Éxodo 6:7 - Qheshwa Biblia DC

⁷ Noqa orqhokapusqaykichej: Qankunaqa aylluy kankichej; noqataj Diosniykichej kasaj. Chaypi qankunaqa yachankichej noqamin Señorqa, qankunaj Diosniykichej kasqayta, egipcios mayta ñak'arichispa llank'achisusqaykichejmanta, noqa qankunata orqhosqayta.

DIOSPA QHELQACHISQAN DEUTEROCANONICAL

⁷ Noqa qankunata aylluypaj jap'ikapusqaykichej, noqataj Diosniykichej kasaj. Ajinamanta yachankichej noqa Tata Diosniykichej Egiptopi wata runa kanaykichejmanta kacharichisqayta.

DIOSPA QHELQACHISQ

⁷ Noqa qankunata aylluypaj jap'ikapusqaykichej, noqataj Diosniykichej kasaj. Ajinamanta yachankichej noqa Tata Diosniykichej Egiptopi wata runa kanaykichejmanta kacharichisqayta.

Éxodo 6:7 Referans Kwoze

Deuteronomio 29:13

Chantaqa kunanmantapacha qankuna Señorpa ayllun kankichej, paytaj qankunaj Diosniykichej kanqa, qankunaman nisusqaykichejman jina, imaynatachus ñaupa tatasniykichej Abrahamman, Isaacman, Jacobman ima juraspa nisqanman jina.

Deuteronomio 7:6

Qankunaqa Señor Diosniykichejpa t'aqasqa ayllun kankichej. Señorqa ajllasorqachej kay jallp'a patapi tukuy ayllun ukhumanta, qankuna Señorpa k'ata munasqa ayllun kanaykichejpaj.

Deuteronomio 4:20

Señorqa qankunata jap'ispa fierrota unuyachej Egipto hornomanta orqhomusorqachej, Paypa chayaqen ayllu kanaykichejpaj, imaynachus kunan kashankichej jinata.

Apocalipsis 21:7

Pichus atipanqa chayqa, tukuy imata chayaqepaj jap'enqa. Noqataj Diosnin kasaj, paytaj waway kanqa.

Deuteronomio 26:18

Señorpis kunanqa nillantaj, qankunalla paypa ayllun kasqaykichejta nisusqaykichejman jina, nisqasninta junt'anaykichejta.

Deuteronomio 14:2

Qankunaqa Señor Diosniykichejpa ajllakusqasnin runas kankichej. Pay ajllakusorqachej tukuy naciones ukhumanta, paypata ajllasnin nisqa runas kanaykichejpaj.

Apocalipsis 21:3

Tronomanta sinch'ita qhaparejta uyarerqani, nejtataj: Kayqa Diospa paykunawan tiyakuynin. Diosqa paykunawan kanqa. Runastaj paypa ayllun kanqanku, kikin Diostaj paykunaj Diosninku kanqa.

1 Pedro 2:10

Ñaupa p'unchaykunapeqa manaraj aylluchu karqankichej, kunanrí Diospa ayllunña kankichej. Jinallataj, ñaupa p'unchaykunapeqa Diospa khuyakuyninta manaraj tarerqankichejchu, kunantaj tarinkichejña.

Hebreos 11:16

Chaywampis, aswan sumaj llajtata munasharqanku, chay janaj pachapi kajta. Chayrayku Diosqa mana p'enqakunchu paykunaj Diosninku kayta, imaraykuchus paykunapaj uj llajtata wakichiporqa.

Romanos 8:31

Ima nisuntaj kaymantari? Sichus Dios noqanchejwan kashan chayqa, pitaj contranchejpi kanmanri?

Oseas 1:10

Uj p'unchaypeqa mar qochaj t'iyun jina mana yupay atina kanqanku israelitasqa, ni pi midiyta nitaj yupayta atenqachu. Diosqa manaña llajtaychu kankichej, ninasuykichejtaqa, qankunaqa kausaj Diospa wawasnin kankichej, nisonqachejñataj.

