Filipenses 2:13 - Qheshwa Biblia DC

¹³ Diosqa qosunkichej allin munayta, ruwaytataj sumaj munayninman jina.

DIOSPA QHELQACHISQAN DEUTEROCANONICAL

¹³ Ajinata ruwaychej, imaraykuchus Diosmin allin kajta ruwayta munachisunkichej, payllataj ruwanaykichejpaj yanapasunkichej sonqonpa munasqanman jina.

DIOSPA QHELQACHISQ

¹³ Ajinata ruwaychej, imaraykuchus Diosmin allin kajta ruwayta munachisunkichej, payllataj ruwanaykichejpaj yanapasunkichej sonqonpa munasqanman jina.

Quechua South Bolivia: Dios Parlapawanchej

¹³ Yachanquichej Diosmin kancunapi ruwajka. Pay callpachashasunquichej c'acha yuyaskanmanjina ruwayta munanayquichejpaj atinayquichejpajpis.

Filipenses 2:13 Referans Kwoze

2 Corintios 3:5

Manataj noqaykoj yachayniykumantachu jamun, imatapis yuyanaykupaj kikin noqaykojtapis kanman jina; astawanqa yachayniyku Diosmanta jamun.

2 Timoteo 1:9

Pay salvawarqanchej, wajyawarqanchejtaj llimphu kausayman, mana allinta ruwasqanchejraykuchu; astawanqa paypa munakuyninrayku, khuyakuyninrayku ima. Diosqa wajyawarqanchej Cristo Jesuspi, manaraj kay pacha ruway qallarikushajtin.

Romanos 9:16

Ajinaqa Diospa wajyaynenqa mana pejpa munasqanman jinachu, nitaj pejpa kallpasqanman jinachu, manachayqa Diospa khuyakuyninman jina.

1 Corintios 15:10

Chaywampis, Diospa khuyakuyninrayku imachus kani chay kani. Khuyakuynintaj noqapajqa mana qhasipajchu karqa. Chantá tukuyninkumanta astawan llank'arqani; mana noqallachu, astawanqa Diospa khuyakuynin noqapi kasqanrayku.

San Juan 3:27

Juantaj kutichispa nerqa: Mana runaqa imatapis jap'iyta atinchu, manachus Diosmanta qosqa kanman chayqa.

Efesios 1:11

Jinallataj Cristowan chayaqeta jap'erqanchej, tukuy imata ruwaj Diospa munayninman jina, wiñaymantapacha ajllawasqanchejrayku.

1 Corintios 12:6

Imaymana ruwanas tiyan. Dios tukuy imata ruwan tukuypi. Chayampis, Diosqa kikillampuni.

2 Tesalonicenses 1:11

Chayrayku, mañakuykupuni Diosninchej allimpaj jap'isunaykichejta, wajyayninman jina; junt'anantataj tukuy k'acha munayninta, creespa ruwasqaykichejtapis paypa atiyninwan.

Efesios 1:5

Munakuspa wiñaymantaña ajllawarqanchej, Cristonejta paypa wawasnimpaj rejsisqas kananchejpaj, cheqa munayninman jina; khuyakuynimpa jatun kayninta yupaychananchejpaj. Chaywantaj allin qhawasqa kananchejpaj, munakusqan Churimpi.

Efesios 2:8

Diospa khuyakuyninnejta ferayku salvasqas kankichej. Kaytaj mana qankunamantachu jamun, manachayqa Diospa regalon.

1 Reyes 8:58

Sonqonchejta payman k'umuykuchichun tukuynin ñankunasnimpi purinanchejpaj, waqaychananchejpaj kamachisqasninta, leyesninta, nisqasninta ima; ñaupa tatasninchejman kamacherqa chaykunata.

Salmos 119:36

Sonqoyta aysaway kamachisqasniykita mask'anaypaj; ch'ichi qhapajyaykunata amaña munapayanaypaj.

San Lucas 12:32

Juch'uy tropa ovejasníy, ama manchachikuychejchu, imaraykuchus Tataykichejmanqa allin rijch'an qankunaman reinonta qoy.

Efesios 1:9

Munayninman jina pakasqa imasta rejsichiwarqanchej, pay kikin ruwayta munarqa chayta.

San Juan 6:65

Nerqataj: Mana pipis noqaman jamunmanchu, Dios Tatachus mana wajyanman chayqa.

