Filipenses 4:8 - Qheshwa Biblia DC

⁸ Kunanqa hermanos, yuyaychej tukuy cheqa kajpi, tukuy allin kajpi, tukuy cheqan kajpi, tukuy ima llimphu kaypi, tukuy allin munakuypi, tukuy ima allin sutiyojpi. Sichus ima atiyllapis kanman, imapis yupaychanapaj jina kanman chayqa, chaypi yuyaychej.

DIOSPA QHELQACHISQAN DEUTEROCANONICAL

⁸ Kunanqa wawqe panakuna, parlayta tukunaypaj kaytawan nisqaykichej: Qankunaqa yuyaychej tukuy imachus cheqan, tukuy imachus respetowan qhawanapaj jina kanman, chantá tukuy cheqan kajpi ima. Jinallataj yuyaychej tukuy llimphu kajpi, tukuy k'acha kajpi, tukuy allinpaj qhawasqa kajpi ima. Ajinaqa tukuy imachus sumaj, chantá jatunchanapaj jina, chaypipis yuyallaychejtaj.

DIOSPA QHELQACHISQ

⁸ Kunanqa wawqe panakuna, parlayta tukunaypaj kaytawan nisqaykichej: Qankunaqa yuyaychej tukuy imachus cheqan, tukuy imachus respetowan qhawanapaj jina kanman, chantá tukuy cheqan kajpi ima. Jinallataj yuyaychej tukuy llimphu kajpi, tukuy k'acha kajpi, tukuy allinpaj qhawasqa kajpi ima. Ajinaqa tukuy imachus sumaj, chantá jatunchanapaj jina, chaypipis yuyallaychejtaj.

Quechua South Bolivia: Dios Parlapawanchej

⁸ Ajinaka, hermanosníy, sumaj imaspipuni yuyaychej. Tucuy cheka cajpi, tucuy c'acha cajpi, tucuy allin cajpi, tucuy llimphu cajpi, tucuy sumaj cajpi, tucuy allin niska cajpiwan yuyaychej. Chay sumaj mentaska imaspipuni yuyaychej chaycunata ruwanayquichejpaj.

Filipenses 4:8 Referans Kwoze

Santiago 3:17

Diosmanta jamoj yachayqa llimphu, sonqo tiyakuyniyoj, munakuyniyoj, khuyakuywan junt'asqa, sumaj poqoyniyoj, sut'inta ruwajtaj, manataj puraj uyachu.

Tito 2:7

Qan kikiyki allin kausayniykita rikuchiy tukuy imapi, yachanankupaj jina allin ruwayniykimanta; chay yachachiyniykipi rikuchispa tukuy ima respetowan, tukuy sonqowantaj.

2 Corintios 8:21

Astawantaj munashayku kay imasta ruwayta cheqanta, mana Señorpa ñaupaqellampichu, astawanqa runaspa ñaupaqempipis.

Gálatas 5:22

Espíritoj ruwasqasninrí kaykuna: Munakuy, kusiy, sonqo tiyasqa kay, pacienciayoj kay, khuyakuy, k'acha kay, fe, llamp'u sonqo kay, maychus kajta kausakuy ima. Kaykunaj contrampeqa mana ima leypis kanchu.

1 Pedro 2:12

Allinta kausakuychej Diosta mana rejsejkuna ukhupi. Paykunaqa sajra runaspaj jina qankunapaj rimashanku; Señor chayamojtintaj, Diosta yupaychanqanku, allin ruwasqasniykichejta rikuspa.

Hebreos 13:18

Diosmanta mañapuwayku ari, yachayku allin sonqoyoj kasqaykuta, tukuy imapi allinta puriyta munaspa.

1 Timoteo 4:12

Ama pipis wayna kasqaykirayku pisipi qhawasuchunchu; astawanqa creejkunaj ñaupaqenkupi allinta puriy: Parlaypi, allin kausaypi, munakuypi, espiritupi, fepi, llimphu kausaypi ima.

Efesios 5:9

K'anchaypa poqoynenqa tukuy k'acha kaypi, cheqan kaypi, cheqa kaypitaj.

