Éxodo 35:21 - Qheshwa Biblia DC

²¹ Chaymantataj ofrendasta apamorqanku mashkhatachus tukuy sonqowan qoyta munarqanku chayta, astawanqa apamorqanku Dioswan tinkukuna toldo nisqa ruwakunampaj, imaswanchus kanan karqa chaykunata, imasninchus kanan karqa chaykunapaj; sacerdote p'achasta ima.

DIOSPA QHELQACHISQAN DEUTEROCANONICAL

²¹ Chaymantataj sonqomanta munaspa, mashkhatachus qoyta munasqankuman jina, tukuy sonqo Tata Diospaj ofrendata apamorqanku. Dioswan Tinkukuna Toldota ruwanapaj, toldopi imachus kanan karqa chaykunata, jinallataj sacerdotekunapaj p'achata ruwanapaj apamorqanku.

DIOSPA QHELQACHISQ

²¹ Chaymantataj sonqomanta munaspa, mashkhatachus qoyta munasqankuman jina, tukuy sonqo Tata Diospaj ofrendata apamorqanku. Dioswan Tinkukuna Toldota ruwanapaj, toldopi imachus kanan karqa chaykunata, jinallataj sacerdotekunapaj p'achata ruwanapaj apamorqanku.

Éxodo 35:21 Referans Kwoze

1 Crónicas 29:14

Kunanrí, pitaj noqa kani, aylluypis pitaj kasqa chhika imasta qanman qoyta atinaykupajri? Cheqamanta tukuy imaspis qanmanta jamun, qanmanqa qoyku qanmanta jap'erqayku chayllamantataj.

Éxodo 35:29

Ajinata tukuy qharis warmis ofrendasninkuta israelitasqa apamorqanku maskhatachus tukuy sonqowan, kusiywantaj qosqankuta, imaynatachus Moisesman Señorqa kamachisqanman jina imastachus ruwanankupaj.

Éxodo 35:26

Chanta apamullarqankutaj pi warmischus cabra pelosmanta imastapis t'ipasqasninkuta.

Éxodo 35:5

Qankuna ukhupi ofrendata Señorpaj oqhariychej tukuy runas, tukuy sonqowan maytachus qoyta munasqankuman jina apamonqanku qorita, qolqeta, bronceta, telasta; lilata, puka pantita, pukata, sumajnin kaj linota, cabra pelosmanta ruwasqata, pukaman teñisqa oveja qarasta, qowi qarasta, acacia maderasta, k'anchachinapaj aceiteta, sumaj k'achata q'apaj imasta jawina aceitepaj, k'achata q'apashajta inciensopaj, ónice rumita, efodta k'acha rumiswan k'achanchanapaj, sacerdotej ima k'achanchanapajwan.

Éxodo 36:2

Moisesqa wajyarqa Bezaleelta, Aholiabta, tukuy yachayniyojkunatawan, pikunamanchus Señor qorqa yachayta tukuy sonqo imastapis k'achitusta ruwanankupaj. Paykuna kikinkutaj nerqanku Señorpaj imastapis tukuy sonqo ruwanankuta, chaykunatawan.

Éxodo 35:22

Ajinata jamorqanku qharis warmis ofrendas aparisqas, mashkhatachus sonqonkupi qoyta munasqankuman jina. Chaypi apamorqanku kaykunata: Jap'ichinasta, faluchosta, qori sortejasta, walqasta, imaschus qorimanta ruwasqa karqa chaykunatawan. Ajinata Señorman ofrendasta apamorqanku.

2 Corintios 9:7

Sapa uj churachun sonqompa yuyasqanman jina, ama llakikuspa, nitaj kamachisqa jinachu; imaraykuchus Diosqa munakun pichus kusiywan qojta.

2 Corintios 8:12

Sichus uj runa munanman cheqamanta qoyta chayqa, Dios jap'enqa chay ofrendata tiyapusqanman jina. Payqa mana mañanchu mana imayojmantaqa.

