Filipenses 4:6 - Qheshwa Biblia DC

⁶ Ama imamantapis llakikuychejchu, astawanqa Dios yachachun tukuy ima mañakusqaykichejta, majakuspa, graciasta qospataj.

DIOSPA QHELQACHISQAN DEUTEROCANONICAL

⁶ Jinallataj ama imamantapis phutikuychejchu. Aswanpis Dioswan parlarikuspa, imatachus pisichikushasqaykichejta mañakuychej. Chantá imatachus ruwapususqaykichejmanta Diosta pachis niychej.

DIOSPA QHELQACHISQ

⁶ Jinallataj ama imamantapis phutikuychejchu. Aswanpis Dioswan parlarikuspa, imatachus pisichikushasqaykichejta mañakuychej. Chantá imatachus ruwapususqaykichejmanta Diosta pachis niychej.

Quechua South Bolivia: Dios Parlapawanchej

⁶ Ama imamantapis chhicata llaquicuychejchu. Manachayrí tucuy sonkowan Diosmanta mañacuychej tucuy imapi. Mañacuyniyquichejpeka tucuy imatapis payman willaychej graciasta kospa.

Filipenses 4:6 Referans Kwoze

1 Pedro 5:7

Diosman saqeychej tukuy phutikuyniykichejta; imaraykuchus payqa allinta qankunata qhawasunkichej.

Salmos 55:22

Llakiykunasniykita Señorman saqey. Payqa sinch'ita sayachisonqa. Payqa kasukoj runataqa, mana urmajta saqenmanchu.

San Mateo 6:8

Ama qankunaqa paykunaman rijch'akuychejchu. Tataykichejqa yachanña imaykichejchus pisisqanta, manaraj paymanta mañakushajtiykichej.

Jeremías 33:3

Mañakuway, uyarisqaykitaj, willasqaykitaj jatuchaj imasta, mana yachasqayki imastataj yachachisqayki.

Proverbios 16:3

Ruwasqasniykitaqa Señorpa makinman saqey, imatachus ruwanaykipaj wakichisqasniykitaj ruwakonqanku.

Salmos 62:8

Ayllúy, paypipuni suyakuy. Parlaychej tukuy sonqo mañakuspa. Diosmin jark'awajninchejqa.

Colosenses 4:2

Mana sayk'uyta Diosmanta mañakuychej, mana puñuspataj qhawaychej graciasta qospa.

Efesios 6:18

Kay tukuytaqa ruwaychej sapa p'unchay, Diosmanta mañakuspa Espiritupi tukuy mañakuywan. Ama puñuspa qhawaychej, mana sayk'uspa. Mañakuychej Diospata kajkunapaj.

Colosenses 3:17

Tukuy ima ruwasqaykichejpi, ña parlaypi, ñataj ruwaypi, Señor Jesuspa sutimpi, paynejta Dios Tataman graciasta qoychej.

San Lucas 18:1

Jesustaj uj rijch'anachinawan yachacherqa, Diosmantaqa mañakunapuni kasqanta mana sayk'uspa.

San Lucas 12:22

Chantaqa yachachisqasninman nerqa: Chayrayku niykichej. Ama phutikuychejchu kausayniykichejmanta, imatachus mikhunaykichejmanta; nitaj imawanchus p'achallikunaykichejmantapis.

Salmos 51:15

Señor, simiyta kichariy, chay simiywantaj qanta yupaychasqayki.

Colosenses 3:15

Cristoj sonqo tiyakuynin sonqoykichejpi kamachichun. Kaypajmin wajyasqas kankichej, ujlla kanaykichejpaj. Qankunataj Diosman graciasta qoychej.

1 Samuel 30:6

Davidqa sinch'i llakisqa kasharqa, chay runasnin payta rumiswan ch'anqaykuyta munasqankurayku. Tukuyninku wawasninkumanta llakisqas kasqankurayku. Chaywampis Davidqa Señor Diosnimpi atienikorqa.

Efesios 5:20

Señorninchej Jesucristoj sutimpi tukuy imamanta Dios Tataman graciasta qoychejpuni.

Salmos 55:17

Willakusaj waqasajtaj, sut'iyayta, chaupi p'unchayta, ch'isiyayta ima. Payrí parlasqayta uyarenqa.

San Lucas 10:41

Jesustaj kuticherqa: Marta, Marta, ancha uma muyusqa kashanki; musphashankitaj chay chhika ruwanaswan.

San Lucas 18:7

Manachu Diosqa, ajllasqasnin tuta p'unchay paymanta mañakojkunapaj, justiciata ruwanqa? Unaytarajchu suyachikunman?

San Mateo 10:19

Kamachejkunaman pusasqas kaspaqa, ama llakikunkichejchu imaynatachus parlanaykichejta, chayrí imatachus ninaykichejta. Chay kikimpacha, Dios yuyaychasonqachej imamantachus parlanaykichejta.

