Gálatas 1:4 - Qheshwa Biblia DC

⁴ Pay kikin wañorqa juchasninchejrayku, kay sajra p'unchaykunamanta kacharichinawanchejpaj, Dios Tatanchejpa munayninman jina.

DIOSPA QHELQACHISQAN DEUTEROCANONICAL

⁴ Jesucristomin Tata Diosninchejpa munasqanman jina juchanchejrayku wañuchisqa kananpaj jaywaykukorqa, kay pachapi millay kawsaymanta kacharichinawanchejpaj.

DIOSPA QHELQACHISQ

⁴ Jesucristomin Tata Diosninchejpa munasqanman jina juchanchejrayku wañuchisqa kananpaj jaywaykukorqa, kay pachapi millay kawsaymanta kacharichinawanchejpaj.

Quechua South Bolivia: Dios Parlapawanchej

⁴ Tata Diosninchejpa munayninmanjinataj Jesús causayninta jaywarka. Payka wañorka juchasninchejmanta cacharichinawanchejpaj, cunan p'unchay juchaj atiyninmantawan.

Gálatas 1:4 Referans Kwoze

San Mateo 20:28

Runaj Churenqa mana sirvichikojchu jamorqa. Astawampis, payqa jamorqa runata sirvej, kausaynintataj qoj; ashkha runa salvasqa kanampaj.

Romanos 4:25

Pay juchasninchejrayku wañunampaj qosqa karqa, kausarimorqataj mana juchachasqas kananchejpaj.

Gálatas 2:20

Cristowan khuska chakatasqa karqani, manataj noqañachu kausani, manachayqa Cristo kausan noqapi. Kunan aychapi kausashaspapis, Diospa Churimpi creesqayrayku kausashani. Pay munakuwarqa, pay kikintaj wañorqa noqarayku.

1 Pedro 2:24

Pay kikin cuerpompi juchasninchejta k'aspi cruzpi aparqa, noqanchejta juchaspaj wañusqas kaspa, cheqanta kausananchejpaj. Paypa nanayninraykutaj jucha onqoymanta thañichisqas kankichej.

Tito 2:14

Pay kikin noqanchejrayku wañuyman rerqa, sajra kajmanta kacharichinawanchejpaj, llimphuchawanchejtaj paypa ayllun kananchejpaj, k'uchita tukuy imata allinta ruwanachejpaj.

2 Corintios 4:4

Paykuna mana creesqankurayku, kay mundoj diosnin yuyayninkuta laqhayacherqa. Paykunapi evangelioj k'anchaynin, ama k'anchanampaj, nitaj Cristoj lliphipiynimpis. Payqa Diospa rijch'aynin.

1 Timoteo 2:6

Chantá, pay kikin kausayninta qorqa tukuyta salvanampaj. Chaymantaqa ñaupajtaña willasqa karqa.

Efesios 2:2

Chaykunapi qankunaqa ñaupajta purej kankichej, kay pachaj kamachisqanman jina kausaspa. Wayrapi kamachejpa atiyninman jina kausaj kankichej; chay espiritoqa kunan Diosta mana kasojkunata kamachishan.

1 Tesalonicenses 3:13

Sonqosniykichej llimphu kausaypi kallpachasqas kachunku, mana k'amiyniyoj Dios Tatanchejpa ñaupaqempi, Señorninchej Jesucristo, tukuy ajllasqasninwan jamunankama.

Romanos 12:2

Ama kay mundoj munayninman jina puriychejchu, astawanqa yuyayniykichejpa mosoj kayninman jina allinta kausaychej, yachanaykichejpaj mayqenchus Diospa munaynin kasqanta, k'acha, kusichej, junt'asqataj.

Filipenses 4:20

Dios Tatanchej, wiñaypa wiñaynimpaj yupaychasqa kachun. Amén.

Efesios 5:2

Munakuypitaj puriychej, imaynatachus Cristopis munakuwarqanchej ajinata. Pay kikin entregakorqa noqanchejrayku Diosman ofrenda jina, ruphachisqa cordero jinataj k'acha q'apayniyoj.

Apocalipsis 5:9

Uj mosoj takiytataj takerqanku, nispa: Allimpaj qhawasqa kanki librota jap'inaykipaj, sellosnintataj phaskaranaykipaj; imaraykuchus qan wañuchisqa karqanki, yawarniykiwantaj Diospaj rantiwarqayku, tukuy ayllumanta, tukuy laya parlaykunamanta, tukuy laya runamanta, tukuy nacionesmanta ima.

1 Juan 3:16

Jesucristo kausayninta noqanchejrayku qorqa, chaypitaj munakuyninta rejsinchej. Ajinata noqanchejpis wauqesninchejrayku kausayninchejta qonanchej tiyan.

1 Juan 2:2

Jesucristoqa wañorqa juchasninchejta pampachanampaj; manataj juchasninchejraykullachu, astawanqa tukuy runaspa juchasninkurayku.

1 Pedro 3:18

Cristopis juchasrayku uj kutillata ñak'arerqa cheqan mana juchayoj, juchasapasrayku; Diosman pusanawanchejpaj. Cheqamanta aychapi wañorqa, espiritupitaj kausasharqa.

Santiago 4:4

Uyariychej, qhenchachakoj runas, manachu yachankichej kay mundowan kausajqa Diospa contran kasqanta? Pillapis kay mundoj kausaqen kayta munan chayqa, Diospa enemigon.

Hebreos 6:5

Ajinallatataj Diospa allin palabrantapis rejserqanku, chay jamoj p'unchaykunaj atiynintawan.

2 Tesalonicenses 2:16

Kikin Señorninchej Jesucristo, Dios Tatanchej ima munakuwarqanchej, qhasimanta qowarqanchej wiñay kusiyta, sumaj suyaytawan khuyakuyninrayku.

