, Diosta mana rejsinchu.

Colosenses 4:5

Allin yachaywan puriychej mana creejkunawan, ama tiempota usuchispa.

Efesios 5:16

Tiempota kashajtinrajqa allin kajta ruwaychej, imaraykuchus kunan p'unchaykunaqa mana allinchu.

1 Juan 5:1

Pillapis Jesusqa Cristo kasqanta creen chayqa, Diospa wawan. Pillapis tatanta munakojqa, wawantapis munakullantaj.

Salmos 37:27

Sajra kajmanta karunchakuy, allin kajtataj ruway, wiñaypajtaj uj cheqapi tiyakunki.

Hebreos 3:6

Cristoqa, Churi jina wasimpi churasqa; chay wasirí noqanchej kanchej, sitajchus tukukuykama creesunchej, suyaspa kusikuynintataj sinch'ita jap'isunchej, chayqa.

Marcos 3:4

Chaymanta runasta taporqa: Atikunchu samakuna diapi allin kajta ruway, chayrí sajra kajtachu? Runaj kausayninta salvaychu, chayrí wañupojta saqeychu? Paykunataj ch'inlla karqanku.

Efesios 3:15

Tukuy ayllu paymanta jap'in sutita janaj pachapi jinallataj kay pachapipis.

San Mateo 5:43

Uyarerqankichej nisqa kasqanta: Runa masiykita munakunki, enemigosniykitataj chejninki.

Eclesiastés 9:10

Imaschus ruwanaykipaj jina chaykunata, kallpaykiman jina ruway; imaraykuchus wañuspa maymanchus rinki chaypeqa manaña ima ruwanapis kanchu, ni yuyanapis, ni yachana, nitaj yachaypis.

San Mateo 10:25

Yachakojpajqa walej, yachachejnin jina kanan. Kamachipajpis patronnin jina kanan. Wasiyojtachus Beelzebuta suticharqanku chayqa, imatarajchus sutichanqanku wasimpi kajkunataqa.

Eclesiastés 3:12

Noqaj unanchasqayman jina, runapaj aswan allin kanman kusikunan, kausaynimpitaj aswan allin imasta ruwanan.

Hechos 6:7

Ajinamanta Diospa palabran wiñasharqa, yachachisqastaj maytapuni ashkhayarqanku Jerusalén llajtapi.

Gálatas 1:23

Paykunaqa uyarillaj kanku: Jaqay pichus ñaupajta qhatiykachawaj kanchej tukuchiyta munaspa, chay, kunanqa femanta willashan, nispa.

Efesios 4:28

Pichus suwajqa, amaña suwachunchu; manachayqa makinwan allin kajta llank'achun, mana kapuyniyojman imachus pisisqanta qonampaj.

1 Tesalonicenses 5:21

Sumajta tukuy imata qhawaychej, allin kaywantaj kakuychej.

1 Pedro 2:5

Qankunapis kausaj rumis jina, Espiritupi uj templo jina ruwasqas kankichej, ajllasqa sacerdotes kanaykichejpaj; Jesucristonejta Diosman Espiritupi allin kaj jaywanasta jaywanaykichejpaj.

1 Pedro 4:17

P'unchay chayamunña. Juiciotaj Diospa wasinmanta qallarikunan tiyan. Juiciochus noqanchejmanta qallarikonqa chayqa, Diospa evangelionta mana kasojkuna, imapitaj tukukonqankuri?

3 Juan 1:3

Maytapuni kusikorqani, maypachachus hermanos jamuspa willawarqanku allinta kausakusqaykita, cheqapitaj purishasqaykita.

3 Juan 1:10

Chayrayku noqa jamusaj chayqa, payta k'amisaj tukuy ruwasqasninmanta; noqaykupaj sajrata, llullatataj parlasqanmanta. Manataj chayllatachu ruwan, astawanqa chayamoj hermanosta mana wajyariyta munanchu. Wajyariyta munajkunatapis manallataj saqenchu; wajyarejkunatapis iglesiamanta qharqon.

2 Corintios 2:8

Chayrayku mañakuykichej, watejmanta paypaj munakuyniykichej kasqanta rikuchiychej.