Filipenses 4:19 - Qheshwa Biblia DC

¹⁹ Diosniytaj churapusonqachej tukuy ima pisisusqaykichejta, qhapaj kaynimpi, janaj pacha k'anchaynimpi Cristo Jesuspi, chayman jina.

DIOSPA QHELQACHISQAN DEUTEROCANONICAL

¹⁹ Chayrayku Diosneyqa t'ukuna qhapaj kayninman jina imamantachus pisichikushasqaykichejta Cristo Jesusnejta qosonqachej.

DIOSPA QHELQACHISQ

¹⁹ Chayrayku Diosneyqa t'ukuna qhapaj kayninman jina imamantachus pisichikushasqaykichejta Cristo Jesusnejta qosonqachej.

Quechua South Bolivia: Dios Parlapawanchej

¹⁹ Diosniyka khapaj atiyninmanjina tucuy pisisuskayquichejta junt'achisonkachej Cristo Jesuswan ujchaska caskayquichejraycu.

Filipenses 4:19 Referans Kwoze

Salmos 84:11

Señor Diosqa k'anchawanchej, waqaychawanchejtaj. Señorqa munakun qhawantaj llimphu sonqo kausakojkunata tukuy ima allintataj paykunaman qollampuni.

1 Pedro 5:10

Tukuy imata qoj Diostaj, pichus wajyasorqachej janaj pacha wiñay k'anchayninman Jesucristonejta, pisi p'unchaykunata ñak'arisqaykichejmanta, qhepaman sumajta allinyachisonqachej, thuruyachisonqachej, kallpachasonqachej, sayachisonqachejtaj.

1 Timoteo 6:17

Kay pachapi qhapajkunata kamachiy ama alabakunankuta, amataj kapuyninkupi suyanankuta. Chaykunaqa mana kajlla. Kausashaj Diosqa tukuy imata qowanchej ashkhata chaywan kausananchejpaj.

Miqueas 7:7

Jinapis noqaqa Señorllapi suyasaj, payllapitaj confiakusaj salvawajniy Diospi, imaraykuchus Pay uyariwanqa.

Nehemías 9:15

Qollarqankitaj janaj pacha t'antata yarqhayninkupi sajsachinaykipaj. Yakutapis chhankamanta orqhospa qorqanki ch'akiyninkuta thasnunaykipaj. Chaymantataj nerqanki tiyakapoj yaykunankuta, qonaykita nerqanki chay jallp'aman.

2 Samuel 22:7

Llakiyniypi Señorta wajyakorqani, Diosniymanta yanapata mañakorqani, Paytaj yupaychana wasinmantapacha uyarimuwarqa, qhaparisqasneyqa ningrisninman chayarqanku!

Salmos 36:8

Wasiykipi ashkha mikhuna kajwan paykunaqa sajsakunku, misk'i yaku mayumantataj ujyachinki.

Colosenses 1:27

Paykunaman Dios rejsichiyta munarqa chay pakasqa yachaypata qhapaj k'anchayninta gentiles ukhupi. Chay pakasqa yachaytaj karqa kikin Cristo. Paynejtataj suyankichej janaj pachaj k'anchayninta. Payqa qankunapi kashan.

Efesios 3:16

Janaj pacha qhapaj kayninman jina qosunkichej atiyta, Santo Espiritunejta kallpachasqas kanaykichejpaj.

Colosenses 3:16

Cristoj palabranqa sonqoykichejpipuni kachun. Qankunataj ujkuna ujkunawan yachachinakuychej, sonqochanakuspataj tukuy yachaywan. Señorta agradecekuychej tukuy sonqo salmoswan, himnoswan, Espirituman jina, takiykunawan ima.

Romanos 8:18

Cheqamanta kay p'unchaypi ñak'ariykunaqa, noqapaj mana imachu, nitaj kikinchakuyta atinkumanchu, chay janaj pacha jamoj k'anchaywan, chaytaj noqanchejpi rikuchikonqa.

Efesios 1:7

Paypa yawarninrayku kacharichisqas kanchej. Juchasninchejta pampachan khuyakuyninrayku.

2 Corintios 4:17

Kunanqa pisilla ñak'areyqa. Kay kausayniykutaj usqhayta tukukun. Chay ñak'ariytaj apamuwayku wiñay kusiyta, astawan jatunta, ashkhatataj.

Romanos 9:23

Ajinata ruwarqa janaj pachapi qhapaj kayninta rikuchinampaj, khuyakuyninmanta kajkunaman. Kaytaqa ñaupajmantaña wakicherqa janaj pacha k'anchaynimpi paykunapis kanankupaj.

Efesios 3:8

Diospa tukuy ajllasqasninmanta aswan juch'uy kashajtiypis, Diosqa atiyta qowarqa, Cristoj qhapaj kapuyninta mana rejsiy atina evangeliota gentilesman willanaypaj.

