Filipenses 2:8 - Qheshwa Biblia DC

⁸ Runa kaspataj, k'umuykukorqa; paytaj kasukoj kaspa wañuyman rerqa, cruzpi chakatasqa wañumoj.

DIOSPA QHELQACHISQAN DEUTEROCANONICAL

⁸ Payqa runaman tukuspa, pay kikin k'umuykorqa. Diosta kasuspataj, runa wañuchipis kanman jina cruzpi chakatasqa wañorqa.

DIOSPA QHELQACHISQ

⁸ Payqa runaman tukuspa, pay kikin k'umuykorqa. Diosta kasuspataj, runa wañuchipis kanman jina cruzpi chakatasqa wañorqa.

Quechua South Bolivia: Dios Parlapawanchej

⁸ Runa cuerpowan nacecuspa llamp'uchacorka, Diostataj casorka wañuycama. Chay wañuyka sajra runaj wañuyninjina carka, chacatanapi.

Filipenses 2:8 Referans Kwoze

San Juan 10:18

Kausayniytaqa mana pipis qhechuwanmanchu, astawanqa noqa kikiymanta qoni. Atiyniy tiyan kausayniyta qonaypaj, jinallataj watejmanta jap'ikapunaypaj. Kay kamachiytaqa Tataymanta jap'erqani.

Hebreos 12:2

Jesuspi ñawisninchejta churaspa, pichus creenanchejta wakichin, tukuychantaj; paytaj kusikuyta jap'inanrayku, cruzpi ñak'arerqa p'enqakuyta qhesachaspa, Diospa pañanmantaj tiyaykukorqa.

Romanos 5:19

Uj runa mana kasukusqanrayku tukuy runakuna juchallikorqanku. Ajinallatataj uj runa kasukusqanrayku, ashkhas cheqan runaspaj qhawasqas karqanku.

1 Pedro 2:24

Pay kikin cuerpompi juchasninchejta k'aspi cruzpi aparqa, noqanchejta juchaspaj wañusqas kaspa, cheqanta kausananchejpaj. Paypa nanayninraykutaj jucha onqoymanta thañichisqas kankichej.

1 Pedro 3:18

Cristopis juchasrayku uj kutillata ñak'arerqa cheqan mana juchayoj, juchasapasrayku; Diosman pusanawanchejpaj. Cheqamanta aychapi wañorqa, espiritupitaj kausasharqa.

2 Corintios 8:9

Ña rejsinkichejña Señorninchej Jesucristoj khuyakuyninta. Qhapaj kashaspa qankunata munakuspa wajchaman tukorqa. Chay wajcha kayninwantaj qankunata qhapajyachisorqachej.

San Mateo 26:39

Astawan ñaupajman rispa, pampaman k'umuykukuytawan, Diosmanta mañakorqa: Tatáy, atikojtenqa kay ñak'arinay pasachun; chaywampis, ama noqaj munayniychu, qampa munayniyki ruwasqa kachun.

Hechos 8:33

Ñak'ariynimpi karqa. Paywan cheqan kajta mana ruwarqankuchu. Pitaj mirayninmanta willanqari? Kay pachapi qhechorqanku paypa kausayninta.

Tito 2:14

Pay kikin noqanchejrayku wañuyman rerqa, sajra kajmanta kacharichinawanchejpaj, llimphuchawanchejtaj paypa ayllun kananchejpaj, k'uchita tukuy imata allinta ruwanachejpaj.

Gálatas 3:13

Cristo qhechuwarqayku leypa maldicionninmanta. Paytaj noqaykurayku maldicisqa karqa. Chaytaj escribisqa kashan: Maldicisqa kanqa tukuy k'aspipi warkhusqa kajqa, Abrahampa bendicionnin Cristo Jesusnejta gentilesman chayanampaj. Ajina fenejta Dios qonawayku karqa, chay Espirituta jap'inaykupaj.

San Juan 14:31

Mundo yachanan tiyan Dios Tatata munakusqayta, imatachus pay kamachiwarqa chaytapis ruwasqayta. Sayariychej, ripuna kaymanta.

Proverbios 15:33

Señorta manchachikoyqa yachaypi wiñachin; allimpi qhawasqa kanapajqa, ñaupajta llamp'u sonqo kaytaraj yachana.

San Juan 15:10

Kamachisqasniytachus waqaychankichej chayqa, munakuyniypi kakunkichej; imaynatachus noqapis Tataypa kamachisqasninta waqaychani, munakuynimpitaj kashani ajinata.

San Mateo 26:42

Ujtawan rispa mañakullarqataj: Tatáy, ñak'arinaypuni kajtenqa qampa munayniyki ruwasqa kachun.

Salmos 22:16

Alqos jina, uj sajra runas tropa muyuykuwanku, chakisniyta makisniytataj jusk'urawanku.

San Mateo 17:2

Paykunaj ñaupaqenkupitaj Jesusqa uj jinaman tukorqa. Uyanqa inti jina k'ancharerqa; p'achantaj yurajman tukorqa, k'anchay jina.

San Juan 4:34

Jesustaj paykunaman nerqa: Mikhuyneyqa kachamuwajniypa munayninta junt'anay, ruwanantataj tukuchanay.

San Lucas 9:29

Jinapi Diosmanta mañakushajtin, uyampa rijch'aynin waj jinaman tukorqa; p'achampis yuraj lliphipejman tukorqa.

Hebreos 12:4

Manaraj yawarta t'akanaykichejkamachu juchaj contrampi sayaykukorqankichej.