Tito 1:8

Astawanqa wasinman wajyakoj kanan tiyan, allin kajta munakoj, sumaj yuyayniyoj, cheqan kajta ruwaj, juchamanta t'aqasqa, kausaynimpitaj mana juchawan atipachikoj.

1 Juan 3:3

Pillapis Jesucristopi suyayninta churajqa, pay kikin llimphuchakun, imaynatachus Jesucristopis llimphu kashan, ajinata.

1 Pedro 1:22

Kunantaj qankuna Santo Espiritunejta cheqa kajta kasuspa, almasniykichejta llimphucharqankichej, hermanosniykichejta cheqamanta munakunaykichejpaj mana llullakuspa. Kunanqa munananakuychej purajmanta llimphu sonqowan.

Tito 3:14

Noqanchejmanta kajkunataj yachakuchunku allinkunata ruwayta, ama ima pisinampaj; ajinapi tukuy ruwasqanku poqoyniyoj jina kanampaj.

Romanos 13:13

Ajinaqa p'unchaypi jina purinachej maychus kajta; amataj purinachu jatun mikhuykunaspi, machaykuykunaspi, millay kausaypi, churanakuypi, nitaj chhoqonakuypipis.

Proverbios 20:7

Cheqan runaqa allinta purispa kausakun, wawasninta may kusikuyniyojta qhepaman saqen.

Santiago 1:27

Diosta llimphu yupaychayqa mana ch'ichiyoj kanan tiyan Dios Tatanchejpa ñaupaqempi, kay jinamanta watukuspa wajchasta, viudasta ima llakiyninkupi. Amataj ch'ichichakuspa kay mundoj sajra imasninmanta waqaychakuychej.

1 Juan 3:18

Wawitasníy, ama simillawanchu munanakusun, astawanqa ruwanawan, cheqa kajwantaj.

Tito 2:2

Machu runasqa kachunku ch'aki sonqos, allin qhawasqas, yachayniyoj, cheqa kaj feniyoj, munakuypi, pacienciayoj ima.

2 Corintios 13:7

Diosmantataj mañakuyku ama ima sajrata ruwanaykichejpaj. Manataj noqayku allinman rijch'asqas kanaykupajchu; astawanqa qankuna allinta ruwayta yachanaykichejpaj; manataj imananchu, noqayku qhesachasqa jina rikhurinaykoqa.

Colosenses 4:5

Allin yachaywan puriychej mana creejkunawan, ama tiempota usuchispa.

1 Pedro 4:8

Ñaupajtaqa qankuna ukhupi munakuy kachun, imaraykuchus munakoyqa ashkha juchata pampachan.

2 Samuel 23:3

Israelpa Diosnin parlan; Israelpa waqaychajnin niwan: Pichus kamachenqa runasta justiciawan, pichus kamachenqa Diosta manchachikuypi, sut'iyaymanta k'anchay llojsimoj jina kanqa, mana phuyusniyoj paqarimpi intej k'anchaynin jina, para pasayta qhorata wiñachej, ajina kanqa.

Romanos 13:3

Kamachejkunaqa, allin kajta ruwajkunata mana manchachinankupajchu churasqas kanku, manachayqa sajrata ruwajkunallata. Munankichu kamachejta mana manchachikuyta? Allinta ruway, paytaj allimpaj qhawasonqa.

Tito 2:14

Pay kikin noqanchejrayku wañuyman rerqa, sajra kajmanta kacharichinawanchejpaj, llimphuchawanchejtaj paypa ayllun kananchejpaj, k'uchita tukuy imata allinta ruwanachejpaj.

Filipenses 3:1

Kunanqa hermanos, kusikuychej Señorpi. Noqapajqa mana imachu escribimusqayqa kikin kikinta, imaraykuchus qankunapaj sumaj allin kasqanrayku.

Romanos 2:29

Manachayqa ukhunmanta circuncidasqa kajmá judioqa, jinallataj tukuy sonqomanta circuncidasqa kanan tiyan espiritupi, mana escribisqallapichu. Paypaj yupaychayqa mana runasmantachu jamun, astawanqa Diosmanta.

