Éxodo 34:29 - Qheshwa Biblia DC

²⁹ Chaymantataj Moisesqa uraykamorqa Sinaí orqomanta chay chunka kamachiykuna escribisqa rumi marq'arisqa. Chay puntamanta uraykamushaspa Moisesqa mana reparakorqachu uyan lliphipisqanta, Dioswan parlamusqanmanta.

DIOSPA QHELQACHISQAN DEUTEROCANONICAL

²⁹ Chaymantataj Moisesqa Sinaí orqomanta urayk'amuspa, p'alta rumipi qhelqasqa kamachisqakunata apamorqa. Tata Dioswan parlasqanrayku uyan lliphipirishasqanta Moisés mana reparakorqachu.

DIOSPA QHELQACHISQ

²⁹ Chaymantataj Moisesqa Sinaí orqomanta urayk'amuspa, p'alta rumipi qhelqasqa kamachisqakunata apamorqa. Tata Dioswan parlasqanrayku uyan lliphipirishasqanta Moisés mana reparakorqachu.

Éxodo 34:29 Referans Kwoze

San Mateo 17:2

Paykunaj ñaupaqenkupitaj Jesusqa uj jinaman tukorqa. Uyanqa inti jina k'ancharerqa; p'achantaj yurajman tukorqa, k'anchay jina.

San Lucas 9:29

Jinapi Diosmanta mañakushajtin, uyampa rijch'aynin waj jinaman tukorqa; p'achampis yuraj lliphipejman tukorqa.

Éxodo 32:15

Moisestaj chay orqomanta uraykorqa palqayoj ruwasqa p'alta rumipi escribisqa leyta marq'arisqa. Chay rumispeqa iskaynin palqasnimpi Diospa leynin escribisqa karqa.

Apocalipsis 1:16

Paña makimpitaj qanchis qoyllurkunata jap'isharqa; siminmantataj iskay filoyoj espada llojsimusharqa; uyantaj karqa inti sinch'ita lliphipishaj jina.

2 Corintios 3:13

Mana Moisés jinachu ruwayku. Payqa uyanta qhataykukorqa velowan ama israelitas qhawanankupaj, imachus chinkapojpa tukukuyninta.

Apocalipsis 10:1

Waj kallpasapa angeltataj janaj pachamanta uraykamojta rikorqani phuyuwan muyurisqata, k'uychitaj uman patapi karqa, uyantaj inti jina, chakisnintaj nina pilarkuna jina.

Hechos 6:15

Jatun juntapi tiyashajkunataj Estebanta qhawarispa angelpa uyanta jina rikorqanku.

San Juan 5:13

Chay thañisqa runataj mana yacharqachu mayqenchus kasqanta. Jesustaj chaypajqa riporqaña, imaraykuchus ashkha runa chaypi kasharqa.

Hechos 12:9

Pedrotaj angelpa qhepanta carcelmanta llojsishaspa, mana yacharqachu angelpa ruwasqan cheqachus manachus kasqanta. Payqa yuyasharqa mosqoypi jina rikusqanta.

Hechos 23:5

Pablotaj nerqa: Wauqekuna, mana noqaqa yacharqanichu pay kuraj sacerdote kasqanta; escribisqa kashan: Ama sajrata rimankichu llajtaykipi kamachejpajqa.

San Lucas 2:49

Chantá Jesús nerqa: Imaraykutaj mask'awankichejri? Manachu yachankichej Tataypa ruwanasnimpi kanayta?

Marcos 9:6

Pedroqa mana yacharqachu imatachus parlasqanta, imaraykuchus mancharisqas kasharqanku.

Jueces 16:20

Chaymantataj qhaparerqa: Sansón! Filisteos jap'ej jamushasunku! nispa. Sansontaj rijch'arerqa, yuyaspa ñaupaj kutispi jina kacharichikuspa ayqerikapunanta, jinapis mana yacharqachu Señorqa payta saqerparisqanta.

Josué 8:14

Hai llajtamanta reyqa ajina kasqanta rikuytawan usqhay usqhayta soldadosninwan tutamanta llojserqa Jordán valleman israelitaswan maqanakamoj, mana yachaspa llajta wasapi wakin israelitas pakasqa kashasqankuta.

Josué 2:4

Chay warmitaj pakaykuspa nerqa: Arí, iskay runas chayakamuwarqanku, chaywampis mana yachanichu maymantachus kankupis.

Marcos 14:40

Ujtawan kutimuspataj, puñurashajllatataj tariparqa; imaraykuchus paykunaqa k'aywisharqanku puñuywan atichikuspa; manataj imata kutichiyta aterqankuchu.

Éxodo 16:15

Chayta rikuspa israelitasqa ninakorqanku ujkuna ujkunawan: Imataj kaykunari?, nispa, imaraykuchus mana yacharqankuchu imaschus kasqanta. Chaymanta Moisesqa paykunaman nerqa: Kayqa t'anta; chayta Señorqa qosunkichej mikhunaykichejpaj.

Éxodo 31:18

Señorqa ajinata Sinaí orqopi Moiseswan parlayta tukuytawan, payman qorqa leyta palqayojta ruwasqa p'alta rumipi kikin Diospa dedonwan escribisqata.

Deuteronomio 10:5

Noqataj orqomanta uraykamorqani. Chaymantataj chay rumita chay cajonman churaykorqani Señor kamachiwasqanman jina. Chayqa kunankama jaqaypiraj kashan.

Eclesiastés 8:1

Pitaj yachayniyoj runa jinari? Tukuy imaspis imatachus niyta munasqanta pitaj pay jina yachanmanri? Uj runaj uyantaqa yachaynin k'ancharin. Phiña uyatapis k'achaman tukuchin.

Éxodo 34:35

Israelitas Moisespa uyanta qhawarejtinku lliphipishajtintaj, Moisesqa ujtawan uyanta qhataykukullarqataj velowan, ujtawan rispa Dioswan parlamunankama.