Éxodo 6:6 - Qheshwa Biblia DC

⁶ Chayrayku nimuy israelitasman: Noqa Señormin, orqhosqaykichej chay jina ñak'arispa egipciospaj llank'anaykichejmanta, chay jina sinch'i kamachi ruway mana atinamanta. Noqa atiyniyta rikuchisaj. Ashkha muchuy mana atinasta rikuchispa kacharichisqaykichej sumaj cheqanta ruwaspa.

DIOSPA QHELQACHISQAN DEUTEROCANONICAL

⁶ Chayrayku qan israelitakunata ninki: Diosqa kay jinata nisunkichej: Noqamin Tata Dios kani. Noqataj Egiptopi sinch'i ruwanamanta orqhosqaykichej, wata runa kasqaykichejmantapis pagota qospa kacharichisqaykichej. Ajinamanta jatun atiyniywan Egipto llajtayojkunata sinch'ita ñak'arichispa, kay suyumanta pusakapusqaykichej.

DIOSPA QHELQACHISQ

⁶ Chayrayku qan israelitakunata ninki: Diosqa kay jinata nisunkichej: Noqamin Tata Dios kani. Noqataj Egiptopi sinch'i ruwanamanta orqhosqaykichej, wata runa kasqaykichejmantapis pagota qospa kacharichisqaykichej. Ajinamanta jatun atiyniywan Egipto llajtayojkunata sinch'ita ñak'arichispa, kay suyumanta pusakapusqaykichej.

Éxodo 6:6 Referans Kwoze

Deuteronomio 26:8

Jinata Señorqa Egiptomasta orqhomuwarqanchej jatun atiyninta rikuchispa, sinch'i manchachiywan, señaleswn, milagroswan ima.

1 Crónicas 17:21

Israel aylluyki jinari, mana ujwan pay jina kanchu, payqa uj k'ata nación kay pachapi kajkunamantaqa! Qan, Diosníy, kacharicherqanki aylluyki kanampaj, qantaj may uyarisqa karqanki paykunawan t'ukuna jatuchaj imasta ruwaspa. Qan Egiptomanta orqhomorqanki chay aylluykej ñaupaqenmanta chay waj nacionesta wijch'orqanki.

Deuteronomio 7:8

Señorqa ajllasunkichej munakususqaykichejrayku. Chayrayku payqa Egiptopi ñak'arishajtiykichej, faraompa kamachimpi kashajtiykichej jatun atiyninwan orqhomusorqachej, ñaupa tatasniykichejman imatachus ruwapusqaykichej nisqanta junt'ananrayku.

Éxodo 7:4

Faraonqa mana uyarisonqachejchu, noqataj atiyniyta rikuchisaj Egiptopi, soldadosniyta orqhokapusaj, aylluyta, Egipto jallp'amanta ashkha jasut'iykunata rikuchispa.

Nehemías 1:10

Noqayku qampa kamachisniyki ayllusniykitaj kayku, qan kacharichikuwarqayku jatun atiyniykiwan, kallpaykiwantaj.

Salmos 81:6

Wasaykimanta q'epita qhechorqayki, sinch'i llank'aymanta orqhorqayki.

Deuteronomio 15:15

Ama qonqankichejchu qankunapis Egiptopi kamachis kasqaykichejmanta, maynejmantachus Señor Diosniykichej kacharichimusunkichej. Chayrayku kunanqa noqa kay kamachiyta qoykichej.

Éxodo 15:13

Khuyakuspa, munakuyniykiwan kay salvasqayki israelitasta pusashanki. Atiyniykiwan pusashanki llimphu k'achitu wasiykiman.

Éxodo 3:17

Chantaqa nillawantaj, Egiptopi may llakiyta ñak'arinaykichejmanta kacharichinasuykichejta; pusasunaykichejtataj lechewan misk'iwan yaku jina corrishan chay jallp'aman, maypichus tiyakushanku, cananeos, hiteos, amorreos, ferezeos, heveos, jebuseos ima, chayman.

2 Reyes 17:36

Manachayqa Egipto jallp'amanta tukuy atiyninwan orqhomusorqachej chayllata manchachikunkichej, payllamantaj jaywanastapis qonkichej.

Deuteronomio 4:23

Qankunataj amapuni qonqaychejchu Señor Diosniykichej qankunawan tratota ruwasqanta. Amapuni ima lantitapis ruwakuychejchu. Amataj ruwankichejchu, mayqenkunatachus Señor Diosniykichej mana munanchu ruwanaykichejta imaman rijch'akojllatapis chaykunatawan.

Isaías 9:21

Manasés aylloqa Efraín aylluwan maqanakonqanku, Efraín ayllutaj Manasés aylluwan. Jinashaspalla Judá aylloj contranta sayarinku. Chaywampis, Señorpa k'ajaj phiñakuynenqa manarajpuni thasnukonqachu, makin oqharisqallapuni kashan.

Éxodo 6:29

Noqamin kani Señorqa. Rispa Egipto rey faraonman willamuy, imastachus noqa nisqayki chayta.

Éxodo 6:8

Noqa pusasqaykichej, ima jallp'atachus Abrahamman, Isaacman, Jacobman ima, chayaqenkupaj qosqaykichej nerqani chayman. Noqamin kani Señorqa.

Éxodo 6:2

Diosqa parlallarqapuni Moiseswan, nispa: Noqamin kani Señorqa.

Isaías 9:12

Sirios inti llojsimuynejmanta jamunku, inti yaykuynejmantataj filisteos. Chaykunataj Israeltaqa simi junt'ata mikhuykorqanku. Chaywampis Señorpa phiñakuynenqa manarajpuni thasnukunchu, jasut'inampaj wakichisqallapuni kashan.

Isaías 9:17

Chayrayku Señorqa mana khuyanchu waynasta, nitaj wajcha wawasta, nitaj viudastapis. Tukuyninku sajras kanku, juchasapastaj; tukuyninkutaj parlanku sajra palabrasllata. Chay tukuywampis, Señorpa k'ajaj phiñakuynenqa manarajpuni thasnukunchu, payqa jasut'inampaj makin oqharisqallarajpuni kashan.

Hechos 13:17

Kay aylloj Diosnin, ñaupa tatasninchejta ajllarqa. Egiptopi waj llajtayoj jina tiyashajtinku, paykunata jatunyacherqa. Diostaj atiyninwan Egiptomanta orqhomorqa.

Éxodo 1:11

Chaymanta Egiptomanta kajkunaqa capatazkunata churarqanku, israelitasta jasut'ispalla mayta llank'achinankupaj. Paykunata iskay llajtasta ruwacherqanku Pitonta, Ramasestawan. Chay llajtasqa karqa rey faraón mikhukunasta waqaychachinampaj.

Éxodo 2:11

Moisesqa ñapis jatunña kaspa ayllusninmanta kajkunata watukoj uj kuti llojserqa, chaypi rikorqa may llakisqas sinch'itataj llank'asqankuta. Chayllapitaj rikorqa uj egipcio runa uj yawar masin hebreota maqashajta.

Éxodo 12:41

Mayk'ajchus tawa pachaj kinsa chunkayoj watas junt'akorqa, chay kikin p'unchayllataj Señorpa soldadosnin Egiptomanta llojsiporqanku.

Éxodo 12:51

Chay kikin diallataj Señorqa orqhorqa Egiptomanta israelitaspa soldadosninta.

Éxodo 13:3

Moisestaj runasman nerqa: Kay diamanta yuyarikuychej, mayk'ajchus Egiptomanta Señor orqhomusorqachej jatun atiyninwan kamachillapuni kanaykichejmanta. Chayrayku ama mikhuychejchu levadurayoj t'antataqa.

Éxodo 13:14

Mayk'ajpis wawasniykichej tapusonqachej: Imatataj kay niyta munanri?, nispa chayqa, ninkichej: Kayqa niyta munan, ñaupa tatasninchej israelitasta Señor orqhomusqanta jatun atiyninwan Egiptomanta, maypichus kamachi mana ruway atinamanta.

Éxodo 16:6

Chaymantaqa Moiseswan Aaronwan israelitasman nerqanku: Kunan ch'isiyaykuyta yachankichej, imaynapichus Señorqa Egiptomanta orqhomusorqachej chayta.

Éxodo 18:1

Jetro, Madianmanta sacerdote, Moisespa warmimpa tatan yacharqa Dios imastachus ruwasqanta Moisesnejta ayllusnin israelitaspaj. Chanta yachallarqataj Señorqa israelitasta Egiptomanta orqhomusqanta.

Deuteronomio 4:34

Karqachu ima diosllapis uj nacionta tukuy nacionespa chaupinmanta ajllakojqa, imaynatachus qankunawan ruwarqa Señor Diosniykichej Egiptopi ajinata qankunaj ñaupaqeykichejpi, milagroswan, guerraswan ima, jatun atiyninta pruebaswan, señaleswan rikuchispa, manchachispataj?

Deuteronomio 5:15

Qanqa yuyarikuy imaynatachus qampis Egiptopi kamachi kasqaykita. Señor Diosniyki chaymantaqa orqhomusorqa jatun atiyninwan. Chayrayku Señor Diosniykeqa kamachisunki, samakuna p'unchayta waqaychanaykita.

Deuteronomio 6:12

Chaypacha amapuni Señorta qonqapunkichejchu. Paymin Egiptomantaqa orqhomusorqachej kamachis kashajtiykichej.

Jeremías 21:5

Noqa kikiy qankunaj contraykichejpi maqanakusaj tukuy atiyniyta kachaykuspa k'ajaj phiñakuyniywan.

Jeremías 32:21

Qanqa may jatun atiyniykiwan Egiptomanta Israel aylluykita orqhomorqanki, señalesta ruwaspa, t'ukuna ruwasqasniykiwan tukuyninta manchariykuchispa ima.

Éxodo 3:8

Chayrayku uraykamuni egipciospa makinmanta, atiyninmanta ima orqhonaypaj; chay jallp'ankumanta orqhospa sumaj jatun jallp'aman pusanaypaj, mayqempichus lechewan misk'iwan yaku jina corrishan chayman. Chay jallp'apeqa tiyakushanku kay runas: Cananeos, heteos, amorreos, ferezeos, heveos, hebuseos ima.

Éxodo 7:5

Chaymantaraj Egiptopi atiyniyta rikuchejtiy, egipciosqa yachanqanku noqa Señorqa kasqayta, paykunaj chaupinkumanta israelitasta orqhomusqaymanta.

Éxodo 13:16

Chayrayku makiykichejpi, ñawiykichej patapi ima, uj señal imamantapis kajtin, chaymanta yuyarikunaykichejpaj. Ajinamanta yuyarikunkichej kay rikuchikuta jaywajta rikuspa, Egiptomanta Señor may atiyninwan ñaupa tatasninchej israelitasta orqhomusqanta.

Éxodo 32:11

Moisestaj chayta uyarispa Señor Diosninmanta mañakorqa, nispa: Señorníy, imaraykutaj qan paykunapaj k'ajaj phiñakuyniykita rikuchiwajri, israelita runasniykej contrampiri, mayqentachus Egipto jallp'amanta manchay kallpawan, atiywantaj orqhomusqaykipajri?

Deuteronomio 7:19

Yuyarikuychej may chhika imastachus t'ukuna ruwanasninta rikusqaykichejta, señalesta, milagrosta, jatun atiynintawan. Chay jinata qankunataqa Egiptomanta orqhomusorqachej. Chay kikillantataj Señorqa ruwanqa tukuy nacioneswan qankuna manchachisushankichej chaykunawan.

Deuteronomio 9:29

Paykunaqa kanku qampa aylluyki, qampa chayaqeyki. Qanmin paykunata Egiptomanta orqhomorqanki jatun kayniykiwan, atiyniykiwantaj, nispa.

Deuteronomio 11:2

Qankunaqa kunan kayta waqaychaychej. Mana ari wawasniykichejmanchu nishani, imaraykuchus paykunaqa mana yacharqankuchu Señor Diosniykichejpa yachachisqasninta, nitaj rikorqankuchu jatun kayninta, imastachus jatun atiyninwan ruwasqasninta ima.

Salmos 77:16

Diosníy, mar qochaqa rikukuspa manchachikusorqa. Ukhu yakusnimpis kharkaterqanku.

Salmos 81:7

Llakiyniykipi wajyawarqanki, noqataj librarqayki, qhon qhon phuyu ukhumanta kutichimorqayki. Meriba yaku chimpapi probarqayki.

Salmos 81:11

Aylluy mana uyariwarqachu; Israelqa mana kasukuwarqachu.

Jeremías 27:5

Jatun atiyniyta kachaykuspa kay pachata ruwarqani, runasta, chaypi kashanku chay animalestapis, chantataj pischus munasqasniyman qopusaj.

Ezequiel 20:33

Noqa Señormin kausayniyrayku jurani. Jatun atiyniywan, phiñakuywan jasut'ispataj qankunata kamachisqaykichej.