Proverbios 15:8

Señorqa juchasapaspa jaywasqanta millachikun, cheqan runaspa mañakusqankutarí, tukuy sonqo uyarin.

San Lucas 12:29

Qankunaqa ama llakikuychejchu imatachus mikhunaykichejmanta, nitaj ujyanaykichejmantapis. Ama ari chayraykoqa phutisqallapuni kaychejchu.

1 Samuel 1:15

Mana jinachu, wiraqochíy, nispa Anaqa kuticherqa: Mana ujyarqanichu ima vinotapis, nitaj poqosqa ujyanastapis, manachayqa sinch'i llakisqa kashani; chay llakiyniytataj Señorpa ñaupaqempi waqashani sonqoy tiyaykunampaj.

2 Corintios 1:11

Qankunapis yanapawayku Diosmanta mañakuspa; ashkhastaj Diosman graciasta qonqanku wañuymanta jark'awasqaykurayku.

1 Corintios 7:32

Munayman ari mana llakiyniyoj kanaykichejta. Solteroqa Señorpa imasninmanta anchata yuyan, Señorman allinta rijch'anampaj.

1 Pedro 4:7

Tukuy imaj tukukuynin qayllapiña. Maychus kajta ruwaspa kausakuychej. Mana sayk'uspataj Diosmanta mañakuychej.

San Mateo 13:22

Khishka ukhuman t'akakoj mujutaj palabrata uyarejman rijch'akun. Mundo imaspi yuyaykuna, qhapajyayta munapayay ima, Diospa palabranta qonqachispa mana poqojta saqenkuchu.

Daniel (hebreo) 3:16

Kinsantin waynastaj kuticherqanku: Kaymantaqa mana ima parlaypis kanchu, nispa.

2 Crónicas 32:20

Chaypacha rey Ezequiasqa, jinataj Amospa wawan profeta Isaiaspis mañakorqa janaj pachamanta yanapata mañakuspa.

1 Samuel 7:12

Chaymantataj Samuelqa uj jatun rumita oqharerqa, Mizpa llajtawan Sen llajtawan tinkuypi churarqa. Chay cheqatataj suticharqa Eben-eser, nispa, chay niyta munan: Kaykama Señorqa yanapawarqayku, nispa.

TAKIYKUNA 2:14

Palomitáy qanqa chhanka jusk'usman pakakunki, millay manchachikuna chhanka jusk'usman pakaykukuwanki. Uyaykita rikurichikuway ari, parlapayarimuway ari. Qampa palabraykeqa sonqoyta t'ikarichiwan, qhawaykachasqaykipis k'acha.

1 Corintios 7:21

Kamachi kashaspachu wajyasqa karqanki? Chaymantaqa ama llakikuychu; atiwaj kacharisqa kayta chayqa, kallpakuy kacharisqa kanaykikama.

1 Reyes 8:28

Chay tukuywampis, qanqa uyarillawankipuni kay kamachiykej mañakusqantaqa, willakususqantapis, Señor Diosníy, uyarispa tukuy qhaparikususqayta mañakususqaytapis qampa ñaupaqeykipi.

Jeremías 32:16

Neriaspa wawan Barucman chay rantisqa papelesta jaywajtiykamataj, kay jinata Señormanta mañakorqani: Qan, Señor, chay jatun atiyniykiwan janaj pachata kay pachatapis ruwarqanki, qampajqa mana imapis mana atikojqa kanchu.

Daniel (hebreo) 6:10

Danieltaj chay papelpi rey Darío sutinta qelqaykusqanta uyarispa, wasinman riporqa. Puñunan wasimpa ventanasninta kicharerqa, chay ventanastaj Jerusalenta qhawariypi karqanku, chaypi qonqorikorqa Diosmanta mañakunampaj, payta yupaychanampajtaj. Chay jinata ruwarqa kinsa kutita sapa p'unchay, yachasqa kasqanman jina.

San Mateo 6:34

Ama phutikuychejchu ari, q'aya p'unchaymanta; imaraykuchus, q'aya p'unchayqa, pay kikinmanta llakiyniyoj. Sapa p'unchaypata tiyan llakiynin.

1 Timoteo 2:1

Ñaupajtaqa munani hermanosman yachachinaykita Diosmanta majakunankuta, mañakunankuta, graciasta Diosman qonankuta, tukuy runakunapaj mañapuspa, tukuy reyespaj tukuy kamachejkunapaj ima, allin kausakuypi kausananchejpaj, ama ima ch'ajwapi Diosta yupaychaspa, cheqanta ruwaspataj kausananchejpaj.

1 Timoteo 5:5

Cheqamanta viudaqa mana piniyoj qhepakun chay, Diosmanta suyan, k'uchi kaywantaj Diosmanta mañakun, tuta p'unchay.