Filipenses 3:18 - Qheshwa Biblia DC

¹⁸ Ña niykichejña ashkha kutista. Kunampis waqayniywan nillaykichejtaj Cristoj cruznimpa enemigosnin ashkhas kasqankuta.

DIOSPA QHELQACHISQAN DEUTEROCANONICAL

¹⁸ Imatachus ashkha kutita nerqaykichejña, chayllatataj kunanpis waqaspa nillaykichejtaj: Ashkha runa imaynatachus purisqankuwan yachayta qonku Cristo cruzpi wañusqanpa contranpi kasqankumanta.

DIOSPA QHELQACHISQ

¹⁸ Imatachus ashkha kutita nerqaykichejña, chayllatataj kunanpis waqaspa nillaykichejtaj: Ashkha runa imaynatachus purisqankuwan yachayta qonku Cristo cruzpi wañusqanpa contranpi kasqankumanta.

Quechua South Bolivia: Dios Parlapawanchej

¹⁸ Chayta niyquichej ashqha runas mana chayjinata causaskancuraycu. Ashqha cutisña paycunamanta willarkayquichej. Cunanka wakaywan willashayquichej: Paycunaka Cristoj wañuyninwan ruwaskanta chejnicuspa causancu.

Filipenses 3:18 Referans Kwoze

Efesios 4:17

Kayta ari niykichej, anchatapuni mañakuykichej Señorpa sutimpi; amaña wakin gentiles jina purinaykichejta. Paykunaqa qhasita yuyayninkuman jina purinku.

Isaías 8:11

Señorqa sumajta makiymanta jap'iykuwaspa amapuni kay runaspa ñanninta purinayta yachachiwarqa, nispa: Ama qankunaqa ch'ajwa niychejchu, runas imatapis ch'ajwa nispa nejtinkoqa. Amataj qankunaqa mancharikunkichejchu, paykuna imamantapis mancharikojtinkoqa.

Gálatas 6:12

Tukuy, aychaj munayninta ruwajkunaqa, munanku circuncidachikunaykichejta, ama Cristoj cruzninrayku qhatiykachachikunankupaj.

Gálatas 2:14

Maypachachus rikorqani mana allinta purejta, evangelioj cheqa kayninman jina, chaypacha tukuypa ñaupaqempi Pedroman nerqani: Sichus qan judío kashaspa, gentiles jina kausanki, manataj judío jinachu chayqa, imaraykutaj kamachinki gentilesqa judíos jina kanankutari?

Gálatas 1:7

Cheqamanta mana waj evangelioqa kanchu; manachayqa wakin runakuna tiyan qankunata pantachejkuna, Cristoj evangeliontataj waj jinaman tukuchiyta munanku.

Jeremías 13:17

Sichus mana kasuwankichej chayqa, mayta runaykachasqaykichejrayku pakayllapi waqasaj, ñawisniymanta waqaykuna sururenqanku; Señorpa ayllonqa waj llajtaman presos apasqas kashanku.

2 Pedro 2:10

Astawantaj ñak'arichenqa pikunachus aychaj qhepanta, munapayaypi, millay kausaypitaj purispa, Señorta mana kasunkuchu, chaykunata. Mana manchayniyojkuna, mana kasukojkunataj, jatun atiykunapaj sajrata rimayta mana manchachikunkuchu.

1 Tesalonicenses 4:6

Ama pipis hermanompa kapuyninman yaykuchunchu, nitaj suwachunchu, imaraykuchus Señorqa jasut'enqa kay tukuy imasmanta, imaynatachus nerqaykuña.

Filipenses 1:4

Diosmanta mañakuspaqa, kusikuywampuni tukuy qankunapaj mañani; khuska kausakorqanchej evangelioman jina, ñaupaj p'unchaymantapacha kunankama.

Gálatas 2:21

Diospa khuyakuynintaqa mana qhesachanichu. Sichus leynejta mana juchayoj rikhuriykuman chayqa, qhasi mana kajpaj Cristoqa wañorqa.

2 Corintios 11:29

Pipis onqon chayqa, manachu noqapis onqoni? Pitapis misk'achinku chayqa, noqapis manachu phiñakuni?

2 Corintios 11:13

Chaykunaqa llulla apóstoles kanku, suwa llank'ajkunataj. Paykunaqa Cristoj apostolesninkupis kankuman jina purishanku.

2 Corintios 2:4

Kay cartata escribimushaspa, anchata llakikorqani sonqoypi, mayta waqaspa. Manataj kaytaqa llakichiyta munaspachu escribimuni, astawanqa yachanaykichejpaj imaynatachus qankunata munakusqayta.

1 Corintios 6:9

Manachu yachankichej mana cheqa kajta ruwajkuna, Diospa reinonta chayaqepaj mana jap'inankuta? Ama pantaychejchu, millayta purejkuna, lantista yupaychajkuna, qhenchachakojkuna, qhari kashaspa warmiman rijch'akojkuna, qharipura kakojkuna, ajinallataj suwaspis, mich'aspis, machajkunapis, maldicejkunapis, nitaj ch'aukiyajkunapis Diospa reinontaqa chayaqepaj jap'enqankuchu.

1 Corintios 1:18

Cristoj cruzninmanta parlayqa, uj locoyasqa runaj parlasqanwan ninakun; noqanchej salvasqa kajkunapajtaj Diospa atiynin.

Romanos 9:2

Jatun llakiyniy tiyan, sonqoypitaj mana tukukoj nanay.

San Lucas 19:41

Jerusalén llajta qayllaman chayaspataj, Jesusqa rikuytawan Jerusalenmanta waqarqa, nispa: Allin kanman qampis kay p'unchayniykipi unanchanayki, imachus kausayniykipaj allin kasqanta! Jinapis, kunanqa pakasqa kashan ñawisniykimanta.

Daniel (hebreo) 4:37

Kunan ari, noqa Nabucodonosor, yupaychani, honrani, jatunchanitaj janaj pachapi kaj Reyta, imaraykuchus ruwaynenqa, cheqapuni, cheqantaj. Jatunyakojkunatataj pay k'umuykachachiyta atin.

Judas 1:13

Phiñarisqa mar qochaj yakusnin, paykunaqa kikin p'enqayninkuta phosoqonku, ch'eqerasqa purej qoyllurkuna, pikunapajchus laqhayaypa tutayaynin wiñaypaj waqaychasqa kashan.

2 Tesalonicenses 3:11

Cheqamanta, uyariyku wakinkuna qankuna ukhupi pantasqata purisqankuta, mana imapi llank'aspa, astawanqa tukuy imaman sat'ikuspa.

Hechos 20:19

Llamp'u sonqowan waqaspa Señorpa kamachiwasqanta ruwarqani, jinallatataj ñak'ariykunapipis judíos qhatiykachashawajtinku.

Jeremías 9:1

Imaynapichus ñawisniy yaku juturi jina kanan, jinamanta tuta p'unchay unun paranta waqanaypaj llajtay ukhupi wañurasqankumanta.

Salmos 119:136

Waqay mayus ñawisniymanta llojsin, kamachisqasniyki mana junt'akusqanrayku.

Gálatas 6:14

Noqaqa Señorninchej Jesucristoj cruznillampi kusikuni. Paynejta noqapajqa mundo chakatasqa karqa, noqataj mundopaj.

Levítico 13:8

Sichus chay sacerdote qhawan chay runaj onqoynin astawan miraykusqanta tukuy ukhumpi chayqa, mana llimphu kasqanta nenqa, lepra onqoyniyoj kasqanrayku.