Ezequiel 8:3 - Qheshwa Biblia DC

³ Chay runaman rijch'akojtaj makinta aysarimuspa chujchaymanta aysariwarqa. Chanta Diospa atiynin jallp'amanta pataman oqhariwarqa. Diosqa mosqoypi jina Jerusalenman pusawarqa, llajtaman yaykuna ukhu punkunejman churawarqa wichaynejman. Chaypi tarikun Señorta phiñachej lanteqa.

DIOSPA QHELQACHISQAN DEUTEROCANONICAL

³ Chay runaman rijch'akojtaj makinta aysarimuspa, chujchaymanta jap'iwarqa. Chantá Diospa Espíritun jallp'amanta pataman oqhariwaspa, mosqoypi jina Jerusalenman apawarqa. Chaypitaj Temploj ukhu kaj pationpi wichaynejman qhawaj punkuman churaykuwarqa, maypichus Tata Diosta phiñachej lanti kasharqa, chayman.

DIOSPA QHELQACHISQ

³ Chay runaman rijch'akojtaj makinta aysarimuspa, chujchaymanta jap'iwarqa. Chantá Diospa Espíritun jallp'amanta pataman oqhariwaspa, mosqoypi jina Jerusalenman apawarqa. Chaypitaj Temploj ukhu kaj pationpi wichaynejman qhawaj punkuman churaykuwarqa, maypichus Tata Diosta phiñachej lanti kasharqa, chayman.

Ezequiel 8:3 Referans Kwoze

Deuteronomio 32:16

Waj dioskunata yupaychaspa Diosta mayta phiñacherqanku. Millay lantisninkuwan phiñakuyninta k'ajaricherqanku.

Ezequiel 11:1

Diospa atiynin pataman oqhariwarqa. Apawarqataj Señorpa wasinman, inti llojsimuy punkunnejman. Chay punkupi iskay chunka phishqayoj runas kasharqanku. Paykunawan khuskataj Azurpa wawan Jaazaniasta rikorqani, chantá Benaiaspa wawan Pelatiastawan, paykunaqa ayllupi kamachejkuna karqanku.

Ezequiel 5:11

Chantapis Señorqa nin: Noqa kausayniyrayku jurani, tiyakunay cheqanta chhika millay juchaswan ch'ichichasqaykirayku noqapis qanta qhesachasqayki, mana perdonasqaykichu, nitaj khuyakusqaykichu.

Daniel (hebreo) 5:5

Chay rato uj runa maki rikhurimorqa, k'anchaypitaj dedonwan qelqayta qallarerqa, reypata palaciompa yuraj perqampi. Reytaj chay qelqaj makita rikuytawanqa, q'elluman tukorqa, chanta, manchachikuspa kharkatiterqa chakisninmanta umankama.

Ezequiel 40:2

Diosqa mosqoypi jina Israelpa jallp'anman pusamuwarqa. Chay loma patapitaj uray ladonejpi uj jatun llajtaman rijch'akoj karqa.

Ezequiel 11:24

Chaymanta Diospa atiynenqa oqhariwaspa Babiloniaman kutirichiwarqa, jap'isqas kasharqayku chayman. Kaytaqa Diospa espíritun mosqoypi jina rikuchiwarqa. Chantá chay mosqoypi jina rikhurejqa chinkaporqa.

Ezequiel 2:9

Qhawarispataj rikorqani, noqaman uj makita aysarimushajta, chay kikimpitaj karqa uj k'uyusqa libro.

Deuteronomio 32:21

Mana dios kajta yupaychaspaqa, sonqoyta nanachiwanku. Lantista ruwakuspa phiñachiwanku. Noqapis paykunaj sonqonkuta nanachisaj, uj manakaj aylluta munakuspa, uj manakaj runaswan paykunata phiñachisaj.

Deuteronomio 6:15

Señor Diosniykichejqa qankunawan kashan. Pay manapuni munanchu waj dioskunata munakunaykichejta. Payqa atin sinch'ita phiñakuyta, jinamanta chinkachisunkichejman.

Deuteronomio 5:9

Ama chaykunaman qonqorikunkichu, ama yupaychankichu; imaraykuchus noqamin Señor Diosniykeqa kani, sinch'i, Dios celoso, noqata chejniwajkunaj juchasninkuta jasut'ej, tatasninkoj juchasninkuta wawasninkupi jasut'ini, chanta allchhisninkupi, nieto allchhisninkupi ima.

Deuteronomio 4:24

Señorniykichejqa ujllapi q'olarparej nina jinamin, payllata munakunaykichejta munan.

Éxodo 20:5

Ama qonqorikunkichu chaykunaman, ama yupaychankichu; imaraykuchus noqamin Señor Diosniykeqa kani, sinch'i, Dios celoso, noqata chejniwajkunaj juchasninkuta jasut'ej, tatasninkoj juchasninkuta wawasninkupi jasut'ini, chantá allchhisninkupi, nieto allchhisninkupi ima.

Hechos 8:39

Yakumanta llojsimusqankumantataj, Diospa Espíritun Felipeta pusakaporqa. Etiopeqa Felipeta mana rikorqañachu. Ñannintataj may kusisqa riporqa.

Daniel (hebreo) 10:18

Runaman rijch'akojqa, ujtawan llankharillawarqataj, mosoj kallpata qowaspa; niwarqataj: Ama manchachikuychu, amataj llakikuychu. Diosmin munakusunki. Umachakuy, kallpachakuytaj! Pay parlashawajtillanraj, reparakorqani watejmanta umachakushasqayta; chanta nerqani: Señorníy, parlaway, kallpayta kutichipuwankiña.