Jeremías 31:33

Jaqay p'unchaykunapi Israelwan tratoyta ruwasaj chayqa, kay jina kanqa: Leyniyta sonqosninkuman churasaj, chantá yuyayninkumampis qelqaykullasajtaj. Noqa Diosninku kasaj, paykunataj aylluy kanqanku. Noqa Señor chayta nini.

Isaías 41:20

Chayta ruwasaj tukuy runas rikunankupaj, allinta reparaspa umachakunankupaj, noqa Señor, atiyniywan kay imasta ruwasqayta, noqa Israelpa Santo Diosnin kay imasta rikhurichisqayta.

Salmos 81:6

Wasaykimanta q'epita qhechorqayki, sinch'i llank'aymanta orqhorqayki.

Éxodo 6:6

Chayrayku nimuy israelitasman: Noqa Señormin, orqhosqaykichej chay jina ñak'arispa egipciospaj llank'anaykichejmanta, chay jina sinch'i kamachi ruway mana atinamanta. Noqa atiyniyta rikuchisaj. Ashkha muchuy mana atinasta rikuchispa kacharichisqaykichej sumaj cheqanta ruwaspa.

Éxodo 2:11

Moisesqa ñapis jatunña kaspa ayllusninmanta kajkunata watukoj uj kuti llojserqa, chaypi rikorqa may llakisqas sinch'itataj llank'asqankuta. Chayllapitaj rikorqa uj egipcio runa uj yawar masin hebreota maqashajta.

Éxodo 16:6

Chaymantaqa Moiseswan Aaronwan israelitasman nerqanku: Kunan ch'isiyaykuyta yachankichej, imaynapichus Señorqa Egiptomanta orqhomusorqachej chayta.

Levítico 11:45

Noqaqa Señor kani, Egiptomanta orqhomorqaykichej Diosniykichej kanaypaj. Chayrayku qankunaqa llimphuspuni kanaykichej tiyan, imaraykuchus noqaqa santomin kani.

Isaías 49:23

Reyqa kanqanku uywaqe tatayki jina, reinapis mamayki jina. Paykunaqa pampaman umankuta chayachinankukama qanman qonqorikusonqanku, chakisniykipi jallp'as kajtapis qallunkuwan llajwasonqanku. Ajinapi qanqa yachanki noqa Señor kasqayta, noqapi atienekuwajkunaqa mana jayk'ajpis p'enqaypi rikhurerqankuchu.

Isaías 49:26

Chay ñak'arichisojkunaman kikin aychallankutataj mikhuchisaj; yawarnillankuwantaj vinowan jina machachisaj. Ajinamanta tukuy runas yachanqanku noqa Señor Salvadorniyki kasqayta, Jacobta kallpachaj salvajniyki kasqaytataj.

Isaías 60:16

Waj nacionespaj lechenta ujyanki, reyespa kapuyninwan kausanki. Chaypacha rejsiwanki noqa Señor salvajniyki, imamantapis orqhosojniyki, Jacobpa kallpachajnin ima kasqayta.

Isaías 63:8

Señorqa nerqa: Cheqamanta noqaj aylluy kanku, mana llullakoj wawas kanku, noqataj paykunata salvarqani, nispa.

Jeremías 30:22

Paykuna aylluy kanqanku, noqataj Diosninku kasaj. Noqa Señor chayta nini.

Ezequiel 20:19

Paykunata nerqani: Señor Diosniykichejqa noqa kani. Kamachisqasniyta ama pantaspa junt'aychej, yachachisqasniyta waqaychaychej, ruwaychejtaj.

Génesis 26:3

Kunanraykoqa kay jallp'allapiraj tiyakushay. Noqa qanwan kasaj, bendicisqaykitaj. Qanman, mirayniykimanwan kay jallp'asta qosqaykichej. Ajinamanta junt'asaj tatayki Abrahamman imatachus qosqayki nerqani chayta.

Génesis 28:13

Jinallataj paypa ñaupaqempi Señor sayashajta, payman nishajta: Noqa kani Señor, abueloyki Abrahampa Diosnin, tatayki Isaacpatawan. Qanman mirayniykimanwan qosqayki kay jallp'ata, maypichus puñushanki chayta.