Jeremías 32:38

Paykuna aylluy kawanqanku, noqataj Diosninku kasaj.

Romanos 9:11

Chay wawas manaraj nacerqankuchu, chayrayku mana ruwarqankurajchu allin kajta, nitaj mana allin kajtapis; Diospa munaynin ajllasqanman jina junt'akunampaj. Chaytaj mana runasraykuchu, astawanqa wajyajpa munayninrayku junt'akorqa.

Jeremías 31:33

Jaqay p'unchaykunapi Israelwan tratoyta ruwasaj chayqa, kay jina kanqa: Leyniyta sonqosninkuman churasaj, chantá yuyayninkumampis qelqaykullasajtaj. Noqa Diosninku kasaj, paykunataj aylluy kanqanku. Noqa Señor chayta nini.

Proverbios 21:1

Reypa yuyaynenqa Señorpa makimpipuni kashan, chayqa larq'a yaku jina purin, Señor imaynatachus munasqanman jina.

Esdras 1:1

Persiamanta kaj rey Ciro uj watataña kamachishajtin, Señorpa parlasqan, Jeremiaspa siminnejta junt'anampaj, Señorqa rey Ciroman umallicherqa. Tukuynin reinompi kajkunaman willaracherqa, parlaypi, qelqasqapiwan kay kamachisqata:

Esdras 7:27

Chaypacha Esdrasqa Diosta yupaycharqa kay jinata: Tatasniykojpata Diosnenqa Señornintaj yupaychasqa kachun, Pay churarqa reypa sonqompi Jerusalempi kaj Señorpa templonta jatunchanampaj.

Esdras 1:5

Chaypacha Judá ayllumanta, Benjamín ayllumantawan kuraj runas wakichikorqanku Jerusalenman rinankupaj, Señorpa wasinta ruwamunankupaj. Jinallatataj wakichikorqanku sacerdotes, levitas, chantapis pikunatachá Dios umacharqa chaykuna ima.

2 Crónicas 30:12

Jinallatataj Judamanta kaj runaspis Diosqa sonqosninkuta kuyucherqa, reypa jinataj kamachejkunaspa nisqankuman jina junt'anankupaj, Señor imaynatachus kamachisqanman jina.

San Juan 6:45

Profetaspa escribisqasnimpitaj jinata nishan: Dios tukuyninman yachachenqa. Jinataj, Dios Tatamanta uyarejkuna, paymanta yachakojkunataj noqaman jamunku.

Isaías 26:12

Señora, qanlla sonqo tiyakuytaqa qowasqayku; qanlla tukuy ruwasqasniykuta, noqaykupaj ruwanki.

Salmos 141:4

Yuyayniymanta sajra imasta karunchaway, amataj saqewaychu sajra imasta ruwajta, nitaj saqewaychu millayta ruwajkunawan qhochukusninkupi ujchakunayta.

Nehemías 2:4

Imatataj qanrayku ruwaymanri?, nispa reyqa tapuriwarqa. Chaypacha janaj pachapi kaj Diosmanta mañarikorqani.

1 Pedro 1:3

Yupaychasqa kachun Dios, Señorninchej Jesucristoj Tatan. Paya jatun khuyakuyninrayku watejmanta nacichiwarqanchej, kausay suyayta qonawanchejpaj, Jesucristo wañusqakunamanta kausarimusqanrayku, jap'inanchejpaj mana ismoj, mana ch'ichiyoj, nitaj ch'akipoj chayaqeta. Chaytaj janaj pachapi qankunapaj waqaychasqa kashan.

Hechos 11:21

Diospa atiynin paykunawan karqa, chayrayku ashkhas creespa Señorman kutirikorqanku.

Salmos 110:3

Atipasqayki llajtapi, aylluyki qanman jaywaykusonqa, santo orqos patapi. Sut'iyay chhulla jina, wayna kayniyki mosojchakun sapa p'unchay.

Job 33:29

Ajinata Diosqa runamanta yuyarikun, iskay kutikama, chayri kinsa kutikama,

Romanos 12:3

Dios khuyakuyninta qowasqanrayku, sapa ujniykichejman niykichej, ama qankuna kikiykichejmanta astawan kasqaykichejta yuyakunaykichejpaj. Manachayqa sapa uj pay kikinmanta maychus kajta yuyachun, Dios sapa ujman fewan qosqanman jina.