Filipenses 3:1 - Qheshwa Biblia DC

¹ Kunanqa hermanos, kusikuychej Señorpi. Noqapajqa mana imachu escribimusqayqa kikin kikinta, imaraykuchus qankunapaj sumaj allin kasqanrayku.

DIOSPA QHELQACHISQAN DEUTEROCANONICAL

¹ Munasqa wawqe panakuna, kaytapis nillaykichejtaj: Tukuyta Kamachej Jesusman ujchasqa kasqaykichejrayku kusikuychej. Noqaqa imatachus qankunaman qhelqaspa nisusqayta kutin kutinta nispa, mana sayk'unichu, imaraykuchus chayqa qankunapaj allin.

DIOSPA QHELQACHISQ

¹ Munasqa wawqe panakuna, kaytapis nillaykichejtaj: Tukuyta Kamachej Jesusman ujchasqa kasqaykichejrayku kusikuychej. Noqaqa imatachus qankunaman qhelqaspa nisusqayta kutin kutinta nispa, mana sayk'unichu, imaraykuchus chayqa qankunapaj allin.

Quechua South Bolivia: Dios Parlapawanchej

¹ Cunanka, hermanosníy, Señorwan ujchaska cusicuychej. Chay quiquillantataj ujtawan kancunaman kelkamunayka mana sayc'uchiwanchu. Chayka kancunaj allinniyquichejpajmin.

Filipenses 3:1 Referans Kwoze

Filipenses 4:4

Kusikuychejpuni Señorpi. Ujtawan niykichej, kusikuychej.

Romanos 5:11

Mana kayllachu, astawanqa Diospi kusikullanchejtaj, Señorninchej Jesucristonejta, pay Dioswan allinyachiwasqanchejrayku.

Santiago 1:2

Hermanosníy, qankunaqa may sonqo junt'asqa kaychej, imaymana llakiykuna jamusojtiykichej.

1 Pedro 4:13

Astawanqa kusikuychej Cristoj ñak'arisqampi chayaqeyoj kasqaykichejmanta; payqa jatun kaynimpi rikhurimojtintaj, may kusiywan junt'asqa kanaykichejpaj.

1 Tesalonicenses 5:16

Kusisqallapuni kakuychej.

Filipenses 4:8

Kunanqa hermanos, yuyaychej tukuy cheqa kajpi, tukuy allin kajpi, tukuy cheqan kajpi, tukuy ima llimphu kaypi, tukuy allin munakuypi, tukuy ima allin sutiyojpi. Sichus ima atiyllapis kanman, imapis yupaychanapaj jina kanman chayqa, chaypi yuyaychej.

1 Pedro 3:8

Kunanqa tukuyniykichej uj sonqolla kaychej, wajkunapaj sumaj sonqoyoj, hermanospura munanakuspa, khuyakuyniyoj, llamp'u sonqos; ama sajramanta sajrallatataj kutichispa, nitaj maldicionmantapis maldicionllatatajqa; manachayqa bendicispa, imaraykuchus Diosqa wajyasorqachej bendicionta jap'inaykichejpaj.

2 Corintios 13:11

Kunanqa hermanos, kusikuychej, sumajta kausaychej, sonqo tiyakuypi uj yuyaylla kaychej, sonqo tiyakuypi kausakuychej, munakoj sonqo tiyachej Diostaj qankunawan kachun.

2 Pedro 3:1

Munasqa hermanosníy, kaywanqa iskay cartataña qankunaman apachimuykichej; iskaynin cartapitaj k'amiykuspa, llimphu yuyayniykichejta rijch'arichiyta munani.

Efesios 6:10

Chayrayku, kallpachakuychej Señorpi, atiynimpa kallpampi.

San Lucas 1:47

Espirituytaj mayta kusikorqa Salvawaj Diosniypi.

Zacarías 10:7

Efraenqa uj soldado jina kanqa. Sonqonqa vinowampis kashanman jinata kusikonqa. Chayta rikuspari wawasnimpis kusirikullanqankutaj. Sonqonqa kusikonqa Señorrayku!

Sofonías 3:17

Señor Diosniykeqa qanwan khuskamin kashan. Atiyniyojmin payqa, salvasonqataj! Señortaj kusikonqa qanmanta. Munakuyninwan mosoj kausayta qosonqa. Fiestapi jina kusikuynimpi takenqa.

Sofonías 3:14

Sión llajtayoj runas, takiychej! Israel ayllumanta kaj runas, kusiymanta qhapariychej! Jerusalempi tiyakoj runas, kusikuychej. Tukuy sonqoykichejwan kusikuychej!

Joel 2:23

Sión orqopi tiyakojkuna, mayta kusikuychej! Kusikuychej Tukuy Atiyniyoj Señor Diosniykichejpi. Paymin parachimusunkichej maychus kaj tiempompi. Parachimusonqachejtaj chiri tiempopi, jinallataj q'oñi tiempopipis, Imaynachus ñaupa tiempopi kaj ajinata.

Salmos 37:4

Señorta tukuy sonqoykiwan munakuy. Paytaj sonqoykej munasqanta qosonqa.

Salmos 32:11

K'acha runas, Señorpi kusikuychej, kusikuywantaj qhapariychej allin yuyayniyojkuna.

