Ezequiel 26:1 - Qheshwa Biblia DC

^1-2 Chunka ujniyoj watapi, killamanta ñaupaj kaj p'unchaynimpi Señor parlamuwaspa niwarqa: Runa, Tiroqa Jerusalenmanta alqochakun, kay jinata nispa: Walejpacha, llajtakunaj qhatu ruwanankupaj yaykunan punkoqa phirisqaña. Noqamantaj mit'aqa chayamuwan. Noqamanñataj qhapajyay mit'aqa chayamuwan.

DIOSPA QHELQACHISQAN DEUTEROCANONICAL

¹ Babiloniaman apasqa kasqayku chunka ujniyoj wataña kashajtin, wata qallariy killapi, killa qallariy p'unchayta Tata Dios niwarqa:

DIOSPA QHELQACHISQ

¹ Babiloniaman apasqa kasqayku chunka ujniyoj wataña kashajtin, wata qallariy killapi, killa qallariy p'unchayta Tata Dios niwarqa:

Ezequiel 26:1 Referans Kwoze

Ezequiel 20:1

Qanchis kaj watapi, phishqa killamanta chunka p'unchay kashajtin, Israelpa kuraj runasninmanta wakin jamorqanku Señorta tapurikoj, ñaupaqeypitaj tiyarakorqanku.

Ezequiel 8:1

Sojta watamanta sojta kaj killampi, phishqa p'unchay kashajtin, wasiypi tiyasharqani, Judamanta kaj kurajkunapis noqawan khuska tiyarishallarqankutaj. Chaypacha Señorqa makinta patayman churaykamuwarqa.

Ezequiel 1:2

Rey Joaquinta jap'ispa apasqankumanta phishqa wataña kashajtin, tawa kaj killamanta phishqa kaj p'unchaynimpi, noqa Buzej wawan sacerdote Ezequielman Señorqa parlamuwarqa caldeospa jallp'ampi, Quebar mayu cantopi. Chantá Señorqa makinta patayman churaykuwarqa.

Jeremías 39:2

Isq'on kaj p'unchaypi, tawa kaj killapi rey Sedequías chunka ujniyoj watastaña kamachishajtin enemigo soldadosqa perqata jusk'uspa llajtaman yaykuykorqanku.

Ezequiel 25:17

Paykunamantaqa aynita ruwaspa ruwakusaj. K'ajaj phiñakuywan paykunata jasut'isaj. Chay jinata ruwajtiy chaypacharaj noqa Señor kasqayta rejsiwanqanku.

Ezequiel 29:1

Chunka watamanta, chunka kaj killapi, chunka iskayniyoj p'unchay kashajtin, Señorqa parlamuwarqa niwarqataj: Runa, Egipto llajtaj reynin faraompa contranta parlay, chantá tukuy Egiptoj contrantawan.

Ezequiel 29:17

Iskay chunka qanchisniyoj watamanta, ñaupaj killampi ñaupaj p'unchay kashajtin, Señor parlamuwarqa kay jinata: Runa, Babiloniaj reynin Nabucodonosorqa soldadosninta Tiro naciompa contranta kachaykorqa. Maqanakorqankutaj ch'ajwapi uma q'arakuyta, wasa llikhikuyta, chaywampis payqa, nitaj soldadosnimpis, ni ima pagota, Tiro llajtayojkunawan maqanakusqampeqa jap'erqankuchu.

Ezequiel 30:20

Chunka ujniyoj wataña kashajtin, ñaupaj killamanta qanchis p'unchaynimpi Señor parlamuwaspa niwarqa: Runa, Egiptopi rey kashan chay faraompa makinta p'akini, manataj pipis jampiwan churaykuspa mayt'uykunchu, watejmanta kallpachakuspa espadata jap'inampaj.

Oseas 9:13

Rikuni, Efraenqa wawasninta imaynatachus ruwasqanta. Payqa chay uywa jap'ejkuna jina orqhomun wañuyman entregaykunallampaj.

Ezequiel 27:27

Ashkha kapuyniyki, qhatu ruwanasniyki, tukuy ruwasqasniyki, mar qochapi purej runasniyki, buquesta apaykachaj runasniyki, buquej k'allkasninta ñuphaj runasniyki, qhatunasniykita allin yachaywan qhawajkuna. Ch'ajwapi maqanakoj runasniyki, tukuy qanwan purejkuna ima, chinkanayki p'unchay chayamojtin, mar qocha ukhuman ch'ultiykukonqanku.

Ezequiel 28:1

Señorqa parlamuwaspa niwarqa: Runa, Tiro llajtaj reyninman kay jinata niy: Sonqoykipi jatunchakuspa nerqanki: Noqa uj dios kani, Diospa tiyanampi tiyarishani, mar qocha chaupipi, nispa. Chaywampis qanqa runalla kanki, manataj dioschu. Uj dios jina yachayniyoj kasqaykita yuyakunki.

Amós 1:9

Ajinata nin Señorqa: Tiromanta runasqa ashkha sajra imasta ruwaspa juchallinku, chayrayku paykunata jasut'isajpuni; paykunaqa tukuy aylluntinta Edomman vendeykunku wata runasta jina, chay aylluwantaj uj tratota ruwarqanku hermanos jina kanankupaj.

Zacarías 9:2

Chay qayllallapitaj kashan chay Hamat llajtapis Señorpata. Chantá Tiropis, Sidompis tukuy kapuyninwan Señorpallatataj.