Isaías 26:7

Cheqan runaj ñannenqa cheqampuni; allinta ruwaj kaj runaj ñannintaqa qanlla allinyachinki.

Proverbios 31:31

Makisninwan ruwasqasninmanta allimpaj qhawaychej, ruwasqasninraykutaj llajta punkupi alabaychej.

1 Timoteo 5:10

Allin ruwanaspi rejsisqa kachun, wawasninta allinta uywaj, wajyarikuyta yachaj, creejkunaj chakisninta mayllaj, llakisqasta khuyaj, tukuy allin ruwanata junt'aj ima.

Deuteronomio 16:20

Cheqan kajllatapuni ruwanaykichej tiyan, Señor Diosniykichej qosunkichej chay jallp'api tiyakunaykichejpaj.

Efesios 6:14

Sumajta sayaychej ari, ñañu wasaykichejta cheqa kajwan, chumpiwan jina mat'ita chumpikuspa. Cheqan kajwantaj, pechoquera chalecowan jina churasqas kaychej.

1 Tesalonicenses 4:12

Allinta puriychej Diosta mana rejsejkunaj ñaupaqempi, nitaj pejpa imantapis munapayaspa.

Efesios 4:25

Chayrayku llullakuyta saqespa, sapa ujqa cheqata parlaychej runa masisniykichejwan; imaraykuchus ujkuna ujkunawan uj cuerpollamanta kanchej.

2 Corintios 6:8

Uj kutipeqa allin qhawasqa kayku, waj kutitaj mana, uj kutipitaj allinta parlanku noqaykumanta. Waj kutipitaj sajrata parlanku, uj kutipitaj llullasta jina qhawawayku; chaywampis cheqatapuni parlayku.

Hechos 10:22

Paykunataj kuticherqanku: Capitán Cornelio kachamuwayku. Payqa cheqan runa, Diospa manchaynimpitaj kakun. Judiostaj jatumpi jap'inku. Diospa angelnintaj Cornelioman nerqa wasinman wajyachisunanta, qampa parlasqaykita uyarinampaj.

San Juan 7:18

Pillapis pay kikinmanta parlajqa, mask'an paylla runaswan jatumpi qhawachikuyta. Kachamojninta jatumpi qhawachiyta munajta, cheqanta parlan, manataj paypi ima llullapis kanchu.

San Lucas 2:25

Chaypacha tiyakorqa Jerusalempi, uj runa Simeón sutiyoj. Payqa k'acha karqa, Diostataj manchachikoj. Allin runa kaspa suyasharqa Israel sonqochasqa kananta. Santo Espiritupis paypi kasharqa.

Marcos 6:20

Herodesqa, sumaj runapaj Juanta jap'erqa; chayrayku manchachikoj, Juanqa cheqan runa, allin kausayniyojtaj kasqanrayku; chaynejtataj sumajta waqaychachej. Herodesqa tukuy sonqo uyarillajpuni Juantaqa; sapa uyarispataj mayta t'ukoj.

Proverbios 11:1

Señorqa chejnikun mana cheqan kaj pesasta, cheqan pesastarí munakun.

Rut 3:11

Ama manchachikuychu wawáy, kay llajtapi tukuyña yachanku qan cheqa maychus kaj warmi kasqaykita. Chayrayku kunan mañawasqaykita ruwasaj.

San Lucas 16:15

Chaynejta paykunaman nerqa: Qankunaqa sumaj runaman rijch'akunkichej, llimphu runaspis kawajchej jina; astawanqa Dios yachashan sonqoykichejta; runas sumajpaj qhawasqankoqa, Diospa ñaupaqempi ancha millay.

1 Corintios 4:5

Chaywampis, amaraj imatapis juzgaychejchu, Señor jamunankama. Paytaj sut'inchanqa laqhapi pakasqa kajta, rikuchenqataj imatachus sonqosninkupi yuyasqankuta; chaypachataj sapa ujta Dios alabanqa.

