Gálatas 3:29 - Qheshwa Biblia DC

²⁹ Sichus qankuna Cristojta kankichej chayqa, cheqamanta Abrahampa miraynin kankichej, chayaqetataj jap'inkichej Diospa qosaj nisqanman jina.

DIOSPA QHELQACHISQAN DEUTEROCANONICAL

²⁹ Jinallataj sichus qankuna Cristojta kankichej chayqa, cheqapuni Abrahampa mirayninmanta kankichej, Diospa nisqanman jinataj chayaqeta jap'ejkuna.

DIOSPA QHELQACHISQ

²⁹ Jinallataj sichus qankuna Cristojta kankichej chayqa, cheqapuni Abrahampa mirayninmanta kankichej, Diospa nisqanman jinataj chayaqeta jap'ejkuna.

Quechua South Bolivia: Dios Parlapawanchej

²⁹ Cristojta canquichej chayka, Abrahamjina chekan runaspaj khawaskas canquichej. Diospa sumaj niskannejtataj kancunapis Abrahamjina paymanta wiñay causayta jap'inquichej.

Gálatas 3:29 Referans Kwoze

Efesios 3:6

Gentilkunaqa, chay kikin chayaqellatataj jap'enqanku judioswan ujllaña kaspa. Diospa qosqayki nisqantapis Cristo Jesuspi jap'illanqankutaj evangelionejta.

Gálatas 3:7

Chayrayku yachaychej, cheqamanta pikunachus feniyoj kanku, Abrahampa wawasnin kanku.

Romanos 8:17

Paypa wawasnin kanchej chayqa, chayaqeyoj kanchej. Diosmanta chayaqeyojña kaspataj, Cristowan khuska chayaketa jap'isunchej. Imaynatachus Cristowan khuska ñak'arinchej chayqa, paywan khuskallataj janaj pacha k'anchaypi wiñaypaj kasunchej.

Tito 3:7

Diospa khuyakuyninrayku cheqan runas kanchej, chayaqeta jap'inanchejpaj wiñay kausayta suyasqanchejman jina.

Apocalipsis 21:7

Pichus atipanqa chayqa, tukuy imata chayaqepaj jap'enqa. Noqataj Diosnin kasaj, paytaj waway kanqa.

Gálatas 4:7

Ajinaqa manaña kamachichu kanki, astawanqa Diospa wawan. Wawanña kanki chayri, Dios chayaqeta qosonqa [Cristonejta].

Santiago 2:5

Munasqa hermanosníy, uyariychej kay pachamanta wajchasta. Manachu Dios ajllarqa fepi qhapaj kanankupaj, jap'inankupajtaj reinota chayaqepaj jina, Dios nisqanman jina payta munakojkunaman?

2 Corintios 10:7

Qankunaqa imatapis qhawashankichej allin rijch'aynillanta. Kayta pipis allinta yachachun. Imaynatachus pipis Cristojta kasqanta nin chayqa, ajinallatataj noqaykupis Cristojta kayku.

Hebreos 6:17

Chayrayku, Diosqa, imatachus qonan kasqanta chayaqeyojkunaman, aswan allinta rikuchinampaj, munaynintataj manapuni kuyuchinanta, juramentowan chaupincharqa.

Gálatas 3:16

Kunanqa Abrahamman, mirayninmanta jamojmanwan Dios qonanta nerqa. Manataj Escritura nerqachu: Mirayniykimanta jamojman, ashkhasmampis parlashanman jina, manachayqa ujllamanta parlan, chaytaj Cristo.

Hebreos 11:18

Dios payman nerqa: Isaacnejta miray kapusonqa, nispa.

Hebreos 11:7

Creespa Noeqa Diosmanta yachachisqa karqa, chay manaraj rikukoj imasmanta; manchachikuywantaj arcata wakicherqa, familiampis salvasqa kanampaj; chay feraykutaj mundota juchacharqa, feraykullataj Diosmanta cheqan kajpaj qhawasqa karqa, chayaqeyojtaj rikhurerqa.

Hebreos 1:14

Manachu tukuynin espíritus kamachis kanku, Diospa kachamusqasnin, salvacionta chayaqepaj jap'ejkunata yanapanankupaj?

Gálatas 5:24

Cristojta kajkunaqa aychata chakatanku, sajra munayninkuta, munapayayninkutawan khuska.

Gálatas 3:28

Manaña kanchu judíos nitaj griegopis. Manaña kanchu kamachi nitaj mana kamachi kajpis. Nillataj kanchu qhari nitaj warmipis. Qankunaqa ujllaña kankichej Cristo Jesuspi.

1 Corintios 15:23

Chayrayku sapa uj maychus kanampi, qhepampi qhepampi kausarenqa, ñaupajta Cristoraj ñaupaj poqoy jina; chaymantaña Cristojta kajkunaqa kausarenqanku jamuynimpi.

San Mateo 3:9

Ama niychejchu qankunaqa: Abrahampa wawasnin kayku, nispa. Noqa niykichej, Diosqa kay rumismantapis wawasta sayarichiyta atin Abrahampaj.

Gálatas 3:18

Sichus leynejta chayaqe kanman chayqa, manaña Diospa qosqayki nisqanraykuchu kanman. Diosrí Abrahamman chayaqeta qorqa qosqayki nisqanta junt'aspa.

Gálatas 4:1

Chantá nillanitaj: Chayaqeta jap'ej, wawallaraj kashaspaqa, mana imapipis kamachimanta kurajchu, tukuy imamanta dueño kashaspapis.

Gálatas 6:16

Tukuy kay kamachiykunaman jina purejkunaman sonqo samakuy, khuyakuytaj kachun; jinallataj Diospa ayllun Israelmampis.