Filipenses 1:10 - Qheshwa Biblia DC

¹⁰ Aswan allin kajta ajllanaykichejpaj, cheqan sonqoyoj kanaykichejpaj, mana k'aminas Cristoj p'unchaynimpi kanaykichejpaj.

DIOSPA QHELQACHISQAN DEUTEROCANONICAL

¹⁰ Ajinamanta imachus aswan allin kajta ajllayta yachankichej, Cristoj kutimunan p'unchaypi llimphu sonqoyoj, mana k'amina kanaykichejpaj.

DIOSPA QHELQACHISQ

¹⁰ Ajinamanta imachus aswan allin kajta ajllayta yachankichej, Cristoj kutimunan p'unchaypi llimphu sonqoyoj, mana k'amina kanaykichejpaj.

Quechua South Bolivia: Dios Parlapawanchej

¹⁰ Ajinata mosoj causayniyquichejpi ajllanquichej aswan allin cajtapuni. Cristoj cutimunan p'unchaypajtaj llimphu sonkoyoj mana juchayojpis canquichej.

Filipenses 1:10 Referans Kwoze

Romanos 12:2

Ama kay mundoj munayninman jina puriychejchu, astawanqa yuyayniykichejpa mosoj kayninman jina allinta kausaychej, yachanaykichejpaj mayqenchus Diospa munaynin kasqanta, k'acha, kusichej, junt'asqataj.

1 Tesalonicenses 3:13

Sonqosniykichej llimphu kausaypi kallpachasqas kachunku, mana k'amiyniyoj Dios Tatanchejpa ñaupaqempi, Señorninchej Jesucristo, tukuy ajllasqasninwan jamunankama.

1 Tesalonicenses 5:23

Sonqo tiyachej Diosqa allintapuni qankunata llimphuchachun. Tukuy kayniykichej, espirituykichej, almaykichej, ukhuykichejpis mana k'aminayoj waqaychasqas kachunku Señorninchej Jesucristo jamunankama.

Romanos 2:18

Diospa munayninta rejsinki, leynejta yachachisqa kanki, aswan allin kajtapis, walej kasqanta ninki.

Efesios 5:10

Allinta yachaychej, imachus Señorpaj k'acha kasqanta.

1 Juan 4:1

Munakusqasníy, ama pillatapis Diospa yuyaychasqan kani nejkunataqa creeychejchu; allintaraj paykunata rejsiychej Diosmantachus kanku, manachus chayta, imaraykuchus ashkha llulla profetas tukuynejpi rikhurishanku.

Filipenses 1:6

Kay imasmanta yachaspataj, allin ruwayta qankunapi Dios qallarerqa. Payllataj tukuychanankama ruwallanqapuni Jesucristoj jamunan p'unchayninkama.

1 Tesalonicenses 5:21

Sumajta tukuy imata qhawaychej, allin kaywantaj kakuychej.

1 Corintios 1:8

Paytaj sinch'ita sayachisonqachej tukukuykama, ama pipis k'amisunaykichejpaj, Señorninchej Jesucristoj p'unchaynimpi.

Apocalipsis 2:2

Ruwayniykita, llank'asqaykita, pacienciaykitawan rejsini. Yachanitaj sajra runastapis mana rikuyta atisqaykita; apóstoles kayku nejkunatapis pruebaman churasqaykita; llullas kasqankutataj rikurichimusqaykita.

Efesios 5:27

Pay kikimpaj rikuchinampaj uj sumaj qhawasqa iglesiata, mana ch'ichiyojta, mana k'usuyojta, nitaj chay imasman rijch'akojta. Manachayqa juchamanta t'aqasqata, llimphuchasqatataj rikuchinampaj.

San Juan 1:47

Jesustaj, Natanaelta payman qayllaykushajta rikuspa, nerqa: Kaymá cheqa israelitaqa, paypitaj ni ima llullakuypis kanchu.

San Mateo 16:23

Jesustaj kutirikuspa Pedroman nerqa: Riy kaymanta Satanás. Qanqa misk'achiyta munawanki. Imaraykutaj mana Diospa imasnimpi yuyankichu? Qanqa runakunaj imasnillampi yuyashanki.

Josué 24:14

Kunanqa Señorta manchachikuychejpuni, paypa nisqanta cheqamanta tukuy sonqo ruwaychej. Ñaupa tatasniykichej yupaycharqanku chay lantismanta t'aqakuychej, chaykunata paykunaqa yupaycharqanku Eufrates mayu cantopi, chanta Egiptopi ima. Qankunaqa Señortapuni yupaychaychej.

