Ezequiel 7:3 - Qheshwa Biblia DC

³ Israel, chayamunña tukukuyniykeqa. Phiñakuyniyta pataykiman urmachimusaj. Purisqaykimanta cuentata mañasqayki, millay imasta ruwasqasniykimantataj jasut'isqayki.

DIOSPA QHELQACHISQAN DEUTEROCANONICAL

³ Israel, tukukunayki p'unchayqa chayamushanña, noqataj may phiñasqa qanman jamushayki. Purisqaykimanta cuentata mañasqayki, millayta ruwasqaykikunamantataj jasut'isqayki.

DIOSPA QHELQACHISQ

³ Israel, tukukunayki p'unchayqa chayamushanña, noqataj may phiñasqa qanman jamushayki. Purisqaykimanta cuentata mañasqayki, millayta ruwasqaykikunamantataj jasut'isqayki.

Ezequiel 7:3 Referans Kwoze

Ezequiel 18:30

Chayrayku, Israel ayllu, sapa ujta purisqaykichejman jina cheqanchasqayki chej. Noqa Señor chayta nini. Ujkama sajra ruwaykunata saqepuychej, kutirimpuychejtaj, ajinamanta ama sajra kausayniykichej llakiyta apamunampaj.

Ezequiel 5:13

K'ajaj phiñakuyniyta thasnuchisaj. Tukuy phiñakuyniywan paykunaman samarakusaj. Paykunata jasut'isqaypi sonqoyta samarichisaj. Chay jinamanta yachanqanku, noqa paykunamanta tukukuspa parlasqayta, phiñakuyniywan paykunapi samarikusqayta.

Ezequiel 33:20

Qankunataj ninkichej: Señorqa mana cheqa kajman jinachu ruwashan, nispa. Noqataj qankunata israelitas sapa ujniykichejta ruwasqasniykichejman jina cheqanchasqaykichej.

Ezequiel 16:38

Casarakuspaña waj qhariwan qhenchachakoj warmita jina jasut'isqayki, runa wañuchista jinataj. Phiñakuywan, tumpaywantaj wañuchichisqayki.

Ezequiel 36:19

Chaynejta paykunataqa waj llajtasman wijch'orqani, waj jallp'aspi ch'eqerasqastaj rikhurerqanku. Millayta kausasqankumanta, sajra ruwasqankumantawan ajinata jasut'erqani.

Ezequiel 7:27

Reyqa llakikuy p'achata churakonqa. Kamachejqa jatun llakikuypi rikhurenqa, runakunataj tukuynin kharkatitenqanku. Purisqankuman jina paykunata ruwasaj, cheqanchasajtaj, imaynatachus paykuna cheqanchanku ajinata. Ajinamanta rejsiwanqanku noqa Señor kasqayta.

Isaías 47:7

Qanqa nerqankitaj: Wiñaypaj noqaqa kamachejllapuni kasaj, nispa. Qanqa kay imasmanta mana yuyarerqankichu, manataj yuyarikorqankichu imaynapichus tukukunaykita.

Ezequiel 7:4

Mana perdonasqaykichu nitaj khuyakusqaykichu. Sajrata purisqaykimanta jasut'isqayki, millay ruwasqasniykitataj sut'inchasqayki. Chaymantaraj, yachankichej noqa Señor kasqayta.

Ezequiel 21:25

Qampajrí, Israelpa reynin, runa wañuchi sajra rey, jasut'isqa kanayki p'unchayqa qayllamunña, sajra imasta ruwanayki tukukunampaj.

Ezequiel 22:31

Chayrayku paykunaj patankuman jasut'iyta urmachimorqani. Nina k'ajaj phiñakuyniywantaj paykunata tukucherqani, paykuna sajra kausaypi purisqasninkuman jina. Noqa Señormin chayta nini.

Amós 8:2

Paytaj tapuwarqa: Amós, imatá rikunki. Kuticherqanitaj: Uj poqosqa frutayoj canastata rikuni, nispa. Señortaj niwarqa: Israel aylluypa jasut'iynin chayamunña, manaña ujtawampis juchasninta pampachasajchu.

Jeremías 13:14

Kaymantataj paykunata wich'ista jina phirirasaj, tatasta wawasnintawan. Paykunata mana khuyakuspa mana ujniyojta tukuchisaj. Noqa Señor chayta nini.

Ezequiel 5:12

Qankuna ukhupi kinsaman t'aqasqamanta uj t'aqa, onqoywan wañuranqanku, chayri yarqhaywan qankuna chaupipi tukukonqanku. Uj t'aqataj espadawan wañurachisqas muyuyniykipi kanqanku. Ujnin t'aqatataj tukuynejman ch'eqerachisaj, paykunaj qhepantataj espadawan qhatiykusaj.

Ezequiel 9:10

Chayrayku noqapis paykunamanta mana uj pisillatapis khuyarikusajchu, manachayqa tukuy sajra purisqankumanta cuentata mañasaj.

Ezequiel 11:21

Chantapis pikunachus sajra imasta ruwaspallapuni kausanqanku, millachikunapaj imasta ruwaypitaj, chaykunamanta cuentata mañasaj. Noqa Señor chaytaqa nini.

Ezequiel 16:43

Sipas kasqaykimanta qonqakaporqanki sajra imasta ruwaspa, millay juchapi purispataj phiñachiwarqanki. Chayrayku, noqaqa chay purisqaykiman jina jasut'isqayki. Manapuni yuyarqankichu manchayta k'achanchakusqaykimantapis. Noqa Señormin chaytaqa nini.

Ezequiel 16:59

Noqa Señormin nini: Ruwasqasniykiman jina qosqayki. Qanqa juramento ruwasqasniykita pak'erqanki, manataj trato ruwasqaykita junt'arqankichu.

Ezequiel 24:14

Noqa Señor chaytaqa nini, junt'akonqataj. Mana qhepaman kutirisajchu, manataj khuyakusajchu, nitaj llakirikusajchu. Ruwasqasniykiman jina, purisqasniykiman jinataj jasut'isqayki, nin Señorqa.

Oseas 12:3

Jacob manaraj nacekushaspa hermanompa jap'inanta qhechorqa, ña runaña kaspañari Dioswan maqanakorqa.