San Juan 12:31

Kunan mundopaj juicio chayamun. Kunanmá mundota kamachejqa jawaman qharqosqa kanqa.

San Mateo 26:28

Kayqa [mosoj] tratomanta yawarniy, chaytaj jich'asqa kanqa, ashkha runaspa juchasnin pampachasqa kanampaj.

Isaías 65:17

Noqaqa mosoj janaj pachata, mosoj kay pachatawan ruwasaj; chay ñaupaj kajkunaqa qonqasqa kanqa, manapuni yuyarillasajpischu.

Hebreos 2:5

Diosqa mana angelespa kamachiynimpichu chay jamoj mundota churarqa, mayqenmantachus parlashanchej, chayta.

1 Tesalonicenses 3:11

Kikin Dios Tatanchej, Señorninchej Jesucristowan, qankunaman rinaykupaj ñanta wakichichunku.

Efesios 6:12

Mana kausaj runawanchu maqanakusun, manachayqa maqanakoj sayaykuna atiyniyojkunaj contranta, kay pachapi laqhayayta kamachejkunaj contranta, janaj pachapi sajra espirituspa contranta ima.

Efesios 1:11

Jinallataj Cristowan chayaqeta jap'erqanchej, tukuy imata ruwaj Diospa munayninman jina, wiñaymantapacha ajllawasqanchejrayku.

Gálatas 6:14

Noqaqa Señorninchej Jesucristoj cruznillampi kusikuni. Paynejta noqapajqa mundo chakatasqa karqa, noqataj mundopaj.

Romanos 8:32

Diosqa uj k'ata Churinta mana mich'akuspa qorqa tukuyninchejrayku wañunampaj. Chantá, imaraykutaj mana qowasunmanchu Churinwan khuska tukuy imata?

Romanos 8:3

Diosqa ruwarqa imatachus Moisespa leynin mana ruwayta atisqanta, aycha pisi kallpayoj kasqanrayku. Chayrayku Diosqa Churinta kachamorqa juchallikoj runaman rijch'akojta, jucha jawa; chay juchata aychapi chinkachinampaj; leypa cheqan kasqanqa noqanchejpi junt'akunampaj. Noqanchejqa mana aychaj munayninman jinachu purishanchej, astawanqa Espirituman jina.

Romanos 1:7

Kay cartata escribimuykichej Roma llajtapi tiyakojkunaman, Diospa munakusqasnin. Sumaj kausayman wajyasqas kankichej. Khuyakuy, sonqo tiyakuytaj qankunapaj kachun Dios Tatanchejmanta, Señor Jesucristomantawan.

San Juan 10:11

Noqa sumaj michej kani. Sumaj michejqa kausayninta qon ovejasrayku.

San Juan 6:38

Mana munayniyta ruwanaypajchu janaj pachamanta uraykamorqani, astawanqa kachamuwajniypa munayninta ruwanaypaj jamuni.

San Juan 5:30

Jesustaj nerqa: Mana imatapis noqallamanta ruwanichu, uyarisqayman jina noqa juzgani; juzgasqaytaj cheqampuni, imaraykuchus mana noqaj munayniytachu mask'ani; astawanqa kachamuwaj Tataypa munaynillanta.

Marcos 10:45

Runaj Churenqa mana sirvichikojchu jamorqa, astawanqa runata sirvej jamorqa, kausaynintataj qoj, ashkha runa salvasqa kanampaj.

San Mateo 26:42

Ujtawan rispa mañakullarqataj: Tatáy, ñak'arinaypuni kajtenqa qampa munayniyki ruwasqa kachun.

San Mateo 6:9

Chayrayku qankunaqa, kay jinata mañakunkichej: Janaj pachapi kashaj Tatayku, sutiyki jatunchasqa kachun.

Salmos 40:8

Diosníy, tukuy sonqo munayniykita ruwayta munani. Yachachiwasqasniykita sonqoypi jap'ini.

Apocalipsis 7:9

Kay imaspa qhepanta, ancha ashkha runata rikorqani, mana yupay atinata tukuy llajtamanta, ayllumanta, runasmanta, tukuy parlaykunamantawan. Paykunaqa tronoj ñaupaqempi, Corderoj ñaupaqempi kasharqanku, yuraj p'achaswan p'achallisqas. Palmastataj makisninkupi jap'isharqanku.

Romanos 8:27

Dios sonqosta rejsejqa, yachan imachus Espíritoj yuyaynin kasqanta. Santo Espiritoqa, Diospa munayninman jina ajllasqasnimpaj mañapun.

San Lucas 22:19

Chaymantaqa, t'antata oqharispañataj graciasta qorqa, partispataj paykunaman jaywarqa, nispa: Kayqa cuerpoymin, qankunarayku qosqa. Kayta ruwaychej noqamanta yuyarikuspa.

San Mateo 13:22

Khishka ukhuman t'akakoj mujutaj palabrata uyarejman rijch'akun. Mundo imaspi yuyaykuna, qhapajyayta munapayay ima, Diospa palabranta qonqachispa mana poqojta saqenkuchu.

1 Corintios 15:3

Ñaupajta yachacherqaykichej imaynatachus noqapis jap'isqayta; Cristo juchanchejrayku wañusqanta, Escriturasman jina.

Efesios 5:16

Tiempota kashajtinrajqa allin kajta ruwaychej, imaraykuchus kunan p'unchaykunaqa mana allinchu.

1 Tesalonicenses 1:3

Dios Tatanchejpa ñaupaqempi mana samaspa, yuyarikuykupuni feniykichejpa ruwayninmanta, munakuywan llank'asqaykichejmanta, Señorninchej Jesucristopitaj, pacienciakuywan suyakusqaykichejmanta.