2 Corintios 1:12

Noqaykoj kusikuyniykoqa kay jina kashan: Sonqoyku niwayku allinta, llamp'u sonqos, maychus kajta purisqaykuta. Manataj runaj yachayninman jinachu, astawanqa Diospa khuyakuyninman jina allinta kausakorqayku kay pacha runaswan, astawanqa qankunawan.

Romanos 12:9

Munakuspaqa, ama munakojllamanchu rijch'akuychej. Sajra kajta chejniychej, allin kajtataj ruwaychej.

Romanos 8:7

Chayrayku aychaj sajra yuyaynenqa Diospa contrampi; imaraykuchus Diospa leyninwan mana kamachichikunchu, nitaj kasuyta atinchu.

San Mateo 26:33

Pedrotaj Jesusman nerqa: Tukuyninku saqesojtinkupis, noqaqa manapuni jayk'ajpis qanta saqesqaykichu.

Miqueas 3:2

Chaywampis qankunaqa, allin kajta chejninkichej munakunkichejtaj sajra kajta, qankuna aylluytaqa qaranta ch'uskinkichej q'ara tullusllatataj saqenkichej.

Job 34:3

Ningreqa uyarispa yachan pejpa palabranchus kasqanta, jinallataj mallq'aqa rejsin ima q'apaychus kasqanta.

Job 12:11

Cheqamanta ningreqa rejsin pejpa parlayninchus kasqanta, jinallataj mallq'apis rejsin ima mikhunachus kasqanta.

Génesis 20:5

Noqamanqa kikin Abraham niwan Saraqa paypata panallan kasqanta, Sarapis nillawantaj Abrahamqa turampuni kasqanta. Chayrayku noqaqa allinmanta ruwani mana kajtachu tukuy cheqan sonqoywan.

Filipenses 1:16

Kaykuna ruwanku tukuy munakuywan, yachaspa chaypaj churasqa kasqayta evangelioj allinninta sayaykukunaypaj.

Efesios 6:24

Diospa khuyakuynin kachun, Señorninchej Jesucristota tukuy wiñaypaj munakojkunaman.

Efesios 4:15

Chayrayku cheqa kajta qhatikuspa, munakuypi Cristowan khuska wiñana tukuy imapi; imaraykuchus Cristomin umaqa.

Gálatas 5:11

Hermanos, sichus noqa circuncisionmantaraj willani chayqa, imaraykutaj judíos qhatiykachawanku? Jina kanman chayqa, cruzmanta misk'ana mana kanmanchu.

2 Corintios 8:8

Mana kaytaqa kamachej jinachu niykichej, imaraykuchus munani yachanaykichejta imaynatachus ujkuna ruwanku tukuy sonqo. Ajinataj kachun qankunajtapis munakuyniykichejqa.

2 Corintios 6:3

Mana pipajpis ima misk'anatapis churarqanichu, ama p'enqayta rinankupaj noqaykoj ruwasqaykumanta.

2 Corintios 2:17

Mana noqaykoqa wakinkuna jinachu kayku, Diospa palabranta q'ewirispa parlajkuna; astawanqa tukuy sonqo, Diosmanta kajkuna jina, Cristomanta parlaspa Diospa ñaupaqempi.

1 Corintios 10:32

Ama misk'achiychejchu judiosta, nitaj gentilesta, nillataj Diospa iglesiantapis.

1 Corintios 8:13

Chayrayku lantiman jaywasqata mikhusqaychus hermanoyta misk'achinman chayqa, mana jayk'ajpis aychata mikhusajchu, hermanoyta ama misk'achinaypaj.

Romanos 16:17

Hermanos, mañaykichej allinta qhawakunaykichejta, t'aqanachejkunamanta, misk'achejkunamanta ima, imaraykuchus paykunaqa, yachakusqaykichejmanta waj yachachiyta yachachinku. Chaykunamanta t'aqakuychej.

Romanos 7:22

Sonqoypeqa Diospa leynimpi kusikuni.

Romanos 7:16

Imatachus mana munanichu chayta ruwani. Chayrayku yachani chay ley allin kasqanta.

Hechos 24:16

Chayrayku atisqayta ruwani, tukuy kausayniypi llimphu sonqo kanaypaj Diospa ñaupaqempi, runaspa ñaupaqenkupipis.

San Juan 3:20

Tukuy sajrata ruwajqa k'anchayta chejnin; manataj k'anchayman jamunchu, sajra ruwasqasnin ama sut'inchasqas kanankupaj.

Filipenses 2:16

Diospa wiñay kausaj palabranmanta jap'ikuychej, Cristoj p'unchaynin jamojtin, noqa kusikunaypaj, imaraykuchus mana qhasipajchu purerqani, nitaj qhasipajchu llank'arqani.