Salmos 130:7

Imaynatachus qhawasiris sut'iyamunanta suyanku, ajinata Israelqa Señorta suyan. Paypi munakuy, salvaciompis tiyan.

Salmos 104:24

Señor, ruwasqasniykeqa may chhika. Tukuy imata yachayniykiwan ruwarqanki. Jallp'aqa ruwasqasniykiwan junt'a kashan.

Efesios 1:18

Yuyayniykichejpa ñawisninta k'anchaspa, yachanaykichejpaj ima suyaymanchus wajyasqas kasqaykichejta; mayqentajchus janaj pachapi qhapaj kaynimpa chayaqen ajllasqaspaj kasqanta.

Efesios 2:7

Kayta ruwarqa, jamoj p'unchaykunapi qhapaj khuyakuyninta, munakuynintawan noqanchejpaj Cristo Jesuspi rikuchinampaj.

Romanos 2:4

Chayrí, Diospa qhapaj khuyakuynintachu qhesachanki, paciencianta, jatun munakuyninta ima? Mana yachashajtillayki munakuynenqa qanta pusasunki Diosman kutirinaykipaj.

2 Crónicas 18:13

Micaiastaj kuticherqa: Señorniyrayku jurani, Diospa niwasqallanta parlasaj, nispa.

Génesis 48:15

Jinaspataj Joseta bendicerqa kay jinata: Tukuy atiyniyoj Dios, pitachus kasorqanku abuelosniy Abraham, Isaacwan; mayqenchus noqata pusaykachakuwarqa nacesqay ratomantapacha, tukuy sajra kajmanta waqaychawaj, ángel, kay wawasta bendicichun. Paykunanejta sutiy yuyarisqa kanampaj, jinallataj tatasniypa sutisnimpis Abrahampata, Isaacpatawan. Paykuna kachunku ashkha wawasniyoj, ashkhas kachunku kay mundopi.

Daniel (hebreo) 6:22

Diosniymin angelninta kachamorqa, paytaj leonespa siminkuta wisq'aykurarqa, mana imananawankupaj, imaraykuchus Dios yachan mana ima juchayoj runa kasqayta, yachallantaj mana ima sajratapis ruwasqayta contraykitaqa, reyníy.

Romanos 11:33

May jina jatumpunichus Diospa qhapaj kaynin, yachaynin, rejsiynimpis. Mana yachay atina yuyasqampis, jinallataj ñankunasnimpis.

1 Pedro 5:1

Qankuna ukhupi kurajkuna kajkunamanta mañakuni, noqapis paykuna jina kurajllataj kaspa; Cristoj ñak'arisqasninta rikorqani, ajinallatataj chayaqeyoj kani, paypa k'anchaynin rikuchikojtin.

1 Tesalonicenses 2:12

Umachajtaj kayku, Diospa wawasnin jina purinaykichejta; payqa wajyasorqachej reinonman, k'anchayninmantaj.

Romanos 1:8

Ñaupajta graciasta qoni Diosniyman, Jesucristonejta tukuyniykichejmanta; imaraykuchus feniykichej uyarikushan mundontimpi.

San Juan 20:27

Kikimpacha Tomasman nerqa: Dedoykita kayman churay, makisniytataj qhawariy, makiykita apamuy, churaykuytaj ukhuyman; amataj iskayrayaychu, astawanqa creey.

San Juan 20:17

Jesús payman nerqa: Ama llankhawaychu, imaraykuchus manaraj Tatayman wicharishanichu; astawanqa hermanosniyman willamuy: Tatayman, Tataykichejman, Diosniyman, Diosniykichejmantaj wicharishani.

Filemón 1:4

Qanmanta yuyarikuspa graciasta qonipuni, Diosniymanta mañakuspa.

2 Corintios 12:21

Manchachikullanitaj, kutimojteyqa Diosniy k'umuykachachinawanta qankuna ukhupi. Ichapis waqanay kanqa, chay ashkha, ñaupajta juchallikojkunamanta, Diosman mana kutirisqankumanta, nitaj saqesqankumanta millay kausayninkuta, qhenchachakuyta, aychaj sajra munaynintapis.

Nehemías 5:19

Yuyarikuy noqamanta Diosníy, allin rinawampaj, kay tukuy imata aylluyrayku ruwasqaymanta!

San Mateo 6:32

Diosta mana rejsej runasqa, kay imasllata anchata mask'anku. Janaj pacha Dios Tataykichejqa yachanña kay tukuy imamanta pisichikusqaykichejta.

Filipenses 4:7

Diospa sonqo tiyakuynintaj, tukuy runaspa yuyayninta atipan, waqaychanqataj sonqoykichejta, yuyayniykichejta ima Cristo Jesuspi.

2 Crónicas 31:8

Ezequiaswan chay llajta kamachejkunawan chay tantasqankuta qhawaj rispataj Señorta Israel ayllutawan bendicerqanku.