Gálatas 6:1 - Qheshwa Biblia DC

¹ Hermanos, sichus qankunamanta pipis juchaman urman chayqa, qankuna Espirituman jina purejkunaqa khuyakuywan yanapaychej, ujtawan sayarinampaj. Sapa uj qhawakuchun, ama juchaman urmanampaj.

DIOSPA QHELQACHISQAN DEUTEROCANONICAL

¹ Wawqe panakuna, sichus pitapis juchallisqanta reparankichej chayqa, qankuna Santo Espirituta kasuspa purejkuna llamp'u sonqowan payta yanapaychej cheqan ñanman kutirinanpaj. Chaywanpis allinta qhawarikuychej, ama pay jinallataj juchallishanaykichejpaj.

DIOSPA QHELQACHISQ

¹ Wawqe panakuna, sichus pitapis juchallisqanta reparankichej chayqa, qankuna Santo Espirituta kasuspa purejkuna llamp'u sonqowan payta yanapaychej cheqan ñanman kutirinanpaj. Chaywanpis allinta qhawarikuychej, ama pay jinallataj juchallishanaykichejpaj.

Quechua South Bolivia: Dios Parlapawanchej

¹ Hermanosníy, Cristopi uj hermano mana yuyayllamanta juchallicunman chayka, Santo Espíritoj munayninmanjina causacojcuna yanapaspa payta cheka cajman cutichiychej. Chaytarí ruwanayquichej qhuyacoj, llamp'u sonkowan. Kan quiquiyquitataj khawacuy pajtataj kanpis juchallicushallawajtaj.

Gálatas 6:1 Referans Kwoze

Romanos 15:1

Fepi kallpayojkunaqa, pisi kallpayojkunaj llakiyninta apaysina, ama noqallanchejqa allimpi kanachu.

2 Tesalonicenses 3:15

Chaywampis, paytaqa ama enemigopaj jap'iychejchu, astawanqa hermanota jina k'amiykuychej.

2 Timoteo 2:25

Llamp'u sonqowan k'amichun contrampi sayaykukojkunatapis. Ichapis chay jinamanta Diosman kutirikunkuman, cheqan kajta rejsinankupaj.

1 Juan 5:16

Pillapis wauqenta rikunman mana wañuyman apaj juchawan juchallejta chayqa, Diosmanta paypaj mañapuchun. Diostaj payman kausayta qonqa. Kayta nini mana wañuyman apaj juchawan juchallejkunapaj. Tiyallantaj wañuyman apaj juchapis. Mana ninichu Diosmanta mañanata chay juchawan kajpaj.

2 Corintios 2:7

Astawanqa qankuna allinta ruwaspa juchanta perdonaychej, sonqochaychejtaj; imaraykuchus chay juchayojqa anchata llakikuspa wañushanmampis.

Hebreos 12:13

Ñankunasniykichejta cheqanchaychej, cojos ama misk'anankupaj, astawanqa thañikapunankupaj.

1 Pedro 3:15

Astawanqa Cristo Señorta yupaychaychej sonqoykichejpi. Wakichisqapuni kaychej, suyayniykichejmanta yachayta munajkunaman, llamp'u sonqowan, mana phiñakuspa, maychus kajta kutichinaykichejpaj.

Romanos 14:1

Fepi pisi kallpayojtaqa wajyakuychej, amataj iskayrayana yuyaykunamantaqa churanakuychejchu.

Ezequiel 34:16

Chinkasqasta noqa mask'amusaj. Ch'eqerasqasta tropanman kutirichimusaj. Chakin p'akisqata trapowan mayt'uykusaj. Tulluyajkunata kallpacharisaj. Kallpayojkunata, wira kajkunatataj allinnimpaj qhawasaj. Maychus kajta noqa qhawasaj.

1 Corintios 10:12

Ajinaqa, pichus sinch'i sayasqanta yuyakojqa, allinta qhawakuchun ama urmanampaj.

1 Corintios 4:21

Imatataj munankichej? Chicotewanchu jasut'inaypaj, chayri munakuywanchu, llamp'u sonqowanchu jamunayta munankichej?