Daniel (hebreo) 10:10

Chay rato, uj maki jap'iykuwaspa aysariwarqa, thalariwaspa qonqorisqata, makisniytataj pampaman churasqasta saqewarqa.

Ezequiel 8:5

Chantá niwarqa: Runa, wichaynejman qhawariy, nispa. Noqataj wichaynejta qhawarerqani, punku yaykuna cheqapitaj altarpa punkun chaypi Señorta phiñachej lantita rikorqani.

Ezequiel 7:20

K'acha imasninkunejtataj jatunchakorqanku, imaraykuchus chaykunawan millay lantisninkuta ruwakorqanku. Chayrayku noqaqa chay k'acha imasninkutaqa q'opaman tukuchisaj.

Ezequiel 3:14

Diospa atiynin jap'iwaspa jaqaymanta orqhowarqa, noqataj may llakisqa waqaspataj riporqani. Chaywampis Señorqa sinch'ita makinwan jap'iwarqa.

Ezequiel 3:12

Chaymanta Diospa atiynin oqhariwarqa, chaymantapacha uj parlamojta uyarerqani, jatunmanta sonajtata, chaytaj nerqa: Señorpa jatun kaynenqa mayllapipis tarikojtin yupaychasqa kachun.

Jeremías 32:34

Llimphuchasqa yupaychanay wasiyta uj p'enqaypi rikhuricherqanku, chayman chay millay lantisninkuta churaykuspa.

Jeremías 7:30

Señorqa nillantaj: Judamanta runasqa mana walejtachu rijch'ayniypi ruwanku: Chay millachikuna lantisninkuta noqapaj t'aqasqa chay yupaychanawanku wasiyman churarqanku, chaywantaj ch'ichicharqanku.

Salmos 78:58

Manakaj altaresninkuwan phiñacherqanku, mana kaj dioskunata yupaychaspa tumpachikorqanku.

2 Reyes 21:7

Asera lantita ruwaspa Señorpa wasinman churarqa, mayqenmantachus Señorqa Davidman, wawan Salomonmanwan nerqa: Kay Jerusalén templori sutiy wiñaypaj kanqapuni. Kay templotaqa noqa ajllakorqani tukuynin Israel ayllumanta.

2 Reyes 16:14

Acazqa Señorpa wasimpa ñaupaqempi broncemanta altarta qayllaykuchimorqa wasej ñaupaqenman. Churarqataj Señorpa wasinwan chay altarwan kasharqa chay chaupiman pata ladonejman.

2 Reyes 2:16

Nerqankutaj: Kamachisniykiwan, phishqa chunka wapu qharis tiyan, paykuna rispa yachachejniykita mask'amuchunku; ichapis Señorpa Espíritun oqharispa, orqo patasmanchus, Chayri pampamanchus wijch'uykun. Paytaj nerqa: Amaña kachaychejchu, nispa.

1 Reyes 18:12

Noqa ripojtiytaj, Señorpa Espíritun wajnejman mana yachasqayman apasonqa. Noqa rispa Acabman willamojtiy, qanta mana taripasuspataj payqa wañuchiwanqa ari. Kay kamachiykeqa Señorta manchachikun juch'uyninmantapacha.

Josué 24:19

Josuetaj paykunaman nerqa: Qankunaqa manapuni Señortaqa kasuyta atiwajchejchu, imaraykuchus payqa llimphu Diosmin, manataj ima sajratapis ruwajta saqellanchu. Payqa mana saqellasonqachejchu paypa contrampi kajta, nitaj juchasniykichejtapis.

Éxodo 34:14

Amapuni ni mayqen diosninkuman k'umuykuspa yupaychankichu, imaraykuchus Señorpa sutenqa may manchachikunamin, Diosqa may celoso.

Éxodo 20:4

Ama ni ima lantita ruwakunkichu, ni patapi cielopi kajman rijch'akojta, ni urapi jallp'api kajman rijch'akojta, nitaj yakuspi kajman rijch'akojtapis.

Ezequiel 1:1

Kinsa chunka watapi, tawa kaj killampi phishqa p'unchaynimpi, llajtankumanta wijch'usqas runakunaj chaupimpi kasharqani, Quebar nisqa mayu cantopi. Chaypacha janaj pacha kicharikorqa, Diostataj mosqoypi jina rikorqani.

Ezequiel 10:3

Chay ratopi querubinesqa Diosta yupaychana wasej paña ladompi kasharqa. Ukhu kaj patioman phuyu junt'aykorqa.

Ezequiel 37:1

Señorqa makinwan llankharimuwarqa, Señorpa Espirituntaj uj valleman pusawarqa. Chay valletaj tulluswan junt'a karqa.

Ezequiel 43:5

Espíritu oqhariwaspa uqhu patioman pusaykuwarqa. Chaypi rikorqani Señorpa k'anchaynin Diosta yupaychana wasiman junt'aykusqata.

Ezequiel 43:8

Diosta yupaychana wasiman k'askasqata ruwakorqanku. Uj perqallawan t'aqaspa Diosta yupaychana wasita paykunaj wasinkutawan ruwarqanku, millay juchasta ruwaspataj sutiyta ch'ichicharqanku. Chayrayku may phiñakuyniypi paykunata wañuracherqani.

Ezequiel 9:2

Chantá rikorqani, wichaynejpi kaj punkumanta sojta runas yaykumushajta, sapa ujninku armayoj karqanku. Paykunawan khuska lino nisqa yuraj p'achayoj runa jamusharqa. Chumpimpi churasqa kasharqa, imaschus qelqanapaj karqa chay herramientas. Paykuna yaykumuytawan broncemanta altar qayllapi sayarqanku.