Hechos 22:12

Uj runa Ananías sutiyoj karqa, paytaj Diosta yupaychaj leyman jina. Damascopi kaj judiostaj, allin runapaj payta qhawarqanku.

TAKIYKUNA 5:16

Parlaynenqa misk'i k'achitutaj, tukuy munapayanampaj jina. Ajina ari noqaj munasqayqa. Ajina ari munakusqayqa, Jerusalenmanta kaj sipaskuna.

Génesis 18:19

Noqa payta ajllani, wawasninta, miraynintapis kamachinampaj noqaj ñankunasniypi purinankupaj cheqan kajta, allin kajtataj ruwaspa, noqa junt'anaypaj payman tukuy ima nisqasniyta.

1 Juan 4:1

Munakusqasníy, ama pillatapis Diospa yuyaychasqan kani nejkunataqa creeychejchu; allintaraj paykunata rejsiychej Diosmantachus kanku, manachus chayta, imaraykuchus ashkha llulla profetas tukuynejpi rikhurishanku.

1 Timoteo 5:2

Paya warmitapis mamaykita jina yuyaychay, sipaskunatapis llimphu sonqowan hermanosniykita jina yuyaychay.

San Lucas 23:50

Uj runa karqa k'acha, cheqantaj, José sutiyoj, Judeapi Arimatea llajtamanta. Payqa judiospa juntankumanta ujnin karqa.

Proverbios 31:29

K'acha warmisqa ashkha kanku; qanrí tukuyninkuta atipanki.

Proverbios 16:11

Cheqan pesaswan, chimpuswanqa Señorpatamin; chay tukuy pesasqa paypa ruwasqasnin.

Proverbios 12:4

Sumaj warmeqa qosampa pillun jina; mana sumaj warmirí tullu ismuy jina.

1 Timoteo 3:4

Wasimpi allinta kamachichun, wawasninwan kasuchikuchun, tukuy imapitaj allin qhawasqa kachun.

Hechos 6:3

Chayrayku hermanos, ajllaychej ari qankuna ukhumanta qanchis qharista, allin kausayniyojta, Santo Espirituwan junt'asqasta, yachayniyojkunatataj mikhunata rak'inankupaj.

San Mateo 22:16

Paykunataj kacharqanku partenkumanta kajkunata, herodianostawan; Jesusman nimunankupaj: Maestro, yachayku qan cheqan sonqo kasqaykita, Diospa ñanninta cheqanta yachachisqaykita; mana runaj parlasqanta kasuspa. Qanqa mana runaj rijch'aynillantachu qhawanki.

Proverbios 31:10

Sumaj warmeqa mana tarikullanchu; k'achitu qhoya rumismantapis aswan valorniyojraj.

Hebreos 11:2

Ñaupa tatasninchej ferayku allimpaj qhawasqas karqanku.

1 Timoteo 3:11

Warmispis jinallataj allimpaj qhawasqas kachunku, ama tumpajkuna, mikhuypi ujyaypipis allin yuyayniyoj, tukuy imapipis allin kausayniyojkuna.

2 Corintios 8:18

Titotawan kachamusqayku uj hermanota, pimantachus allinta parlanku tukuy iglesiaspi, sumajta llank'asqanmanta evangeliota willaspa.

2 Samuel 1:23

Saulwan Jonatanwanqa, munasqas, k'achastaj mana t'aqanakorqankuchu kausayninkupi, nitaj wañupushaspapis. Aguilasmanta aswan usqhayta phawarejkuna karqanku! Leonesmantapis aswan kallpasniyoj karqanku!

2 Pedro 3:1

Munasqa hermanosníy, kaywanqa iskay cartataña qankunaman apachimuykichej; iskaynin cartapitaj k'amiykuspa, llimphu yuyayniykichejta rijch'arichiyta munani.

Salmos 82:2

Jayk'ajkamataj qankunaqa, cheqan kajman jina mana cheqanchankichejchu, sajra kajkunamantaj kutikunkichejri?

Romanos 14:18

Pichus kay imaspi Cristoj kamachinta ruwan chayqa, Diosta kusichin, runastaj chaytaqa allimpaj qhawanku.