Gálatas 3:19 - Qheshwa Biblia DC

¹⁹ Chantá, leyqa imapajtaj churasqa karqari? Leyqa churasqa karqa runakunaj juchasninkurayku Cristo jamunankama; pimanchus Dios nerqa qonanta. Leyqa angelesnejta qosqa karqa allinyachejpa Moisespa makinman.

DIOSPA QHELQACHISQAN DEUTEROCANONICAL

¹⁹ Ajina kajtenqa, Moisespa kamachisqan imapajtaj churasqa karqari? Dios qosaj nisqanmanta qhepaman Moisespa kamachisqan churasqa karqa runakuna kamachisqakunata p'akispa mana kasukoj kasqankuta sut'inchananpaj. Chaywanpis chay kanan karqa Abrahampa mirayninmanta kaj jamunankamalla, pimantachus Dios Abrahamman parlarqa, chay. Chantá Diosqa angelkunanejta kamachisqata Moisesman qorqa, pichus allinyachej karqa Dioswan, israelitakunawan, chayman.

DIOSPA QHELQACHISQ

¹⁹ Ajina kajtenqa, Moisespa kamachisqan imapajtaj churasqa karqari? Dios qosaj nisqanmanta qhepaman Moisespa kamachisqan churasqa karqa runakuna kamachisqakunata p'akispa mana kasukoj kasqankuta sut'inchananpaj. Chaywanpis chay kanan karqa Abrahampa mirayninmanta kaj jamunankamalla, pimantachus Dios Abrahamman parlarqa, chay. Chantá Diosqa angelkunanejta kamachisqata Moisesman qorqa, pichus allinyachej karqa Dioswan, israelitakunawan, chayman.

Quechua South Bolivia: Dios Parlapawanchej

¹⁹ Chanta ¿imapajtaj Moisespa camachiskasninrí? Yapaska carka ricuchinawanchejpaj juchayoj caskanchejta mana casuskanchejraycu. Camachiskaka churaska carka Abrahampa ayllunmanta jamoj Jesucristo jamunancamalla. Cristomanmin Dioska sumajta nerka. Camachiskarí angelespa ñaupakenpi Moisesman koska carka. Chaymanta Moisés jaywarka Diospa camachiskasninta runasman.

Gálatas 3:19 Referans Kwoze

Hechos 7:53

Qankunaqa leyta jap'erqankichej angelesnejta, manataj waqaycharqankichejchu.

Hebreos 2:2

Angelespa nisqankuchus sinch'ita sayarqa; tukuy juchallikuy, mana kasukuytaj allin jasut'isqa karqa, chayqa; imaynamantataj noqanchej ayqesun, chay jina jatun salvacionta pisipi jap'ispari? Chay salvacionmanta Señor ñaupajtaña willarqa, payta uyarejkunataj cheqa kajta willawarqanchej.

Gálatas 3:16

Kunanqa Abrahamman, mirayninmanta jamojmanwan Dios qonanta nerqa. Manataj Escritura nerqachu: Mirayniykimanta jamojman, ashkhasmampis parlashanman jina, manachayqa ujllamanta parlan, chaytaj Cristo.

Romanos 4:15

Moisespa leynenqa phiñakuyta apamun; maypichus mana ley kanchu chayqa, manallataj ley p'akiypis kanchu.

Romanos 2:13

Mana leyta uyarejkunaqa, Diospa ñaupaqempi cheqan runas kanqanku; astawanqa leypa nisqanta ruwajkunalla cheqan runaspaj rejsisqas kanqanku.

Hechos 7:38

Kay Moisesqa israelitaswan tatasqa ch'in pampapi karqa. Paytaj Sinaí orqopi parlarqa angelwan, tatasninchejwan ima. Kay Moisesllataj Diosmanta jap'erqa kausay palabrasta, noqanchejman qonawanchejpaj.

San Juan 15:22

Noqachus mana jamuyman karqa, manataj paykunaman parlayman karqa chayqa, mana juchayoj kankuman; kunantaj juchankuta mana pakayta atinkuchu.

Deuteronomio 5:5

Chaypacha noqaqa chaupipi qankunawan Dioswan tinkuypi sayasharqani. Jinamanta Señorpa palabrasninta qankunaman willanaypaj, imaraykuchus qankunaqa ninata manchachikuspa chay orqoman mana wichariyta munarqankichejchu. Chaypacha Señorqa nerqa: Noqamin kani Señorqa, Diosniykitaj. Noqa Egiptomanta orqhomorqayki, maypichus wata runa kasharqanki chaymanta.

San Juan 1:17

Moisesnejta leyqa qosqa karqa; Diospa khuyakuynin cheqawan, Jesucristonejta chayamuwanchej.

Hebreos 2:5

Diosqa mana angelespa kamachiynimpichu chay jamoj mundota churarqa, mayqenmantachus parlashanchej, chayta.

San Lucas 16:31

Abrahamtaj nerqa: Moisesta profetastawan mana uyarenqanku chayqa, manallataj kasonqankuchu wañusqasmanta jatarimojtapis.

Salmos 106:23

Diosqa paykunata tukuchisaj nerqa. Ajllakusqan Moisés paykunarayku mañakojtintaj, Señorpa phiñakuynenqa tiyaykaporqa.

Deuteronomio 33:2

Señorqa Sinaimanta jamorqa. Seirmantapacha k'anchamorqa. Parán orqomantapacha lliphipimorqa. Cades Meribamantapacha jamorqa. Pañampi nina ley kashan.

Levítico 15:32

Kaykuna kanku kamachiykuna qharej mujun llojsimojtillampuni, chayri uj kutita llojsimojtimpis, chayrayku mana llimphupajchu qhawasqa kanqa.