Santiago 3:2

Tukuyninchej ashkha kutita pantanchej. Pichus mana pantanchu parlasqampi chayqa, chaymá sumaj runaqa. Paytaj atinman tukuy cuerponwan kasuchikuyta.

2 Corintios 10:1

Noqa Pablo willaykichej, Cristoj k'acha misk'i sonqonrayku. Qankunawan kashaspaqa k'umuykukoj kani, qankunamanta karupi kashaspataj phiña sonqo kani.

San Mateo 9:13

Rispa yachamuychej, imatachus kay niyta munasqanta: Khuyakuyta munani, mana uywa wañuchisqatachu. Chayrayku, mana cheqanta kausajkunatachu mask'aj jamuni; astawanqa juchasapasllata.

1 Corintios 14:37

Mayqenchus yuyanman Diospa sut'inchajnin kasqanta, chayrí Espirituman jina kasqanta, allinta yachachun, kay escribimusqayqa Señorpa kamachisqasnin kasqanta.

1 Corintios 7:5

Chayrayku ama qankunaqa mana nispa ninakuychejchu. Astawanqa pisi tiempollapaj saqeychej, qhari warmi parlarikuspa, Diosmanta mañakunaykichejpaj. Chaymanta watejmanta tantakapullaychejtaj, ama Supay urmachinasuykichejpaj, mana kakuyta atisqaykichejrayku.

1 Corintios 2:15

Pichus Espirituman jina kajqa, atin juzgayta tukuy imata; manataj paytaqa pipis juzgayta atinmanchu.

Romanos 8:6

Aychata kasoyqa wañuy; Espirituta kasuytaj kausay, sonqo tiyakuytaj.

San Mateo 11:29

Yugoyta apaychej, yachakuychejtaj noqamanta. Noqaqa k'acha, llamp'u sonqotaj kani, almasniykichejpajtaj samakuyta tarinkichej.

Santiago 3:13

Qankunamanta mayqellampis yachayniyoj kanman chayqa, rikuchichun sumaj kausayninta, llamp'u sonqowan yachayninman jina.

Hebreos 13:3

Presosmanta yuyarikuychej, paykunawan khuskapis presochasqas kawajchej jina, jasut'isqasmantapis imaraykuchus qankunapis cuerpoyoj kankichej.

2 Samuel 11:2

Uj tardepirí, Davidqa camapi samakusqanmanta jatarikuspa palacio wasi patasnimpi puriyachashaspa, rikorqa uj may k'achita warmita yakuwan mayllarikushajta.

1 Corintios 3:1

Noqataj, hermanos, mana aterqanichu qankunaman parlapayayta Espiritupi kajkunaman jina, astawanqa aychamanta kajkunaman jina parlarqaykichej, Cristopi wawasman jina.

San Mateo 26:75

Chantá Pedro yuyarikorqa Jesús nisqanmanta: Manaraj gallo waqayta, kinsa kutita, mana rejsinichu niwanki. Jawaman llojsispataj sonqo nanayta waqarqa.

San Mateo 26:69

Pedro jawa patiopi tiyasharqa; uj sipas kamachitaj payman qayllaykuspa, nerqa: Qampis Galilea llajtayoj Jesuswan purej kanki.

Salmos 141:5

Cheqan runaj jasut'iwasqanqa allimpaj kanqa, k'amiwasqanqa k'acha q'apaj jampi jina kanqa. Chaykunata mana noqaqa qhesachanichu. Jasut'iwajtinkupis chay runaspajqa Diosmanta mañapullasajpuni.

Gálatas 6:18

Hermanos, Señorninchej Jesucristoj khuyakuynin qankunawan kachun. Amén.

1 Tesalonicenses 4:1

Kay qhepantataj hermanos, qankunamanta mañakuyku, umachaykutaj Señor Jesuspi, imaynatachus noqaykumanta yachachisqas karqankichej, ajinata purinaykichejta, Diosta kusichispa, astawan astawantaj wiñaspa.

2 Corintios 2:8

Chayrayku mañakuykichej, watejmanta paypaj munakuyniykichej kasqanta rikuchiychej.