Job 22:26

Tukuy Atiyniyojqa kusiyniyki kanqa, jinamanta mana p'enqakuspa Diosta qhawarinki.

1 Crónicas 29:22

Chay diapeqa mikhorqanku, ujyarqankutaj Señorpa ñaupaqempi may kusiywan. Chaymantataj uj kutitawan nerqanku Davidpa wawan Salomón reyninku kanampaj. Diospa ñaupaqempitaj llimphu aceitewan jawiykorqanku kuraj kamachejninku kanampaj, Sadoctataj sacerdote kanampaj.

Filipenses 3:3

Noqanchejqa cheqamanta circuncisionmanta kanchej, imaraykuchus Diosta yupaychanchej Espirituman jina; kusikunchejtaj Cristo Jesuspi kasqanchejmanta, manataj chay circuncisionkunaspichu confianchej.

San Mateo 5:12

Kusikuychej jatun kusiywan, imaraykuchus jatunmin janaj pachapi t'inkaykichejqa. Ajinallatataj qankunamanta ñaupajta jamoj profetastapis, chejnispa ñak'aricherqanku.

Isaías 61:10

Noqaqa Señorniypi mayta kusikusaj, almaypis mayta Diosniypi kusikonqa, imaraykuchus payqa salvación p'achawan p'achallichiwan, justiciawan qhataykuwan, uj casarakoj runata jina, casarakoj warmita jinataj faluchosninwan sumaj k'achan ch'asqata.

Isaías 41:16

Chaymantaqa wayrachinki, wayrataj apakaponqa, muyoj wayrataj kayman jaqayman t'akaranqa. Qantaj Señorpi kusikunki. Israelpa Santo Diosninmantataj mayta kusisqa yuyarikunki.

Salmos 149:2

Israel ayllu ruwajnimpi kusikuchun, Sión llajta reynimpi qhochukuchun.

Salmos 97:1

Tukuy jallp'a kusikuchun, mar qocha chaupipipis khurus kusikuchunku. Señorqa reymin!

Salmos 42:4

Kaykunapi yuyani chayqa, llakiywan atipachikuni. Diospa wasinman pusasqayta, qhaparispa, kusiywantaj yupaychaspa, chaypachamá jatun fiesta karqaqa.

Salmos 5:11

Kusikuchunku qanman k'askaykojkuna; kusisqaspuni kachunku qan paykunata waqaychasqaykirayku. Munakusojkunaqa qanrayku kusikunku.

Nehemías 8:10

Chay jawa Esdrasqa nillarqataj: Riychej, sumaj sumajllata mikhumuychej, misk'i kaj vinotataj ujyarikamuychej; mana mikhuna chayasqayoj kajta wajyarikuychej, kay diaqa Señorpaj t'aqasqa kasqanrayku. Ama llakikuychejchu, imaraykuchus Señorpa kusikuynenqa kallpachawanchej, nispa.

1 Crónicas 16:10

Llimphu sutinmantaqa parlaychej. Sonqosninkupi kusikuchunku, Señorta mask'ajkunaqa!

1 Crónicas 15:28

Tukuy israelitas ajinata aparqanku allinyakuna Dioswan trato ruwasqa cajonnintaqa, kusiywan qhaparkachaspa, pututuspa ch'ajwaynimpi, trompetaspapi, platillospapi, jinataj salteriosta, arpasta tocarispa.

1 Samuel 2:1

Anaqa kay jinata Señormanta mañakorqa: Señor, tukuy sonqoywan qampi kusikuni, imaraykuchus qanllamin watejmanta kallpachawanki. Chejninakuwajkunaman kutichikuyta atini. Qan yanapawasqaykirayku, kusisqa kashani!

Deuteronomio 16:11

Chay kusikuykunataqa Señor Diosniykichejpa ñaupaqempi ruwankichej, maypichus Pay uj cheqata ajllakorqa, chaypi. Chaytataj ruwankichej wawasniykichejwan, kamachisniykichejwan khuska, chantapis llajtaykichejpi tiyakoj levitaswan, karu llajtayojkunawan, wajcha wawaswan, warmisapaswan ima.

Deuteronomio 12:18

Chaykunataqa atillankichej mikhuyta Señor Diosniykichejpa ñaupaqempi, may cheqatachus pay ajllakorqa chaypi, wawasniykichejwan khuska, kamachisniykichejwan khuskataj. Jinallataj qankunawan tiyakoj levitaswampis. Ajinaqa tukuy ruwasqasniykichejmanta mayta kusikunkichej.

1 Tesalonicenses 4:1

Kay qhepantataj hermanos, qankunamanta mañakuyku, umachaykutaj Señor Jesuspi, imaynatachus noqaykumanta yachachisqas karqankichej, ajinata purinaykichejta, Diosta kusichispa, astawan astawantaj wiñaspa.

Isaías 65:14

Kamachisneyqa tukuy sonqowan sumajta takirikonqanku, qankunataj sonqo nanayta mana piniyoj jina mayta llakiywan waqankichej.

Salmos 33:1

Señorta yupaychaychej sumaj runas, sumaj runaspa jatunchasqan may k'achapuni.