San Mateo 12:34

Katarikunaj miraynin! Imaynatataj allinta parlawajchej sajras kashaspari? Sonqopi imachus junt'a kashan, chaymanta simeqa parlan.

Jeremías 30:21

Paykuna ukhumanta kuraj kajninku llojsenqa, kamachejninkupis paykuna ukhullamantataj llojsenqa. Paytaqa noqaman qayllachimusaj. Pitaj kausayninta qoyta munanman noqaman qayllamunawampajri?

Proverbios 4:23

Tukuy ima waqaychasqa kajmanta astawan sonqoykita waqaychay; chaymantamin jamun kausayniykeqa.

Salmos 110:3

Atipasqayki llajtapi, aylluyki qanman jaywaykusonqa, santo orqos patapi. Sut'iyay chhulla jina, wayna kayniyki mosojchakun sapa p'unchay.

Esdras 7:27

Chaypacha Esdrasqa Diosta yupaycharqa kay jinata: Tatasniykojpata Diosnenqa Señornintaj yupaychasqa kachun, Pay churarqa reypa sonqompi Jerusalempi kaj Señorpa templonta jatunchanampaj.

1 Crónicas 29:9

Tukuy runasqa kusikorqanku chay jina k'acha sonqoyoj kasqankumanta. Chay tukuy imasta Señorman tukuy sonqosninkuwan qosqankurayku rey Davidpis mayta kusikorqa.

1 Crónicas 29:3

Yupaychana wasipaj tukuy wakichisqaymanta jawaqa, Diosniypa yupaychana wasinta munakusqayrayku jaywallanitaj qorita, qolqetapis noqajpata kajmanta:

1 Crónicas 28:9

Qanrí, wawáy Salomón, tataykej Diosninta allinta kasuy usqhayta kasukuspataj, Señorqa tukuypa sonqonta rejsin, jinallataj ima yuyasqantapis Payqa rejsin. Ajinata payta mask'anki chayqa, tarinki. Paymanta t'aqakuywaj chayri, wiñaypaj qhesachasonqa.

1 Crónicas 28:2

Chaypacha Davidqa sayarikuspa nerqa: Uyariwaychej hermanosníy, qankuna aylluymanta kajkunapis. Noqa munarqani uj wasita jatarichiyta, Señorpa trato ruwasqa cajonninta chayman churanapaj. Chaypitaj Diosninchejpa tiyakunan kanampaj, wakichikorqaniñataj tukuy imasta chay wasita ruwachinaypajqa.

2 Samuel 7:27

Qan, Tukuy Atiyniyoj Señorniy sut'inchawanki mirayniyta sayachinaykita, chayrayku kamachiyki kashaspapis kayta mañarikuyki.

Jueces 5:12

Rijch'ariy, rijch'ariy Débora; Rijch'ariy, takirikuytaj uj takiyta. Abinoampa wawan Barac, jatarikuy apakapuytaj presosniykita.

Jueces 5:9

Sonqoyqa kusisqa kashan Israelpa kuraj kamachejkunasninmanta, Aylluypa runasnin maqanakuman rinapaj k'uchis kasqankumantapis. Señorta yupaychaychej.

Jueces 5:3

Uyariwaychej, qankuna reyes, Uyariwaychej, qankuna kamachejkuna, Kunan takisaj Señorman, Kunan takisaj Israelpa Diosninman.

Éxodo 35:20

Tukuynin israelitas Moisespa ñaupaqenmanta riraporqanku.

1 Crónicas 29:8

Ajinallatataj valorniyoj k'acha rumisniyoj kajkunaqa jaywarqanku Diosta yupaychana wasipi jallch'asqa kanampaj, chay jallch'anampajtaj Gersompa ayllunmanta Jehiel churasqa karqa. Gersompa ayllunmanta karqa.

Esdras 2:68

Wakin ayllumanta kuraj runas, Jerusalempi kaj Señorpa templonman chayaytawan ofrendasninkuta qorqanku Diospa templon watejmanta ruwakunampaj kikin lugarnimpi.