Éxodo 7:17

Chayrayku Señorqa nimusunki: Kaypi yachawanki noqa Señor kasqayta: Kay tojnuywan kay mayupi kashaj yakuta wajtasaj, yakutaj yawarman tukonqa.

Éxodo 13:3

Moisestaj runasman nerqa: Kay diamanta yuyarikuychej, mayk'ajchus Egiptomanta Señor orqhomusorqachej jatun atiyninwan kamachillapuni kanaykichejmanta. Chayrayku ama mikhuychejchu levadurayoj t'antataqa.

Éxodo 13:14

Mayk'ajpis wawasniykichej tapusonqachej: Imatataj kay niyta munanri?, nispa chayqa, ninkichej: Kayqa niyta munan, ñaupa tatasninchej israelitasta Señor orqhomusqanta jatun atiyninwan Egiptomanta, maypichus kamachi mana ruway atinamanta.

Éxodo 14:4

Noqataj faraompa sonqonta rumiyachisaj qankunata qhatirimunasuykichejpaj. Chaypitaj atiyniyta rikuchisaj paypa patampi, tukuy soldadosnimpa patampiwan. Ajinamanta egipciosqa yachanqanku noqa Señor kasqayta. Israelitastaj chayta uyarispa kikinta ruwarqanku.

Éxodo 14:18

Maypachachus atiyniyta rikuchisaj faraompi, carrosnimpi, caballospi rej soldadosnimpi, chaypacharaj egipciosqa yachanqanku noqa Señor kasqayta.

Éxodo 15:2

Señorman takisaj. Pay noqaj salvacionniy, kallpaytaj. Kaymin Diosneyqa, Payta yupaychasaj, tataypa Diosnin; Payta jatunchasaj.

Éxodo 15:16

Paykunaman urmachun kharkatitiy, sustullikuytaj. Makiykej atiyninwan qhasayaspa chujruyachunku rumi jina; Oh Señor, Israel aylluyki pasanankama; kay rantikapusqayki aylluyki pasanankama.

Números 15:41

Noqamin kani Señorqa, qankunaj Diosniykichejtaj. Noqa Egiptomanta orqhomorqaykichej Diosniykichej kanaypaj. Noqa Señor Diosniykichej kani.

Deuteronomio 29:5

Noqaqa tawa chunka watas junt'ata ch'in pampaspi pusaykacharqaykichej. Chay purisqaykichejpitaj p'achasniykichej, ni ujut'asniykichejpis mana thantakorqachu.

Deuteronomio 29:12

Ajinaqa qankuna juraspa ninkichej, kunan kay tratota Señor Diosniykichej qankunawan ruwashan chayta.

1 Reyes 8:60

Ajinamanta chay jallp'a patapi tukuynin naciones yachanankupaj, Señorlla Dios kasqanta, manataj waj kasqanta.

1 Reyes 20:28

Chaypacha Diospa profetan Israelpa reyninman jamorqa, nerqataj: Señorqa ajinata nin: Imaraykuchus siriosqa ninku: Señorninkoqa orqosmanta Dios, manataj pampasmanta Dioschu, chayrayku kunanqa makisniykiman jaywaykullasqaykitaj, chay chhika manchay ashkha runasta. Yachankichejtaj, noqa Señor kasqayta.

Nehemías 1:10

Noqayku qampa kamachisniyki ayllusniykitaj kayku, qan kacharichikuwarqayku jatun atiyniykiwan, kallpaykiwantaj.

Salmos 100:3

Yachaychej Señorqa Dios kasqanta. Pay ruwawarqanchej, manataj noqanchej kikinchejchu ruwakorqanchej, Paypa ayllun kanchej, q'omer pastosninmanta ovejasnintaj.

Isaías 51:15

Noqa kani Señor Diosniyki, suteyqa Tukuy Atiyniyoj Señor. Noqa Señormin mar qochataqa aytiykachachini, maytataj qhollchoqeyachini.