Gálatas 3:13 - Qheshwa Biblia DC

^13-14 Cristo qhechuwarqayku leypa maldicionninmanta. Paytaj noqaykurayku maldicisqa karqa. Chaytaj escribisqa kashan: Maldicisqa kanqa tukuy k'aspipi warkhusqa kajqa, Abrahampa bendicionnin Cristo Jesusnejta gentilesman chayanampaj. Ajina fenejta Dios qonawayku karqa, chay Espirituta jap'inaykupaj.

DIOSPA QHELQACHISQAN DEUTEROCANONICAL

¹³ Jinapis kamachisqakunata mana kasusqanchejmanta maldicisqa kananchejmanta Cristo kawsayninwan pagaspa kacharichiwarqanchej. Chayta ruwarqa, imaraykuchus cruzpi chakatasqa kaspa, pay noqanchejrayku maldicisqa karqa. Diospa Qhelqachisqanpi nin: Kurkupi tukuy warkhusqa kajqa maldicisqa kachun, nispa.

DIOSPA QHELQACHISQ

¹³ Jinapis kamachisqakunata mana kasusqanchejmanta maldicisqa kananchejmanta Cristo kawsayninwan pagaspa kacharichiwarqanchej. Chayta ruwarqa, imaraykuchus cruzpi chakatasqa kaspa, pay noqanchejrayku maldicisqa karqa. Diospa Qhelqachisqanpi nin: Kurkupi tukuy warkhusqa kajqa maldicisqa kachun, nispa.

Quechua South Bolivia: Dios Parlapawanchej

¹³ Camachiskasninta mana casojcunaka wiñaypaj wañuncu. Astawanrí chay camachiskaspa juchachayninmanta Cristo wañuyninnejta cacharichiwarkanchej. Payka juchanchejraycu juchachaska carka Diospa c'ajaj phiñacuyninpi. Palabranpipis nin: “Juchachaskamin cashan c'aspipi warqhuska cajka”.

Gálatas 3:13 Referans Kwoze

1 Pedro 2:24

Pay kikin cuerpompi juchasninchejta k'aspi cruzpi aparqa, noqanchejta juchaspaj wañusqas kaspa, cheqanta kausananchejpaj. Paypa nanayninraykutaj jucha onqoymanta thañichisqas kankichej.

Hebreos 9:12

Manataj chivospa, nitaj waka uñaspa yawarninnejtachu, pay kikimpa yawarninnejta, uj kutillata llimphuchasqa jatun santuarioman yaykorqa, wiñaypaj salvacionta wakichispa.

Hebreos 9:15

Ajinamanta, payqa mosoj tratomanta allinyachej, wañuyninta churasqanraykutaj, ñaupaj trato urapi juchas kajkunata pampachan; wajyasqastaj Dios qosaj nisqanta chayaqepaj wiñaypaj jap'inku.

Apocalipsis 5:9

Uj mosoj takiytataj takerqanku, nispa: Allimpaj qhawasqa kanki librota jap'inaykipaj, sellosnintataj phaskaranaykipaj; imaraykuchus qan wañuchisqa karqanki, yawarniykiwantaj Diospaj rantiwarqayku, tukuy ayllumanta, tukuy laya parlaykunamanta, tukuy laya runamanta, tukuy nacionesmanta ima.

San Mateo 26:28

Kayqa [mosoj] tratomanta yawarniy, chaytaj jich'asqa kanqa, ashkha runaspa juchasnin pampachasqa kanampaj.

Gálatas 4:5

Leypa kamachimpi kashajkunata kacharichinampaj, paypa wawasnin jinataj rejsisqas kanaykupaj.

1 Juan 4:10

Kaymá chay munakoyqa. Manaraj Diosta munakushajtinchej, payqa munakuwarqanchejña. Churintataj kachamorqa wañunampaj juchasninchejrayku.

1 Pedro 3:18

Cristopis juchasrayku uj kutillata ñak'arerqa cheqan mana juchayoj, juchasapasrayku; Diosman pusanawanchejpaj. Cheqamanta aychapi wañorqa, espiritupitaj kausasharqa.

Hebreos 9:28

Ajinallatataj Cristopis uj kutillata qosqa karqa wañunampaj, ashkha runaspa juchasninkuta apanampaj. Iskay kaj jamuynimpitaj, juchamanta t'aqasqa rikhurimonqa, payta suyajkunaman salvacionta qonampaj.

Hebreos 9:26

Uj jinamantaqa sapa kutichari, kay jallp'aj qallariyninmantaña pay ñak'arinman karqa; manataj payqa ajinatachu. Kunan uj kutillata, kay p'unchaykunaj tukukuynimpi rikhurimorqa juchata qhechunampaj, pay kikimpa yawarninwan.

Tito 2:14

Pay kikin noqanchejrayku wañuyman rerqa, sajra kajmanta kacharichinawanchejpaj, llimphuchawanchejtaj paypa ayllun kananchejpaj, k'uchita tukuy imata allinta ruwanachejpaj.

Gálatas 3:10

Moisespa leynimpi confiajkunaqa maldicisqas kanku. Escribisqaman jina, imachus leypa librompi escribisqa kashan chayta, mana pipis junt'ajqa, maldicisqa kanqa.

2 Corintios 5:21

Cristoqa mana ima juchatapis rejserqachu. Diosrí noqanchejrayku juchayojta ruwarqa, noqanchej Cristowan khuska kaspa, Diospi cheqa allin kausayniyoj kananchejpaj.

Hechos 5:30

Ñaupa tatasninchejpa Diosnenqa, Jesusta wañusqamanta kausarichimorqa. Payta qankunaqa cruzpi warkhuspa wañucherqankichej.

Daniel (hebreo) 9:24

Aylluyki, ajllasqa llajtaykipis, kayta yachachunku: Qanchis chunka semanas pasananku tiyan, Diospa contranta sayariykuna, juchallikuypis tukukunampaj; sajra kajta chinkachinapaj, wiñaypajtaj cheqa kajta churanapaj. Mosqoypi jina rikusqasniyki, profetaspa willasqasninku ima junt'akunankupaj, ajllasqa kajtaj jawisqa kanampaj.

Romanos 4:25

Pay juchasninchejrayku wañunampaj qosqa karqa, kausarimorqataj mana juchachasqas kananchejpaj.

Efesios 5:2

Munakuypitaj puriychej, imaynatachus Cristopis munakuwarqanchej ajinata. Pay kikin entregakorqa noqanchejrayku Diosman ofrenda jina, ruphachisqa cordero jinataj k'acha q'apayniyoj.

Ester (hebreo) 7:10

Ajinata Amantaqa Mardoqueopaj ruwachisqan sipinallapitaj warkhorqanku. Chaywantaj reypa sonqonqa tiyaykorqa chay phiñakuyninmanta.

Romanos 9:3

Noqa kikiy munayman maldicisqa kayta, Cristomanta t'aqakuspa wauqesniyta munakusqayrayku; pikunachus aychaman jina ayllusniy kanku.

2 Samuel 18:10

Ujtaj chayta rikuspa Joabman willamorqa: Absalonta rikuni uj encina sach'api warkhusqata.

Apocalipsis 13:8

Tukuy jallp'api tiyakojkunataj payta yupaycharqanku; manataj paykunaj sutinkoqa escribisqachu karqa Corderoj kausaynimpa librompeqa. Corderoqa wañuchisqa karqa kay mundoj qallariyninmantapacha.

San Mateo 27:5

Judastaj, temploman qolqeta qhallaykuspa llojsiporqa. Riytawantaj sipikamorqa.

Daniel (hebreo) 9:26

Sojta chunka iskayniyoj semanas qhepata chay Mesiasta wañuchenqanku. Uj rey jamuspa, Jerusalén llajtata, jinallataj templotapis runasninwan t'unaykuchenqa. Tukukoyqa usqhayllata chayamonqa, uj apaj mayu jina. Chay tukukuykama kallanqapuni maqanakuy t'unanakuypis, imaynachus nisqa kasqanman jina.

Jeremías 49:13

Noqa Señor sutiyrayku juraykichej: Bosra llajtaqa ch'impacha qhepakonqa, wajkuna manchachikunankupaj k'umuykachachisqa, jinataj maldicisqa kanqa. Chay waj llajtastaj wiñaypaj raqaykunasllaña qhepakonqanku.

Jeremías 44:22

Señorqa manapuni rikuyta aterqachu qankunaj chay millay ruwasqasniykichejta, chay ruwasqasniykichejqa payman mana allimpajchu rijch'an. Chayraykumin qankunaj jallp'aykichejqa ch'inyachisqa kashan, mana runayoj; tukuy yachaqakunampaj jina maldicisqa mancharikunapaj jina kashan.

2 Samuel 21:3

Davidtaj paykunata tapurerqa: Imatataj qankunarayku ruwaymanrí? Imaynapitaj qankunata llakiyta ruwasusqaykichejta allinyachiymanri, jinamanta Señorpa ayllunta bendicinaykichejpaj?

Zacarías 13:7

Tukuy Atiyniyoj Señorqa nillantaj: Oqharikuy, espada, michejpa contrampi, yanapajniypa contrampitaj! Wañuchiy chay michejta ovejasniytaj ch'eqeranqanku, juch'uy kaj corderosninmantaj noqa kutiykukusaj!

Ester (hebreo) 9:14

Chanta reyqa kamacherqa ajinata ruwanankuta. Susa llajtapitaj chay kamacheyqa willakorqa. Judiostaj Amampa chunkantin wawasnimpa ayasnintataj sipinaman warkhorqanku.

2 Samuel 17:23

Ahitofeltaj chay yuyasqanman jina mana junt'akusqanta rikuspataj, burronta sinchaykuspa wasinman riporqa, maypichus tiyakoj chay llajtaman. Wasimpi ayllusninwan imachus ruwanasninta junt'aytawankama rispa sipikamorqa. P'ampamorqankutaj tatampa p'ampakunan covachaman.

2 Samuel 21:9

Chaykunatataj Gabaompi tiyakojkunaman jaywaykorqa, chaykunarí Señorpa ñaupaqempi chay orqo patapi sipirarqanku. Ajinamanta wañorqanku ujllapi qhanchisnintin runas, chay cebada oqhariykuna qallarikushajtin jina.