Éxodo 40:13 - Qheshwa Biblia DC

¹³ Jinaspataj Aaronta sumaj ruwasqa p'achaswan p'achallichinki, aceitewantaj jawiy sacerdotey t'aqasqa kanampaj.

DIOSPA QHELQACHISQAN DEUTEROCANONICAL

¹³ Chantá Aaronta sumaj ruwasqa p'achawan p'achallichinki, aceitewantaj jawispa, sacerdotey kananpaj payta t'aqanki.

DIOSPA QHELQACHISQ

¹³ Chantá Aaronta sumaj ruwasqa p'achawan p'achallichinki, aceitewantaj jawispa, sacerdotey kananpaj payta t'aqanki.

Éxodo 40:13 Referans Kwoze

Éxodo 28:41

Ajinata wauqeyki Aaronta wawasnintawan sumajta p'achallichinki, chaymantataj umasninkuta aceitewan jawiranki, paykuna noqapaj t'aqasqas kanankupaj; ajinamanta sacerdotesniy kanqanku.

1 Juan 2:27

Qankunaqa Santo Espirituta Jesucristomanta jap'erqankichej. Payta qankunawan kashan, nitaj pimanta yachachinata munankichejñachu. Santo Espiritoqa, tukuy imata yachachisunkichej. Paypa yachachisqanqa cheqa, manataj llullachu. Chayrayku qankunaqa, Cristowan ujlla kakuychej, imaynatachá Santo Espíritu yachachisorqachej, ajinata.

1 Juan 2:20

Qankunaqa Santo Espirituta Jesucristonejta jap'erqankichej, chayta tukuy yachankichej.

Hebreos 10:29

Mashkhatawanraj yuyankichej jasut'isqa kananta chay runa Diospa Churinta saroj, yawar tratontataj millay nej, chaypitaj llimphuchasqa karqa, khuyakoj Espiritupajtaj rimarqa?

Hebreos 10:10

Chay munaynimpi llimphuchasqa kanchej, Jesucristoj cuerpon wiñaypaj uj kutillata qosqa kasqanrayku.

San Juan 17:19

Paykunarayku noqa kikiyta qanman entregakuyki, paykunapis cheqa kajpi qanman entregakusunankupaj.

Isaías 61:1

Señorpa Espíritun noqawan kashan, imaraykuchus Señorpuni noqataqa ajllawan. Sumaj willaykunata wajchasman willanaypaj kachamuwan, llakisqastataj sonqochanaypaj. Kachamuwantaj wata kamachis librasqas kanankuta ninaypaj, jinallataj carcelespi kajkunatapis kacharichinaypaj.

Éxodo 40:14

Chaymantaqa wawasnintañataj qayllachimuspa wakin p'achaswan p'achallichiy.

Levítico 7:36

Chayta Señorqa Israelitasta kamacherqa, sacerdotespaj t'aqasqas kasqankumantapacha chay imasta qonankupaj. Kayqa kamachisqa karqa junt'anankupaj tukuy miraykuna wiñaypaj.

Levítico 8:13

Chaymantaqa Aarompa wawasnintañataj wajyarqa. P'achastataj churakunankupaj jaywararqa, chumpicherqataj. Chaymantataj umasninkuman muru ch'ulusta churaracherqa, imaynatachus Señorqa Moisesman kamachisqanman jina.

Éxodo 29:7

Chaymantataj jawinayki aceitewan umanman jich'aykuspa jawiykunki sacerdote kanampaj.

Levítico 7:35

Señorman ofrendasta ruphachisqa kanampaj qosqasninkumanta, chayta qonankupuni tiyan Aaronman, mirayninmanwan, Señorqa sacerdotesnimpaj rejserqa chay p'unchaymantapacha.