Éxodo 34:24 - Qheshwa Biblia DC

²⁴ Ñaupaqeykichejmanta waj nacionesta qharqosaj, jallp'asniykichejtataj astawan jatunyachisaj. Chay jallp'asniykichejtaqa ni pipis munapayanqachu, chayri jap'ikaponqachu, qankuna watapi kinsa kutita Señor Diosniykichejman qayllakunkichej chayqa.

DIOSPA QHELQACHISQAN DEUTEROCANONICAL

²⁴ Noqataj ñawpaqeykichejmanta waj suyukunapi tiyakojkunata qharqosaj, jallp'aykichejtataj astawan jatunyachisaj. Chayrayku watapi kinsa kutita Tata Diosniykichejta yupaychaj jamunaykichejkamaqa, mana pipis jallp'aykichejta qhechuyta munaspa yaykumonqachu.

DIOSPA QHELQACHISQ

²⁴ Noqataj ñawpaqeykichejmanta waj suyukunapi tiyakojkunata qharqosaj, jallp'aykichejtataj astawan jatunyachisaj. Chayrayku watapi kinsa kutita Tata Diosniykichejta yupaychaj jamunaykichejkamaqa, mana pipis jallp'aykichejta qhechuyta munaspa yaykumonqachu.

Éxodo 34:24 Referans Kwoze

Salmos 78:55

Diosta mana rejsej runasta, nacionesta ñaupaqenmanta qharqorqa, jallp'asnintaj Israelpa ayllusninman rak'irarqa; chaykunapitaj ch'ujllasninkupi paykunata kausacherqa.

Éxodo 33:2

Noqa kachamusaj angelniyta ñaupaqeykita rispa pusasunampaj; ñaupaqeykimantataj qharqosaj karuman cananeosta, amorreosta, hititasta ferezeosta, heveosta, jebuseosta ima.

Hechos 18:10

Noqamin qanwan kashani. Manataj pipis imanasonqachu. Kay llajtapeqa ashkhas kanku noqapi creejkuna.

Proverbios 16:7

Maypachachus uj runaj purisqan Señorta kusichin chaypachaqa, chejnejkunasnintinta paywan allinyakunata ruwan.

Deuteronomio 12:20

Maypachachus Señor Diosniykichej jallp'aykichejta jatunyachejtin, pay qosqaykichej nisqanman jina, aychamanta yarqhasonqachej chayqa, ima ratollapis mikhuyta atinkichej.

Salmos 80:8

Egiptomanta uj uvas sach'ata orqhorqanki. Qanta mana rejsisoj nacionesta wijch'orqanki, chaymantaj plantaykorqanki.

1 Crónicas 4:10

Jabestaj mañakorqa Israelpa Diosninmanta kay jinata: Mañakuyki bendicionniykita qonawaykita, uj jatun jallp'atawan, yanaparinawaykita, tukuy sajra kajmantataj waqaychanawaykitataj, ama ima llakiypi kanaypaj. Diostaj qorqa chay imatachus mañakusqanta.

Deuteronomio 19:8

Señor Diosniykichej jallp'aykichejta jatunyachejtin, tukuynin jallp'asta qopusojtiykichej, ñaupa tatasniykichejman nisqanman jina, chaypacha kinsa pakakuna llajtastawan yapankichej chay kinsa llajtasman, ñaupajta karqaña chaykunaman. Chayqa kanqa sichus junt'ankichejpuni, kay qosqaykichej kamachiykunasta Señor Diosniykichejta munakuspa, ñannintapuni purispataj.

Deuteronomio 7:1

Señor Diosninchejqa pusasonqachej maypichus jallp'ata jap'ikunkichej chayman. Ñaupaqeykichejmanta Señor qharqonqa qanchis jatuchaj nacionesta, qankunamanta aswan jatun atiyniyojta: Hititasta, gergeseosta, amorreosta, cananeosta, fereseosta, heveosta, jebuseosta ima.

Génesis 35:5

Paykuna chaynejmanta llojsejtinkutaj Dios qorqa manchachikuyta, chay qayllasnimpi kaj llajtas manchachikunankupaj. Chayrayku Jacobpa wawasninta mana qhaterqankuchu.

Job 1:10

Manachu qan payta jark'anki tukuy imamanta, ayllunta, tukuy imasnin kajtapis? Qan bendicishanki tukuy ima ruwasqasninta; chayrayku tukuy ima kapuyniyoj manchay qhapajtaj kay jallp'api.

2 Crónicas 17:10

Chaypachataj Judá qayllapi kaj tukuy jallp'asmanta reykunasqa Señorta sinch'ita manchachikorqanku. Chayrayku Josafatpa contrampeqa maqanakuyta mana munarqankuchu.

Levítico 18:24

Ama chay jinamanta millayta juchachakunkichejchu. Chay imaswan chay ayllus juchacharkorqanku, mayqenkunatachus kunan qankunaj ñaupaqeykichejmanta wijch'usaj.

Éxodo 34:11

Kay kamachisqayta sumajta junt'aychej; noqa qharqosaj ñaupaqeykichejmanta amorreosta, cananeosta, hititasta, ferezeosta, heveosta, jebuseostawan.

Deuteronomio 16:16

Señor Diosniykichejpa ñaupaqenman tukuy qharisqa watapi kinsa kutita qayllanqanku, may cheqatachus Señorqa ajllakorqa chaypi, kay fiestaspi: Mana levadurayoj t'anta, nisqa qhochukupi, semanas nisqa fiestapi, ramadas nisqa fiestapipis, mana ni mayqellampis mana imayojqa Señorman qayllaykonqachu.

Salmos 120:1

Llakisqa kashaspa Señorta wajyakuni, payrí uyarillawampuni.

Génesis 15:18

Chay kikimpacha Señorqa uj tratota Abramwan ruwarqa, nispa: Mirayniykiman qosaj kay jallp'ata. Chaytaj kanqa Egipto mayumanta, Eufrates jatun mayukama.

1 Reyes 5:1

Tiromanta rey Hiramqa kamachisninta Salomompaman kacharqa yachaytawankama payta jawiykusqankuta, tatan Davidpa cuentanmanta kamachinampaj, imaraykuchus Hiramqa Davidta munakojpuni.