Ezequiel 1:4 - Qheshwa Biblia DC

⁴ Chaypacha rikorqani wichaynejmanta uj jatun muyoj wayra jamushajta. Chantá uj jatun phuyumanta nina lauray jina llojserqa, muyuynimpitaj sinch'i k'anchay karqa. Chay nina chaupipi uj broncepis kanman jina lliphipisharqa.

DIOSPA QHELQACHISQAN DEUTEROCANONICAL

⁴ Chaypacha wichaynejmanta uj jatun muyoj wayra jamushajta rikorqani. Chantá uj jatun phuyumanta nina lawray jina llojserqa, muyuyninpitaj sinch'i k'anchay karqa. Chay nina chawpipitaj uj llosq'ochasqa broncepis kanman jina lliphipisharqa.

DIOSPA QHELQACHISQ

⁴ Chaypacha wichaynejmanta uj jatun muyoj wayra jamushajta rikorqani. Chantá uj jatun phuyumanta nina lawray jina llojserqa, muyuyninpitaj sinch'i k'anchay karqa. Chay nina chawpipitaj uj llosq'ochasqa broncepis kanman jina lliphipisharqa.

Ezequiel 1:4 Referans Kwoze

Ezequiel 1:27

Chay runaman rijch'akojpata ñañu wasanmanta pataman llosq'osqa bronceta jina rikorqani lliphipishajta, ninawan muyuykusqatataj. Ñañu wasanmanta uramantaj ninata jina rikorqani. K'anchaywan muyuykusqataj karqa.

Ezequiel 8:2

Qhawarispataj, uj runata jina rikorqani, chaytaj chakanmanta uraman ninaman rijch'akorqa, chakanmanta patamantaj llusk'uchasqa bronce jina lliphipisharqa.

Jeremías 23:19

Señorpa k'ajaj phiñakuynenqa uj llojlla para jina, uj muyoj wayra jinataj juchasapaspa patanman choqakushan.

Jeremías 25:32

Tukuy Atiyniyoj Señorqa nin: Ñak'ariykunasqa nacionmanta nacionman chayanqanku. Uj manchay sinch'i llojlla paras oqharikamun kay pachaj tukuy k'uchunmantapacha.

Isaías 21:1

Ch'in mar qochamanta imaynachus kananmanta willakun. Neguevmanta muyoj wayra jamun, ajinata, manchachikuy ch'in jallp'amanta jamun.

Apocalipsis 1:15

Chakisnintaj llusk'achasqa lliphipej bronceman rijch'akorqanku, k'ajashaj hornopi jina; parlasqampis ashkha yakuspa sonasqanman jina.

Hebreos 12:29

Diosninchejqa q'olaj ninaj larwaynin.

Jeremías 25:9

Chayrayku wichaynejmanta tukuy ayllusta wajtasaj, chantá Babiloniamanta kamachiy rey Nabucodonosortapis, paykuna kay jallp'aman maqaj yaykumunankupaj, tukuy kaypi tiyakojkunaman, jinallataj chay qaylla nacionesmampis. Tukuyninkuta paykunata tukuchisaj. Paykunata wiñaypaj raqaykunasman tukuchisaj, uj t'ukunapaj jina, mancharikunapaj jinataj kanankama.

Jeremías 6:1

Benjamimpa ayllunmanta kaj runas, pakakunata mask'aychej, Jerusalenmantataj ayqeychej! Tecoapi putututa waqachiychej, uj señalta oqhariychej Bet-haquerempi, imaraykuchus pata ladomanta uj llakiy, manchay ñak'ariytaj jamunayashan.

Jeremías 4:6

Banderata Sión cheqanejman sayachiychej. Mask'aychej paykunata, amataj sayakuychejchu! Wichay ladomantaqa jatun ñak'ariyta, wañuchinakuytawan apamusaj.

Isaías 19:1

Uj willay jamun Egiptoj contrampi. Qhawariychej, Señorqa usqhayta rej phuyupi montasqa jamushan Egiptoman. Egiptopi kaj lantisqa payta rikuytawan kharkatitenqanku, egipciostaj maytapuni mancharikonqanku.

Salmos 50:3

Diosninchejqa mana ch'inllamantachu jamushan. Ñaupaqenta sinch'i q'olaj nina jamushan. Muyuynintataj sinch'i para jamushan.

2 Crónicas 5:13

Chaypacha tukuyninku trompetasta waqachej churakorqanku, tukuyninkutaj uj kunkallata takerqanku Señorta yupaychaspa, graciasta qospataj. Trompetasta, platillosta, waj tocanastapis ch'ajwarichispa takisharqanku, Señorta yupaychaychej. Payqa may k'achamin, munakuynenqa wiñaypajmin, nispa. Chay jinata nishajtinkutaj chay ratopacha Señorta yupaychana wasinman uj phuyu junt'aykorqa.

1 Reyes 19:11

Señortaj nerqa: Llojsimuy jawaman, chay orqopitaj Señorpa ñaupaqempi sayakuy. Señortaj pasarqa, uj jatun wayrataj qaqasta urmachimuspa wayrarqa Señorpa ñaupaqempi, Señortaj mana chay wayrapichu kasharqa; chay wayraj qhepampitaj uj jallp'a ikhakuy karqa, Señortaj mana chay jallp'a ikhakuypichu kasharqa.

Ezequiel 13:11

Niy ari, chay t'uruwan lluch'ajkunata chay perqaqa thuñikapunanta. Llojlla para jamonqa, rumi jina granizotaj chayamonqa, sinch'i wayrawan.

Ezequiel 13:13

Chayrayku noqa Señorqa nini: K'ajaj phiñakuyniypi sinch'ita wayrachimusaj. Manchay phiñakuy sinch'ita parachisaj, rumi jina granizotataj urmachimusaj, sinch'i phiñakuyniywan chinkachinaypaj.

Ezequiel 43:3

Chay mosqoypi jina rikusqayqa Jerusalenmanta t'unaykunampaj Señor jamojta rikorqani. Ajina karqa Quebar nisqa mayu cantopi rikorqani chay kikillantaj. Chayta rikuspataj pampakama k'umuykorqani.

Zacarías 6:6

Yana caballoswan aysasqa carroqa rishan norte ladoman, yuraj caballoswan aysasqa carrotaj rishan inti yaykuy ladoman, puka caballos aysasqan carrotaj risharqa sur ladoman, nispa.

Éxodo 9:24

Granizoqa qhon qhonkunawan ninawan chajrusqas urmamorqanku, chay jina granizoqa ni jayk'ajpis karqachu, chay jallp'api Egiptopi runa tiyakusqanmantapacha.

2 Reyes 2:11

Paykuna parlaspa rishajtinku nina carreta nina caballosniyoj rikhurimuspa t'aqarparerqa. Chanta Eliasqa uj muyoj wayrapi janaj pachaman wichariporqa.

Job 38:1

Chaymanta Señorqa Jobman parlamorqa manchay yanayarishaj para wayrapi, nerqataj: