Éxodo 40:34 - Qheshwa Biblia DC

³⁴ Chaymantataj chay Dioswan tinkukuna toldota phuyuykamorqa, Señorpa jatun kaynintaj chay wasiman junt'aykorqa.

DIOSPA QHELQACHISQAN DEUTEROCANONICAL

³⁴ Chantá Dioswan Tinkukuna Toldota phuyu p'ampaykorqa, Tata Diospa jatun kayninpa lliphipiynintaj toldoman junt'aykorqa.

DIOSPA QHELQACHISQ

³⁴ Chantá Dioswan Tinkukuna Toldota phuyu p'ampaykorqa, Tata Diospa jatun kayninpa lliphipiynintaj toldoman junt'aykorqa.

Éxodo 40:34 Referans Kwoze

Apocalipsis 15:8

Templotaj q'osñiwan junt'aykorqa, Diospa k'anchayninrayku, atiyninraykutaj. Manataj pipis temploman yaykuyta atejchu, chay qanchis angelespa, qanchis jasut'iykuna jap'isqanku junt'aykunankama.

2 Crónicas 7:2

Chayraykumá sacerdotesqa yupaychana wasiman mana yaykuyta aterqankuchu.

Éxodo 29:43

Chaypi tantakusaj israelitaswan. Chay cheqataj, chaypi kasqayrayku noqallapaj kanqa.

Éxodo 14:24

Señortaj q'ayantin sut'iyarpamuyta egipciospa campamentonta, phuyu ukhumanta, nina k'anchay ukhumantawan qhawarimuspa, egipciostaqa q'alata pejturparerqa.

Levítico 16:2

Chaypi Señorqa Moisesman nerqa: Wauqeyki Aaronman niy, ama sapa kuti Diospa tiyakunanman yaykunankuta, mayqenchus veloj wasampi kashan chayman, nillataj Diospa leyninwan kashan chay cajompa kirpanan qayllamampis, ama payñataj wañunampaj. Imaraykuchus noqaqa rikuchikuni uj phuyupi chay kirpana patapi.

Éxodo 33:9

Moisés, Dioswan tinkukuna toldoman yaykojtinkamataj, sayashaj phuyu punkuman uraykamoj, chay phuyu chaupipitaj Señorqa Moisesman parlarqa.

Apocalipsis 21:3

Tronomanta sinch'ita qhaparejta uyarerqani, nejtataj: Kayqa Diospa paykunawan tiyakuynin. Diosqa paykunawan kanqa. Runastaj paypa ayllun kanqanku, kikin Diostaj paykunaj Diosninku kanqa.

Hageo 2:9

Kay qhepa kaj temploqa aswan sumaj kanqa, ñaupajta karqa chay templomanta nisqaqa. Chaypachataj kaypi runasman sonqo tiyakuyta noqa qosaj. Noqa, Tukuy Atiyniyoj Señor kaytaqa nini.

Hageo 2:7

Tukuy nacionesta kharkatichisaj, tukuy nacionestaj tiyapusqanta apamonqanku, temploytaj gloriawan junt'a kanqa. Tukuy Atiyniyoj Señorqa ajinata nin: Qolqepis, qoripis noqajta.

Isaías 6:4

Chay jinata qhaparisqankuwan Diosta yupaychana wasej punkusnin kharkatiterqa, chay ukhumantaj q'osñi junt'aykorqa.

2 Crónicas 5:13

Chaypacha tukuyninku trompetasta waqachej churakorqanku, tukuyninkutaj uj kunkallata takerqanku Señorta yupaychaspa, graciasta qospataj. Trompetasta, platillosta, waj tocanastapis ch'ajwarichispa takisharqanku, Señorta yupaychaychej. Payqa may k'achamin, munakuynenqa wiñaypajmin, nispa. Chay jinata nishajtinkutaj chay ratopacha Señorta yupaychana wasinman uj phuyu junt'aykorqa.

Éxodo 25:8

Runasqa ruwapuwachunku uj toldota, noqataj paykuna ukhupi tiyakusaj.

Romanos 9:4

Paykuna kanku israelitas, pikunatachus Dios wawasnimpaj jina rejsikaporqa; paykunamantaj jatun kayta qorqa, tratotataj paykunawan ruwarqa; chantá qorqa leyta, templopi Diosta yupaychayta, qosqaykichej nerqa chaykunatawan.

Números 7:89

Dioswan tinkukuna toldopi Dioswan parlanampaj yaykuytawan Moisesqa, Señorpa parlamusqanta uyarerqa, Diospa leyninwan kasharqa chay cajompa kirpanan patapi, querubinespa chaupinmanta. Ajinata Señorqa chaypi paywan parlarqa.

2 Samuel 7:6

Egiptomanta orqhomorqani israelitasta chaymantapacha kunankama, mana ruwasqa yupaychana wasispichu tiyakorqani, manachayqa purerqani toldollapi.

Ezequiel 10:4

Chantá Señorpa k'anchaynenqa querubinespa patanmanta, Diosta yupaychana wasiman yaykuna chaynejman purirerqa. Phuyutaj Diosta yupaychana wasiman junt'aykorqa. Señorpa k'anchaynintaj patio junt'ata k'anchaykorqa.

Éxodo 16:10

Aarón jinata israelitasman willashajtintaj, paykunaqa ch'in orqonejta qhawarerqanku, Señorpa jatun kaynintaj rikhurimorqapacha uj jatun phuyupi.

Salmos 26:8

Señor, wasiykita noqa munakuni, maypichus atiyniykiwan tiyakunki chaytawan.

Isaías 57:15

Ajinata nin jatun Diosqa, wiñaypaj tiyakojqa, sutenqa Santo Dios: Noqaqa patapi tiyakuni, Santo cheqaypi. Llamp'u sonqoyojwan, k'umuykukojwan kashani, k'umuykukoj sonqoyojkunata, llakisqakunatawan kusichinaypaj.